Pitu cawan sa baisi muruka Allah ¹ Balalu,kuki ngarengei lengan sa mehet tekei huang Bait Allah sa ngeau napot ka pitu malaikat,"tulak bo palus santundrak bo ka pitu cawan muruka Allah hio gi bumi." ² Malaikat ka isa tulak palus nyantundrak cawan e gi bumi,balalu timbul lah bisul sa mararaat nihi mahanang tangar ulun-ulun sa makai tanda satua hio nihi mayembah patung e. ³ Malaikat ka rueh nyantundrak cawan e gi laut,balalu laut baubah jari ira,sameh ira ulun matei;palus kaluhan sa welum e lei matei. ⁴ Malaikat ka telu nyantundrak cawan e napot hungei-hungei nihi mate-mate ranu,balalu kaluhan e jari ira. ⁵ Balalu,kkuki ngarengei malaikat sa bakuasa entu ranu ngeau,"Kayo adil,oi Sa Suci,sa naan balalu haot ada naan gene Kayo menghakimi kaluhan iti. ⁶ Gene,here haot nyatundrak ira umat Nu sa kudus nihi ira nabi-nabi Nu*,tapi Kayo ngami here ira mat na o`ot.Here susuk narime e." ⁷ Balalu,kuki ngarengei altar* ngeau,"oi Tuhan,Allah Sa Maha kuasa,wuah nihi adil lah penghakiman Nu." ⁸ Malaikat ka epat nyantundrak cawan e gi entu mate andrau,balalu mate andrau na ami kuasa mat nutung murunsia nihi apui. ⁹ Murunsia na tutung ulah laing sa mehet tuu,tapi here menghujat ngaran Allah sa ampun kuasa entu kaluhan bencana iti. here bakoi hakun bertobat nihi memuliakan Allah. ¹⁰ Malaikat ka dime nyantundrak cawan e gi entu satua hio,balalu kerajaan e jari mieng;balalu here ngikit lela here gene kahanangan, ¹¹ Balalu menghujat Allah sa ta surga gene kainam hanang nihi bisul-bisul here;tapi here bakoi bertobat tekei ulahan-ulahan here. ¹² Malaikat ka enem nyantundrak cawan e gi hungei hante,aye hio Efrat,balalu ranu e jari meang mat nampasiapkan lalan napot raja-raja tekei timur. ¹³ Balalu,kuki ngini wawa naga,tekei waw satua hio,balalu tekei wawa nabi palsu balua telu roh najis sa na inni sameh bekok, ¹⁴ Gene here aye hio roh-roh raat,sa ngulah tanda-tanda ajaib,sa tulak napot raja-raja ta bumi mat nyimpun here mat nadap peperangan ta andrau hante,aye hio andrau Allah,Sa Maha kuasa. ¹⁵ ("Inni bo!Kuki hawi sameh pangalat.na berkati lah ulun sa tatap kakelan nihi memelihara pakaian e nampe aye bakoi sagar takia nihi mapoloi nihi ulun-ulun bakoi nginni pakakas e.") ¹⁶ Udi hio,roh-roh raat hio mengumpulkan here ta uneng,sa huang bahasa Ibrani na antuh Harmagedon. ¹⁷ Malaikat ka pitu nyantundrak cawan e gi udara,balalu ta rengei lah lengan sa mehet tekei Bait Allah,tekei tahkta hio,ngeau,"haot galis." ¹⁸ Balalu,katena lah kelat sa nyambar-nyambar,lengan nihi gemuruh guntur,nihi gempa bumi sa hebat,sameh sa mete piji jari tekei murunsia naan ta entu bumi,mehet tuu gempa hio. ¹⁹ Kota hante hio patuhi jari telu bagian,balalu kota-kota bangsa-bangsa runtun;balalu Babel sa hante hio bakoi na tanan Allah mat na ami napot cawan anggur muruka E sa newe-newe. ²⁰ Satiap pulau jawoh nihi gunung-gunung bakoi na haba. ²¹ Uran es sa hante,na tanguh-tanguh sa weat 1 talenta,lawu tekei langit nukun murunsia;tapi murunsia menghujat Allah gene bencana uran es hio.gene,bencana hio kalahio mararawan.