Rueh saksi ¹ Balalu,na ami napot kuki isa buluh,ujud e sameh tungkeh pangukur,nihi antuhan-antuhan,"tulak nihi ukurlah Bait Allah palus Altar e palus here sa beribadah ta huang e. ² Sagar tapi,elah bo pelataran Bait Allah sa ta tuhi wading,ada mengukur e gene hio haot na ami kan napot bangsa-bangsa; nihi here sagar narah-narah Kota Suci hio salawah 42 wulan. ³ Balalu,Kuki sagar ngami kuasa napot karueh saksiku nihi here sagar bernubuat*salawah 1260 andrau nihi makai kain kabung." ⁴ Here iti aye hio 2 kakau zaitun nihi 2 pee dian sa mindri tangar hadapan Tuhan sa ampun bumi. ⁵ Balalu,amun naan ulun sa kakan nampahanang here,apui balua tekei wawa here balalu nangalis musuh-musuh here.Amun hie bo sa kakan nampahanang here,aye sagar na wunu nihi cara sameh hio. ⁶ Karueh e itinaan ampun kuasa mat nutup langit mat uran bakoi minau tangar andrau-andrau nubuat here;balalu naan ampun kuasa entu ranu mat nguabh e jari ira palus ngompak bumi nihi tiap malapetaka,ka gaha aheng here. ⁷ Balalu,katika here haot nyanyari kesaksian here,binatang sa timbul tekei huang jurang pampatei sagar ba perang nawan here palus nyantalau here,nihi munu here. ⁸ Balalu,bangkai karueh e sagar tajalapak ta lalan kota hante,sa secara simbolis na antuh Sodom* nihi Mesir,uneng Tuhan takam lei na salibkan. ⁹ Balalu,tekei kaluhan bangsa nihi suku nihi bahasa nihi kaum sagar nginni bangkai karueh e salawah 3,5 andrau nihi bakoi sagar mengizinkan bangkai karueh e na tampakading tangar ogang. ¹⁰ Balalu,sa na tanan ta bumi sagar ba sanang entu here palus basanang; balalu here saling ngirimkan hadiah isa nihi sa lain gene karueh nabi iti manyiksa here sa muneng ta bumi. ¹¹ Tapi,udi 3,5 andrau,roh pamelum tekei Allah suluk gi huang karueh bangkai hio,balalu here mindri ta entu pee here hampe sa mamperhatikan here jari bakoi heei. ¹² Balalu,here ngarengei lengan sa mehet tekei surga ngeau nihi here,"ambai bo gi iti!" balalu,here lei mambai gi surga huang awan,na saksikan ulah musuh-musuh here. ¹³ Balalu,tangar wayah hio,jarilah gempa bumi sa mehet hampe sepersepuluh kota hio runtun;balalu pitu ribu ulun matei gene gempa bumi hio,balalu sa bakoi matei jari takut tuu,balalu memuliakan Allah tangar surga. ¹⁴ Bencana sa ka rueh haot lewat;inni bo bencana sa ka telu sagar hinang hawi.Trompet sa ka pitu malengan ¹⁵ Balalu,malaikat sa ka pitu nyiwui trompet e,balalu ta renegei lah lengan mehet tekei surga sa ngeau,"pemerintahan dunia haot jari pemerintahan Tuhan takam nihi Aye Sa Na urapi E*,balalu Aye sagar memerintah hampe kalalawah e". ¹⁶ Udi hio,ruam pulu epat tueh-tueh* sa maharung ta tahkta here,ta hadapan Allah,basujud palus menyembah Allah, ¹⁷ nihi ngeau,"kami basyukur nihi Kayo,oh Tuhan,Allah Sa Maha kuasa,Sa naan nihi sa haot naan,gene Kayo haot ngalap kuasa Nu sa hante palus mulai memerintah. ¹⁸ Balalu,bangsa-bangsa haot sangit,tapi muruka Nu haot hawi,balalu waktu e haot hampe napot ulun-ulun matei mat nahakimi palus ngami upa hamba-hamba Nu,nabi-nabi* balalu ulun-ulun kudus nihi sa takut sagar ngaran Nu,palus mat ngahancurkan here penghancur bumi!" ¹⁹ Udi hio,ta ukalah Bait Allah ta surga palus ta inni lah Tabut perjanjian Allah huang Bait E,nihi balua lah kilat nihi lengan guntur nihi gempa bumi nihi uran es ya labat