1
Udi hio, Yesus nyurah isa perumpamaan napot murid-murid E mat mawara here bahwa here harus tarus lako doa balalu bakoi mawah.
2
Eau E,"ta isa kota,naan erang kulun hakim sa bakoi takut napot Allah nihi bakoi menghormati ulun lain.
3
Ta kota hio,naan erang kulun walu sa tarus-tarusan hawi napot hakim hio balalu ngeau,`ami bo keadilan napot kuki nadap musuh ku.`
4
mat papire wayah,hakim hio bakoi kakan ngawat walu hio.tapi,udi hio hakim hio ngeau huang atei e,`biar lei kuki bakoi takut napot Allah nihi bakoi menghormati hie lei,
5
tapi gene walu iti tarus-tarusan ngaganggu kuki,kuki sagar ngami keadilan napot aye mat aye bakoi nyusah kuki nihi kahawiane tarus-tarusan hio."
6
Balalu,Tuhan ngeau,"rengeilah inon sa na antuh hakim sa bakoi adil hio.
7
Bakoikah Allah sagar ngami keadilan napot ulun-ulun pilihan E sa kamiak napot Aye ka andrau nihi kamalem?inonkah Aye sagar menunda-nunda hampe lawah mat ngawat here?
8
Kuki ngeau napot here,Aye sagar hinang ngami keadilan napot here.tapi,katika Anak Murunsia hawi,inonkah Aye sagar kahalu iman ta bumi?"Perumpamaan gene Ulun Farisi nihi Pangumpul Pajak
9
Yesus nampe lei perumpamaan iti napot papire ulun sa nganggap areb e bujur nihi nginni ime ulun lain.
10
"naan rueh ulun tulak gi Bait Allah mat lako doa.sa erang kulun aye hio ulun Farisi nihi sa lain aye hio erang kulun pengumpul pajak.
11
Ulun Farisi hio mindri nihi ngantuh doa gene areb e,`Ui,Allah,kuki lako terima kasih napot kayo gene kuki bakoi sameh nihi ulun lain;sameh tukang peras,panipu,pezina,atawa hampe sameh pengumpul pajak iti.
12
Kuki bapuasa rueh kali isa minggu,kuki ngami sepersepuluh tekei kaluhan penghasilanku.`
13
Tapi,sa pengumpul pajak mindri lawit dohot,hampe bakoi nginni gi langit.sa waleng e aye nampas-nampas dada e nelang ngeau,`Ui,Allah.kaahilah napot kuki,sa badosa iti`.
14
Kuki ngeau napot kayo,pangumpul pajak iti mudi gi lewu e jari ulun sa labih na samuah tekei ulun Farisi hio gene ulun sa nampa entu areb e sagar na tampinau,balalu ulun sa nyampime areb e sagar na tampa entu."Yesus nihi nakia-nakia
15
Balalu,ulun-ulun nunda nakia-nakia here sa masih halus napot Yesus mat Aye nyaput here.Tapi,katika here murid nginni e,here mulai nyangit ulun-ulun hio.
16
Tapi,Yesus nerau nakia-nakia hio mat hawi napot Aye balalu ngeau,"elah bo nakia-nakia halus hio hawi napot Kuki,ada nahalang here gene Kerajaan Allah aye hio ampun ulun-ulun sa sameh here iti.
17
Kuki mawara sa bujur e napot kayo,hie lei sa bakoi narime Kerajaan Allah sameh erang kulun nakia halus,aye bakoi sagar piji suluk gi huang e."Ulun tatau nihi Kerajaan Allah
18
Naan erang kulun pemimpin here sa nane tekei Yesus,"Guru sa maeh,inon sa harus na gawi kuki mat kiuh mawarisi welum sa kekal?"
19
Tuing Yesus napot aye,"wuah inon kayo ngantuh Kuki maeh? bakoi naan erang kulun lei sa maeh kecuali Allah kakareb.
20
Kayo karasa gene hukum-hukum iti: `ada berzina,ada munu,ada ngalat,ada namposo,nihi hormati bo amah nihi ine nu."
21
Tuing ulun hio,"kuki haot ngulah kaluhan hio nekei kuki masih iya."
22
Katika Yesus ngarengei e,Aye ngeau napot ulun hio,"masih naan isa hal sa kurang.batang bo kaluhan sa ampun kayo balalu bagi kan bo napot ulun-ulun susah,balalu kayo sagar naan ka tatau ta surga;balalu ayo lah,umba Kuki."
23
Katika ulun hio ngarengei paneran Yesus hio,aye jari mahanang atei tuu gene aye tatu tuu.
24
Udi hio Yesus waoh napot aye balalu ngeau,"mahadin tuu ulun-ulun tatau mat suluk gi huang Kerajaan Allah!
25
Hampe,magin maraoh napot erang kikui unta suluk tolong pilos tekei ulun tatau suluk huang Kerajaan Allah."Sa nutah Yesus sagar narime welum kekal
26
Ulun-ulun sa ngarengei paneran hio ngeau,"amun sameh hio,hie sa tau na selamatkan?"
27
Tuing Yesus,"inon sa mustahil napot murunsia aye hio mungkin napot Allah."
28
Balalu,Petrus ngeau,"inni lah,kami haot nanan kaluhan sa naan tangar kami balalu nutah Kayo."
29
Yesus ngeau napot here,"Kuki mawara sa bujur e napot kayo,bakoi erang kulun lei sa haot nanan lewu,harau,pulaksanai-pulaksanai,ulun matueh,atawa anak-anaknya demi Kerajaan Allah,
30
sa bakoi sagar narime hal-hal hio balipat ganda ta wayah iti,nihi ta wayah sa sagar hawi,aye hio welum sa kekal."pa waraan gene Pampatei nihi Kebangkitan Yesus
31
Balalu,Yesus ngumpul ka rueh belas murid E balalu ngeau napot here,"rengei,takam sagar tulak gi Yerusalem nihi kaluhan hal sa haot na tulis ulah here nabi gene Anak Murunsia sagar na tampa genep.
32
Aye sagar na sarah napot ulun-ulun sa bakoi kataru Allah.aye sagar na kasese,na aniaya,nihi na tura.
33
Balalu,udi here mencambuk Aye,here sagar munu E.tapi,tangar andrau ka telu,Aye sagar buan waleng."
34
Tapi,here murid bakoi paham isa lei tekei hal-hal iti.arti paneran hio ta simoh napot here hampe here bakoi paham inon lei sa haot na antuh.Yesus Nyamare ulun pehe
35
Katika Yesus kakan hampe ta kota Yerikho,naan erang kulun pehe sa rahat maharung tangar iring lalan nelang mengemis.
36
Katika ulun pehe hio ngarengei ulun ajoh nangkah,aye nane inon sa rahat jari.
37
Balalu,ulun-ulun ngeau napot aye,"Yesus tekei Nazaret rahat nangkah."
38
Balalu,kamiaklah ulun pehe hio,"Yesus,Anak Daud,ka ahilah nihi kuki!"
39
Ulun-ulun sa takia ta hadap rombongan,nyangit ulun pehe hio palus nuyu aye suni.tapi aye magin mehet kamiak,"Anak Daud kaahilah nihi kuki!"
40
Balalu Yesus tunuk palus nuyu mat ulun pehe hio na tunda napot Aye.katika ulun pehe hio ngariet, Aye nane napot aye,
41
"inon sa kanakakan kayo mat Kuki ngagawi e napot kayo?"Ulun pehe hio nuing,"Tuhan,kuki kakan mate ku tau ngini."
42
Yesus ngeau napot aye,"nginni bo,iman nu haot nyamare kayo."
43
Ta wayah hio lei,aye kiuh ngini balalu mulai nutah Yesus nelangmemuji Allah.Katika ulun ajoh nginni hal hio,here lei memuji Allah