Satua sa balua tekei laut ¹ Udi hio,kuki kakinni erang kikui satua buas balua tekei huang laut,naan ampun sapuluh tandruk nihi pitu ulu.Tangar tiap tandruk e naan isa mahkota nihi tangar setiap ulu e tatulis aran-aran hinaan. ² Satua buas sa na inni ku hio sameh nihi mcan tutul,pee e sameh pee wayuang,balalu wawa e sameh wawa singa.Naga hio ngami satua buas hio kanakut,tahkta,nihi kuasa sa hante. ³ Kuki nginni isa tekei ulu-ulue sameh wuah batan sa kiuh ngulah pampatei,tapi batan hio jari kaoh.kaluhan dunia nawat balalu nutah satua buas hio. ⁴ Balalu,here menyembah naga hio gene haot ngami kekuatan e napot satua buas hio;balalu here menyembah satua buas hio palus ngeau,"hie kah sa sameh satua buas iti balalu hiekah sa sameh satua buas iti balalu hie kah sa kiuh palakat nawan aye?" ⁵ Balalu,napot aye naami isa wawa sa bapander sakah palaus nyapa,nihi kuasa mat ngagawi e salawah 42 wulan. ⁶ Aye nguka wawa e huang sapa an nawan Allah,mat nyapa aran E,nihi kemah E,balalu here sa muneng ta surga. ⁷ Aye lei na huyu bo mat ngalakat ulun-ulun kudus palus nyatalau here;balalu napot aye na ami kuasa entu kaluhan suku,kaum,nihi bahasa,nihi bangsa. ⁸ Kaluhan sa muneng tangar bumi sagar menyembah e,aye hio setiap ulun sa ngaran e tatulis nekei dunia na kajari huang kitab pamelum ampun Anak Domba,sa haot na samalis ⁹ Setiap ulun sa ba silu oboh aye ngarengei kan iti: ¹⁰ "amun erang kulun na tentukan mat jari tawanan,aye sagar jari tawanan;amun erang kulun na wunu nihi pedang,nihi pedang lei aye harus na wunu."hio lah ketekunan nihi iman ulun-ulun kudus.Satua sa balua tekei Bumi ¹¹ Balalu,kuki kakinni erang kikui satua buaslain balua tekei huang bumi;balalu satua hio naan rueh tandruk sameh anak domba,tapi aye bapander sameh erang kikui naga. ¹² Aye ngajalankan kaluhan kuasa satua buas sa ka isa hio ta hadapan e,balalu ngulah bumi nihi here sa muneng tangar huang e menyembah satua buas ka isa,sa batan tamam e haot kaoh. ¹³ Aye ngulah tanda-tanda ajaib sa hante,bahkan nampinau apui tekei langit gi bumi,ta hadapan ulun-ulun. ¹⁴ Balalu,aye nyantawang ulun-ulun sa muneng ta bumi nihi tanda-tanda ajaib sa na huyu napot aye mat ngulah tangar hadapan satua buas sa ka isa.Aye ngeau napot here sa muneng ta bumi mat ngulah patung satua buas sa ka isa,sa batan ulah pedang,tapi tatap welum hio. ¹⁵ Aye na huyu mat ngami hewuk napot patung satua buas hio hampe patung satua buas hio tau bapander balalu ngulah ulun-ulun sa menyembah patung hio na wunu. ¹⁶ Balalu,aye ngulah kaluhan ulun,halus atawa hante,sugih atawa susah,walah atawa ulun bebas,na ami isa tanda tangar tangan kawan e atawa rai e, ¹⁷ mat bakoi naan erang kulun lei kiuh midi atawa matang kecuali aye sa naan tanda hio,aye hio ngaran satua buas hio atawa bilangan aran e. ¹⁸ Hal iti memerlukan hikmat.Elah bo ulun sa bijaksana ngareken angka satua buas hio gene angka hio aye hio angka erang kulun murunsia;balalu angka e enem jatuh enem pulu enem.