Langit nihi Bumi sa bio ¹ Udi hio,kuki nginni langit sa bio nihi bumi sa bio.Gene,langit sa asal nihi bumi sa asal haot jawoh;balalu laut lei haot bakoi naan lagi. ² Balalu,kuki nginni kota kudus,Yerusalem Bio,minau tekei langit,tekei Allah,balalu haot na siapkan sameh pangantin wawei ba his mat gi wane e. ³ Kuki ngarengei lengan sa mehet tekei takhta ngeau,"inni bo,kemah Allah ta penah-penah murunsia.aye sagar muneng ta helang here balalu here sagar jari umat E.Allah kakareb sagar naan ta helang here balalu jari Allah here. ⁴ Aye sagar muhut sa tiap ranu mate tekei mate here balalu pampatei bakoi sagar naan lagi,bakoi sagar naan lagi kasusah,tangisan,atawa panginam mahanang gene haot lawah nangkah." ⁵ Aye sa maharung ta takhta hio ngeau,"Inni bo,kuki ngajari kaluhan e bio!"eau E lagi,"Tulis bo iti gene paneran-paneran iti kiuh na harap nihi wuah." ⁶ Udi hio,aye ngeau napot kuki,"haot galis!Kuki aye hio Alfa nihi Omega,sa asal nihi sa pangalis e.Kuki sagar ngami ngoot napot setiap ulun sa kalalah tekei mate ranu pamelum nihi cuma-cuma. ⁷ Aye sa manang sagar mawaris kaluhan e iti;kuki sagar jari Allah e balalu aye sagar jari anak-anak Ku. ⁸ Tapi,here sa takut,bakoi harap,nihi keji;pa munu,ulun-ulun lahung,tukang sihir,*here penyembah berhala,*nihi kaluhan panamposo,sagar kiuh bagian here huang lautan apui sa malelap-lelap ulah apui nihi balerang.itilah kapateian sa karueh."Yerusalem bio ⁹ Udi hio,isa tekei pitu malaikat sa negei pitu cawan sa penu nihi pitu bencana pangalis hio hawi balalu ngeau napot kuki,"ayu bo,kuki sagar nutui napot kayo pangantin wawei,harau Anak Domba hio." ¹⁰ Balalu,aye nunda kuki huang roh napot isa gunung sa hante tuu nihi entu,namput nutui napot kuki kota suci hio,Yerusalem,sa minau tekei langit,tekei Allah, ¹¹ penu nihi kemuliaan Allah nihi cahaya e sameh permata sa larang tuu,sameh permata Yaspis,jernih sameh kristal. ¹² Kota hio naan ampun tembok sa hante nihi entu nihi rueh belas pintu gerbang.tanganr pintu-pintu gerbang hio naan rueh belas malaikat nihi aran-aran tatulis ta entu e,aye hio aran rueh belas suku Israel.* ¹³ Naan telu pintu gerbang ta tuhi timur,telu pintu gerbang ta tuhi utara,telu pintu gerbang ta tuhi selatan,nihi telu pintu gerbang ta tuhi barat. ¹⁴ Tembok kota hio naan ampun rueh belas watu fondasi nihi ta entu watu - watu fondasi hio ta tulis aran ka rueh belas rasul* Anak Domba. ¹⁵ Malaikat sa bapander napot kuki hio negei isa kawua tungkeh pangukur sa ta ulah tekei amas mat ngukur kota hio,pintu-pintu gerbang e,nihi tembok e. ¹⁶ Kota hio babentuk segi epat,amau e sameh nihi lebar e.aye mangukur kota hio nihi tungkeh e,rueh belas ribu stadia;amau,lebar,nihi amau e sameh. ¹⁷ Balalu,aye ngukur tembok kota hio,jatuh epat pulu epat hasta,nutah ukuran murunsia,sa lei sameh ukuran malaikat ¹⁸ Tembok kota hio ta ulah tekei permata yaspis nihi kota hio ta ulah tekei amas murni,sa tarang kaca. ¹⁹ Fondasi tembok kota hio tekei entu kaluhan masam permata sa larang.watu fondasi sa asal aye hio watu yaspis,sa karueh watu safir,sa katelu watu mirah,sa ka epat aye hio watu zamrud, ²⁰ sa ka dime watu unam,sa kaenem watu sardis,sa kapitu watu ratna cempaka,sa ka walu watu beril,sa ka suei watu krisolit,sa kasapuluh watu krisopras,sa ka sebelas watu lazuardi,balalu sa ka rueh belas aye hio watu kecubung ²¹ Ke rueh belas pintu gerbang e aye hio rueh belas watu mutiara,masing-masing pintu gerbang ta ulah tekei isa mutiara.lalan kota hio ta ulah tekei amas murni,sa tarang kaca. ²² Kuki bakoi kakinni Bait Allah* ta huang kota hio gene Tuhan,Allah Sa Maha kuasa,nihi Anak Domba kakareb lah Bait Allah kota hio. ²³ Kota hio bakoi memerlukan mate andrau atawa bulan ma nyantarang e gene kemuliaan Allah nyantarang kota hio balalu Anak Domba aye hio lampu e. ²⁴ Bangsa-bangsa sagar takia huang cahaya kota hio nihi raja-raja ta bumi sagar nunda kemuliaan here gi huang e. ²⁵ Pintu-pintu gerbang e bakoi sagar piji na tutup ta ka andrau,balalu bakoi sagar naan kamalem ta aro. ²⁶ Here sagar nunda kemuliaan nihi hormat bangsa-bangsa gi huang kota hio. ²⁷ Tapi,bakoi isa lei sa najis sagar suluk gi huang kota hio,lei ulun sa ngulah hal-hal keji atawa ngulah oso,tapi ekat sa ngarane tatulis huang Kitab Pamelum Anak Domba.