Kerajaan seribu taun ¹ Udi hio,kuki nginni malaikat minau tekei surga,nunda kunci jurang maut nihi isa kawua rantai hante ta tangan e. ² aye nyaput naga hio,sa Nipe Matueh,sa aye hio setan nihi Iblis,palus nuruk e salawah seribu taun, ³ Nawut e gi huang jurang maut,nutup e,nihi manyegel e mat aye bakoi sagar nyantawang bangsa-bangsa lagi,hampe seribu taun hio galis.Udi hio,aye sagar nyanapas e tawelek. ⁴ Balalu,kuki nginni takhta-takhta nihi ta entu e maharung ulun-ulun sa na ami kuasa mat menghakimi.kuki ngini jiwa-jiwa ulun-ulun sa na tetek ulu e gene kesaksian Yesus nihi gene Firman Allah,balalu here sa bakoi menyembah satua hio atawa patung e nihi bakoi narime tanda bintang hio tangar rai atawa tangan here. here waleng welum balalu memerintah hayak Kristus salawah seribu taun. ⁵ Tapi,ulun-ulun matei sa lain e bakoi welum lagi samete wayah seribu taun hio galis.itilah kebangkitan sa ka isa. ⁶ Na berkati balalu na kudus lah ulun-ulun sa kiuh bagian huang kebangkitan*ka isa hio.nadap ulun-ulun iti,kapateian karueh bakoi bakuasa,tapi here sagar jari imam-imam Allah nihi Kristus,balalu sagar memerintah hayak Aye salawah seribu taun.Katalau Iblis ⁷ Udi wayah seribu taun galis,iblis sagar na sanapas tekei penjara e. ⁸ Aye sagar tulak mat nyantawang bangsa-bangsa tangar ka epat penjuru bumi,Gog nihi Magog,nihi ngumpul here mat pakai baperang.jumlah here sameh pasir ta laut. ⁹ Here mambai gi wungkur bumi balalu manyarang perkemahan ulun-ulun kudus ta kota sa na kaahi.tapi,apui minau tekei langit palus nampa galis here. ¹⁰ Balalu,setan sa haot nyantawang here na tawut gi huang lautan apui nihi belerang,tangar aro lah satua nihi nabi palsu hio na tawut.here sagar na siksa kaandrau nihi kamalem salawah-lawah e. "Penghakiman tangar hadapan takhta mahilak ¹¹ Udi hio,kuki ngini takhta sa hante balalu Aye sa maharung ta entu e,sa tekei hadapan E bumi namput langit jawoh nihi bakoi na kahalu lagi mat uneng here. ¹² Balalu,kuki nginni ulun-ulun matei,hante nihi halus,mindri ta hadapan takhta hio.balalu,na uka lah kitab-kitab nihi isa kitab sa lain,aye hio kitab pamelum,sa ulun-ulun matei hio nahakimi gene inon sa tatulis huang kitab hio,susuk nihi gawian here. ¹³ Laut manyarah ulun-ulun matei sa naan ta huang e,maut nihi hades lei manyarah ulun-ulun matei sa ta huang e nihi here na hakimi,masing-masing nutah gawian e. ¹⁴ Balalu,maut nihi hades na tawut gi huang lautan apui.iti lah kapateian sa karueh- lautan apui. ¹⁵ Amun erang kulun aran e bakoi tatulis huang Kitab Pamelum,aye sagar na tawud gi huang lautan apui hio.