Wawei tangar entu bintang ¹ Udi hio,isa tekei pitu malaikat sa negei pitu cawan hio ngarieet palus bapander napot kuki,eau e,"gi iti lah,kuki sagar nutui napot kayo hukuman mat lahung hante hio,sa maharung ta entu ajoh ranu, ² sa nihi e raja-raja ta bumi ba zina nihi here sa muneng ta bumi haot mahamui ulah anggur perzinaan e." ³ Malaikat hio nunda kuki huang roh gi padang haket,balalu kuki nginni erang kulun wawei maharung ta entu erang kikui satua ba warna mariang sa penu nihi ngaran-ngaran hujat,sa ampun pitu ulu nihi sapuluh tandruk. ⁴ wawei hio makai pakaian ba warna ungu nihi mariang sa bahiaskan amas,watu-watu permata,nihi mutiara.aye negei isa kawua cawan amas sa penu nihi kekejian palus karaat perzinahan. ⁵ Tangar rai e,ta tulis isa aran,isa rahasia: "BABEL SA HANTE,INE HERE LAHUNG NIHI KALUHAN KEKEJIAN TA BUMI." ⁶ Kuki nginni wawei hio mahamui ulah ira ulun-ulun kudus nihi ulah ira saksi-saksi Yesus.Wayah kuki nginni e,kuki waoh tuu. ⁷ Balalu,malaikatngeau napot kuki,"wuah inon kayo waoh?Kuki sagar mawara napot kayo rahasia wawei hio nihi rahasia satua sa na ambai e,sa ba ulu pitu nihi batandruk sepuluh hio. ⁸ Satua sa na inni kayo hio piji naan,tapi wayah iti haot bakoi naan,balalu sagar hinang balua tekei jurang mateinapot pampatei.Balalu,here sa muneng ta bumi,sa arane bakoi ta catat huang kitab pamelum tekei dunia na ciptakan,sagar waoh katika nginni satua hio,sa piji naan,tapi wayah ina haot bakoi naan,balalu sagar balua lagi. ⁹ Hal iti perlu akal nihi hikmat.pitu ulu hio aye hio pitu gunung sa ta entu e wawei hio maharung. ¹⁰ pitu ulu hio lei aye hio pitu raja,dime tekei antara e haot lawu,isa raja masih naan,balalu isa raja lagi mete hawi,tapi katika aye hawi,aye harus muneng tawelek bo. ¹¹ Satua sa sadi piji naan,tapi wayah iti bakoi naan lagi hio,aye hio raja ka walu tapi aye ta masuk huang pitu raja huni,balalu aye napot kapateian. ¹² Ka sapuluh tandruk sa na inni kayo aye hio sapuluh raja sa mete narime pemerintahan,tapi here narime kuasa sebagai raja salawah erang jam hayak satua hio. ¹³ Here naan ampun aheng sa sameh,nihi here ngami kuasa nihi wewenang here napot satua hio. ¹⁴ Here sagar berperang nawan Anak Domba,tetapi Anak Domba sagar nampa talau here gene Aye hio Tuhan entu kaluhan tuhan nihi raja entu kaluhan raja balalu here sa hayak Aye hio lah sa naherau,na pilih,nihi sa setia." ¹⁵ Udi hio,malaikat hio ngeau napot kuki,"Ranu sa na inni kayo,sa ta entu e lahung maharung hio,aye hio ulun,ulun ajoh,bangsa,nihi bahasa. ¹⁶ Ka sapuluh tandruk sa na inni kayo nihi satua hio sagar marikang lahung hio.Here sagar ngulah e ta lantar nihi mapoloi,namput nguta lunek e nihi nutung aye nihi apui. ¹⁷ Gene,Allah haot ngandak hal hio ta huang atei here mat kiuh nutah aheng E nihi satuju mat ngami kekuasaan here napot satua hio hampe Firman Allah na tampa genep. ¹⁸ Wawei sa na inni kayo hio aye lah kota hante sa memerintah entu raja-raja ta bumi."