1
Balalu,suluklah Yesus balalu nangkah kota Yerikho.
2
Ta aro naan erang kulun laki bangaran Zakheus,aye hio kepala pengumpul pajak nihi erang kulun sa tatau.
3
Aye ba usaha ngini Yesus,tapi bakoi kiuh gene tahalang ulun ajoh;gene tenga e ime.
4
Jari,Zakheus nempat ngadahulu ulun ajoh balalu mambai isa kakau ara mat ngini Yesus gene Aye sagar nangkah lalan hio.
5
Katika Yesus hampe ta uneng Zakheus muneng,Aye nangut gi entu balalu ngeau napot aye,"Zakheus,hinang bo minau gene andrau iti Kuki harus nilang ta lewu nu."
6
Balalu,Zakheus hinang minau lei balalu narime Yesus nihi sanang atei.
7
Tapi,katika kaluhan ulun ngini hal hio,here mulai bamamai palus ngeau,"Aye jari tamu ta lewu erang kulun badosa."
8
Udi hio,Zakheus mindri balalu ngeau napot Tuhan,"Tuhan,inni lah,saparu tekei katatau ku sagar na ami ku napot ulun susah,balalu amun kuki haot nyanyawoh katatau erang kulun,kuki sagar nyampudi e 4 kali lipat."
9
Balalu,Yesus ngeau napot Zakheus,"tangar andrau iti,keselamatan haot hawi gi entu lewu iti gene ulun iti lei anak Abraham.
10
Gene,Anak Murunsia hawi mat nupui nihi menyelamatkan sa jawoh."Hamba sa setia nihi Hamba sa jahat
11
Nelang here ngarengei kaluhan iti,Yesus ngalanjut e nihi nyurah isa perumpamaan gene Aye haot riet nihi Yerusalem balalu gene here nangguh bahwa Kerajaan Allah sagar hinang hawi.
12
Ulah gene hio,Aye ngeau lei,"Erang kulun bangsawan tulak gi Negri sa lawit mat na angkat jari Raja,balalu udi hio aye sagar mudi.
13
Udi hio,tuan hio mangumpulkan sapuluh ulun pelayan e balalu ngami here duit sa hante 10 mina.Eau e napot here,`ba dagang lah makai duit iti hampe kuki waleng.`
14
Tapi,ulun-ulun sebangsa e marikang aye balalu ngirim perwakilan udi aye tulak mat ngeau,`kami bakoi kakan ulun iti jari raja entu kami.`
15
Udi na enat jari Raja,bangsawan hio waleng balalu nuyu walah-walah sa haot na ami e duit hio na herau nadap aye mat aye kiuh karasa pire hante ka untungan sa halu here tekei badagang.
16
pelayan sa ka isa hawi nihi ngeau,`Tuan,duit 1 mina ampun kayo hio haot ngahasilkan 10 mina lagi.`
17
Raja hio ngeau napot aye,`maeh tuu,ui kayo walah ku sa maeh! gene kayo setia huang hal sa halus,kayo sagar memerintah entu sapuluh kota.`
18
Pelayan sa karueh lei hawi nihi ngeau,`Tuan,duit 1 mina ampun kayo hio haot ngahasil 5 mina.`
19
Balalu,Raja ngeau napot hamba hio,`ba kuasalah kayo entu 5 kota.`
20
Udi hio,hawilah walah sa isa lagi nihi ngeau,`Tuan,iti duit 1 mina ampun kayo sa na simoh ku huang sapu tangan.
21
Kuki takut napot kayo gene kayo ulun sa mape.Kayo ngalap inon sa bakoi piji na simoh kayo nihi masi inon sa bakoi piji ta bule kayo.`
22
Udi hio,Raja hio ngeau napot aye,`Kuki sagar mengadili kayo sesuai nihi penerannu,ui kayo walah sa jahat!jari,kayo karasa kuki aye hio ulun sa mape,sa ngalap inon sa bakoi piji na simoh ku nihi masi inon sa bakoi na bule ku?
23
Amun sameh hio,wuah inon kayo bakoi ngandak duit ku uneng ulun sa ngajalankan duit hampe katika kuki waleng,kuki sagar narime duitku hio hayak nihi wunge e?
24
Balalu,Raja hio ngeau napot ulun-ulun sa mindri ta hio,`alap mina hio tekei aye balalu ami lah napot ulun sa ampun 10 mina.`
25
Tapi,here ngeau napot raja,`Tuan,hamba hio haot naan 10 mina.`
26
Tuing raja hio,`Kuki mawara napot kayo,setiap ulun sa naan sagar na ami labih,tapi tekei ulun sa bakoi naan inon-inon,kaluhan sa ampun aye na alap.
27
Tapi,gene musuh-musuhku sa bakoi kakan nihi kuki jari Raja entu here,tunda lah here gi iti balalu wunulah here tangar hadap kuki."Yesus Na tahalu Jari Raja
28
Udi Yesus ngantuh hal-hal hio,Aye takia panga dahulu nuju Yerusalem.
29
Katika Aye hampe ta riet desa Betfage nihi Betania,riet bukit ba ngaran Bukit Zaitun,Aye mengutus rueh ulun murud E.
30
Eau E napot here,"tulak bo gi desa sa naan ta hadap nu hio.Balalu,katika kayo suluk gi aro,kayo sagar ngini erang kikui anak keledai sa tahuruk nihi bakoi piji na amai ulun.sanapas bo anak keledai hio balalu tunda bo gi iti.
31
amun naan ulun nane napot kayo,`wuah inon kayo nunda keledai hio?,`eau bo sameh iti:Tuhan memerlukan e."
32
Balalu,tulak bo kararueh murid sa na utus E hio nihi kahalu kaluhan hal e pas sameh sa haot na antuh E napot here.
33
Rahat here napas anak keledai hio,sa ampun e nane napot here,"wuah inon kayo napas anak keledai hio?"
34
here nuing lei,`"Tuhan memerlukan e."
35
Balalu,here nunda anak keledai hio napot Yesus balalu ngandak pakaian e ta entu punggung keledai hio,udi hio nampamai Yesus gi entu e.
36
Katika Yesus nangkah lalan,ulun-ulun ngampar pakaian here ta lalan.
37
Balalu,katika Yesus haot magin riet Yerusalem,aye hio ta lalan sa minau tekei arah bukit Zaitun,kaluhan sa nutah Aye mulai memuji Allah nihi sanang palus lengan sa mehet.here basyukur napot Allah entu kaluhan mukjizat sa haot na inni here.
38
Here kamiak,"na berkatilah Aye sa hawi jar Raja huang aran Tuhan,damai sejahtera ta sorga nihi kemuliaan ta uneng sa panga entu!"
39
Papire ulun Farisi tekei ulun ajoh hio ngeau napot Yesus,"Guru, na sompo bo murid-murid Nu."
40
Tapi,Yesus nuing,"Kuki mawara napot kayo,amun here suni,watu-watu itilah sa sagar kamiak-kamiak."Yesus Menangisi Yerusalem
41
Wayah Yesus haot ta riet kota Yerusalem nihi nginni kota hio,Aye lei nangis.
42
Eau E,"jaka e andaru iti kayo karasa inon sa nampahawi damai sejahtera entu kayo.tapi,wayah iti hal hio ta simoh tekei mate nu.
43
Gene sagar hawi wayah e katika musuh-musuh nu nambuan tembok penghalang tangar sakaliling nu nihi mengepung nu tekei kaluhan arah.
44
Here sagar nyanruntun kayo,kayo hayak nihi anak-anak nu sa balindung tangar tembok nu.balalu,here bakoi sagar nisai isa watu lei ta susun ta entu watu sa lain ta huang nu gene kayo bakoi kataru wayah Allah nyuwuk kayo."Yesus nulak ulun-ulun sa babatang ta Bait Allah
45
Udi hio,Yesus suluk gi Bait Allah balalu mulai nulak balua ulun-ulun sa babatang ta aro.
46
Eau E napot here,"naan tatulis:`lewu ku sagar jari lewu doa,`tapi kayo haot ngulah e jar hanai perampok!"
47
Balalu,Yesus mengajar ta Bait Allah satiap andrau.tapi,imam-imam kepala,ahli-ahli Taurat,nihi here pemimpin bangsa hio nupui cara mat munu E.
48
Tapi,here bakoi karasa sameh awe ngagawi e gene kaluhan ulun negei tagap paneran Yesus.