1
tangar isa andrau,katika Yesus rahat ngajar ulun ajoh ta Bait Allah nihi memberitakan Injil,imam-imam kepala nihi ahli-ahli Taurat hayak nihi tueh-tueh hawi napot Aye.
2
Here ngeau napot Aye,"ara bo napot kami nihi kuasa inonkah Kayo ngagawi hal-hal iti?atawa,hiekah sa ngami Kayo kuasa iti?
3
Tuing Yesus napot here,"Kuki lei sagar nane isa tanean napot kayo.Tuing lah Kuki,
4
tekei awe kah asal baptisan Yohanes?tekei Surga atawa tekei murunsia?"
5
here mapakat hal hio ta helang here nihi ngeau,"amun takam nuing,`tekei surga,`Aye sagar ngeau,`amun sameh hio,wuah inon kayo bakoi harap napot Yohanes?
6
Tapi,amun takam ngeau,`tekei murunsia,`kaluhan ulun sagar merajam takam hampe matei gene here yakin bahwa Yohanes aye hio erang kulun nabi."
7
Jari,here lei nuing bahwa here bakoi karasa tekei awe baptisan hio ba asal.
8
Udi hio,Yesus ngeau napot here,"amun sameh hio,Kuki lei bakoi sagar mawara napot kayo nihi kuasa inonkah Kuki ngulah hal-hal iti."Perumpamaan gene Here panyewa kabun anggur
9
Balalu,Yesus nyurah perumpamaan itit napot ulun ajoh,"naan erang kulun sa ngamule isa kabun anggur balalu nampasewa e napot papire petani,balalu tulak gi negris sa lawit mat waktu sa lawah.
10
Katika musim masi hampe,aye nuyu erang kulun pelayan e tulak napot petani-petani hio mat here ngami napot aye mehe tekei hasil kabun anggur hio.Tapi,here petani hio ngompak pelayan hio balalu nulak e tulak nihi tangan kosong.
11
Balalu aye lei ngirim pelayan sa lain,tapi petani-petani hio ngompak lei pelayan hio nihi ngulah aye nihi hina,balalu nulak e nihi tangan kosong.
12
Balalu,sa ampun kabun anggur hio mengutus pelayan sa katelu napot here petani hio,tapi petani-petani hio lei nambatan pelayan sa isa iti nihi nulak e balua.
13
Sa ampun kabun hio lei ngeau,`inon sa harus na ulahku?Kuki sagar ngirim anakku sa na sayang ku,mudahan here sagar menghormati e.`
14
Katika here petani hio ngini anak sa ampun kabun,here barunding isa nihi sa lain,`Aye iti ahli waris sa ampun kabun anggur iti,ayu takam munu aye mat warisan e jari ampun takam!`
15
Udi hio,here lei nawut nakia hio gi wading tekei kabun anggur palus munu e.Balalu,inon sa sagar na gawi ulah sa sa ampun kabun anggur hio napot here?
16
Aye sagar hawi palus nampatei petani-petani hio,balalu nampasewa kabun e napot ulun lain."katika ulun ajoh hio ngarengei perumpamaan iti,here ngeau"Ada bo hal iti hampe jari!"
17
Tapi,Yesus waoh napot here balalu ngeau,"amun sameh hio,inonkah arti ayat iti:`Watu sa na umpe ulah tukang bangunan haot jari watu penjuru?`
18
Setiap ulun sa lawu gi entu watu hio sagar lenuh hampe halus nihi hie lei sa na tukun watu hio sagar ramuk!"
19
Katika ahli-ahli Taurat nihi here imam kepala sadar bahwa perumpamaan hio nyurah gene here,here kakan nyaput Yesus wayah hio lei.Tapi,here takut napot ulun ajoh.tane an gene membayar pajak
20
Udi hio,here ahli Taurat ngawasi Yesus nihi ngirim papire ulun mata-mata sa papura tulus mat here kiuh ngajebak Yesus nihi pertanyaan mat here kiuh nyaput Aye makai paneran E kakareb nihi manyarah Aye gi huang kuasa nihi wewenang gubernur.
21
Ulun-ulun huyuan hio lei nane napot Yesus,"Guru,kami karasa bahwa Kayo ngantuh nihi mengajarkan sa wuah.Kayo lei bakoi nampa lain-lain ulun,tapi ngajar lalan Allah huang sa wuah.
22
inonkah kami na lewa membayar pajak napot Kaisar atawa bakoi?
23
Tapi Yesus karasa ka sulas atei here balalu ngeau napot here,
24
"suba tutui napot Kuki isa kepeng dinar.Gambar nihi tulisan hie kah sa naan tangar duit hio?" tuing here,"Gambar nihi tulisan Kaisar."
25
Balalu,Yesus ngeau napot here,"amun sameh hio,ami bo napot Kaisar inon sa ampun Kaisar,balalu ami bo napot Allah inon sa jari ampun Allah."
26
nihi sameh hio,ulun-ulun hio bakoi tau ngajabak Yesus nihi paneran E kakareb tangar hadap ulun ajoh;here waoh nihi tuingan E palus suni.Tanean ulun Saduki
27
Udi hio,hawilah napot Yesus papire ulun Saduki,aye hio golongan sa bakoi harap naan kebangkitan,balalu nane napot Aye,
28
"Guru,Musa nulis kan napot takam,amun erang kulun laki nanan,padahal aye naan harau balalu bakoi naan anak,pulaksanai laki e harus naharau walu pulaksanai e hio palus nambuan keturunan gi aye.
29
Sameh iti,naan pitu ulun ba pulaksanai.pulaksanai sa kaisa kawin,tapi nanan bakoi naan anak.
30
Udi hio,pulaksanai sa karueh naharau wawei hio balalu matei lei bakoi naan anak.
31
Balalu,pulaksanai sa katelu naharau lei nihi wawei hio balalu hal iti jari lei hampe pulaksanai e sa ka pitu,tapi here kaluhan matei bakoi naan anak.
32
ta pangalis e,wawei hio matei lei.
33
ulah gene hio,ta andrau penghakiman,hie kah sa sagar jari wane tekei wawei hio gene ka pitu hio haot naharau aye ?"
34
Tuing Yesus napot here,"ulun-ulun ta zaman iti naharau nihi na taharaukan,
35
tapi ulun-ulun sa na anggap pas mat kiuh bagian huang dunia sa sagar hawi,nihi huang kebangkitan tekei helang ulun matei,bakoi sagar naharau nihi na taharaukan.
36
Here bakoi tau matei lagi gene here sameh nihi here malaikat.here aye hio anak-anak Allah gene here haot na tambuan tekei pampatei.
37
Musa hampe haot nutui gene kebangkitan ulun-ulun matei huang bagian sa mancatat gene rikut runrui sa rakit.huang bagian hio,Tuhan na antuh jari Allah Abraham,Allah Ishak,nihi Allah Yakub.`
38
Aye bakoi Allah ulun matei tapi Allah ulun welum,gene kaluhan ulun welum ta hadap Aye.
39
Udi hio,papire ahli Taurat ngeau,"Guru,tuingan Nu pas."
40
Balalu,bakoi naan lagi ulun sa heei mengajukan tanean napot Kayo.Kristus aye hio Tuhan
41
Udi hio,Yesus ngeau napot here,"kala awe tau ulun-ulun ngeau bahwa Kristus aye hio Anak Daud?
42
padahal huang kitab Mazmur,Daud kakareb ngeau,`Tuhan Allah ngeau napot tuanku,"maharunglah tan tuhi kawanKu,
43
hampe kuki ngandak musuh-musuhNu ta kapit peeNu.
44
"amun Daud ngantuh Kristus jari` Tuan,` sameh awe tau Kristus aye hio anak Daud?"Pangingat mat hati-hati nihi Ahli Taurat
45
Katika ulun ajoh ngarengei,Yesus ba bapander napot muridmurid E,
46
"ba hati-hatilah napot ahli-ahli Taurat sa rajin takia-takia makai jubah amau,sanang na hormati ulun ta pasar,sa sanang maharung ta uneng panga entu ta sinagoge-sinagoge,ta uneng terhormat ta pesta-pesta.
47
here ngarampas lewu-lewu here walu nihi lako doa amau-amau mat na inni ulun.ulun-ulun sameh itit pasti sagar narime hukuman sa labih ma weat."