¹ Udi hio,malaikat hio nutui e napot kuki hungei ranu pamelum,sa tarang sameh kristal,mareh tekei takhta Allah nihi Anak Domba ² ta penah-penah lalan kota hio.Ta karueh iring hungei,tumbu kakau pamelum sa ngahasilkan rueh belas masam wua e satiap wulan.Rawen-rawen kayu hio na pakai mat nyamare bangsa-bangsa. ³ Bakoi sagar naan lagi sumpah,tapi takhta Allah nihi Anak Domba sagar naan tangar huang kota hio.Hamba-hamba E sagar menyembah Aye. ⁴ here sagar nginni wajah E nihi aran E sagar tatulis ta rai here. ⁵ malem bakai sagar naan lagi hampe here bakoi memerlukan cahaya lampu atawa mate andrau gene Tuhan Allah sagar nyantarang here,balalu here sagar memerintah salawah-lawah e. Kahawian Yesus Kristus ⁶ Malaikat hio ngeau napot kuki,"kaluhan pander iti kiuh na harap nihi wuah.Tuhan,Allah tekei roh here nabi,"nunyu malaikat E mat nutui napot hamba-hamba E inon sa harus hinang jari. ⁷ Rengei lah,Kuki hinang hawi ! na berkati lah ulun sa nuu paneran-paneran nubuat*kitab injil." ⁸ Kuki Yohanes,sa haot ngarengei balalu nginni kaluhan hio.Katika kuki ngarengei nihi nginni kaluhan e,kuki ba sujud mat menyembah ta pee malaikat sa haot nutui kaluhan hio napot kuki. ⁹ Tapi,aye ngeau napot kuki,"ada ngulah hio!Kuki aye hio walah sameh nihi kayo namput pulaksanai-pulaksanai nu,here nabi,namput sameh here sa nuu paneran-paneran huang kitab iti.Sembah lah Allah!" ¹⁰ Udi hio,malaikat hio ngeau napot kuki,"ada manyegel paneran-paneran nubuat huang kitab iti gene wayah e haot riet." ¹¹ elah bo ulun sa ngulah sa jahat,ulun sa bakoi suci tatap bakoi suci,ulun sa ngulah wuah tatap ngulah wuah,balalu ulun sa kudus tatap manguduskan tenga e." ¹² "Rengei bo,kuki hinang hawi! Kuki nunda upa Ku,mat nyamaleh setiap ulun nutah gawian e. ¹³ Kuki Alfa nihi Omega,sa asal nihi sa pangalis,sa Asal nihi sa Pangalis. ¹⁴ Na berkati lah here sa mupuk jubah here hampe here naan ampun kakau pamelum hio balalu suluk napot kota hio nangkah pintu-pintu gerbang e. ¹⁵ Sa ta wading kota hio aye hio tahu-tahu,ulun sa ngulah sihir,ulun-ulun cabul,here pamunu,here peyembah berhala,nihi ulun-ulun sa kagiri panamposo. ¹⁶ Kuki,Yesus,haot nunyu malaikat Ku mat bersaksi napot kayo gene kaluhan iti napot jemaat-jemaat.Kuki lah tunas palus keturunan Daud*, Sa Bintang Timur sa maraai." ¹⁷ Roh* balalu pangantin wawei hio ngeau,"ayu bo!"elah bo ulun sa ngarengei iti ngeau,"ayu bo!"elah bo ulun sa kalalah hawi;elah bo ulun sa basadia ngalap ranu pamelum nihi cuma-cuma."Pangalis ¹⁸ Kuki bersaksi napot kaluhan ulun sa ngarengei paneran nubuat kitab iti:"amun naan sa nambah isa lei ta paneran-paneran iti,Allah sagar nambah napot aye kaluhan bencana sa tatulis huang kitab iti. ¹⁹ Balalu,amun naan sa nampakurang isa tekei paneran-paneran huang kitab nubuat iti,Allah sagar ngalap bagian ne tekei kakau pamelum,tekei kota kudus,nihi tekei hal-hal sa tatulis huang kitab iti." ²⁰ Aye bersaksi gene hal-hal iti ngeau,"oi,Kuki hinang hawi."Amin*!Hawi lah,Tuhan Yesus! ²¹ Anugrah Tuhan Yesus menyertai kaon kaluhan.Amin.