Pitu malaikat sa nunda pitu bencana ¹ Kuki nginni tanda tekei langit,sa hante nihi ajaib,pitu malaikat sa nunda pitu bencana,aye hio bencana sa pangalis,gene huang ka pitu bencana hio lah muruka Allah na tangalis ² Balalu,kuki ngini isa hal sameh lautan kaca basampur apui nihi here sa haot nyantalau satua hio,patung e,nihi angka aran e,mindri ta iring lautan kaca hio nihi negei kecapi Allah. ³ Here menyanyikan nyanyian Musa,*hamba Allah,nihi nyanyian Anak Domba:"hante nihi ajaib kaluhan gawian Nu,oi Tuhan,Allah sa Maha kuasa.Adil nihi wuahkaluhan jalan Nu,oi Raja kaluhan bangsa. ⁴ Hie kah sa takut nihi Kayo,oi Tuhan nihi bakoi memuliakan aran Nu?gene,ekat Kayo lah sa kudus.kaluhan bangsa sagar hawi nihi menyembah ta hadapan Nu gene keadilan Nu haot nasantarang." ⁵ Udi kaluhan hal iti,kuki ngini Bait Allah,kemah kesaksian Allah ta surga,ta uka. ⁶ pitu malaikat sa nunda pitu bencana hio balua tekei Bait Allah,ba pakaian linen sa mahilak nihi bakilau,nihi makai salempang amas ta dada here. ⁷ Isa tekei ka epat makhluk ngami napot ka pitu malaikat hio pitu cawan amas,penu muruka Allah,sa welum salawah-lawah e. ⁸ Bait Allah na tampenu nihi atuk tekei kemuliaan Allah nihi kuasa E;balau bakoi erang kulun lei kiuh suluk Bait Allah samete pitu bencana tekei ka pitu malaikat hio galis.