¹ Balu, bakumpullah ulun-ulun Farisi manalu Yesus pahengau papire ahli Taurat sa hawi neke Yerusalem. ² Dan, here katena papire murid Yesus kuman roti nihi tangan najis, ayehio tangan sa koi na uwi. ³ Ulah, ulun-ulun Farisi dan kaluhan ulun Yahudi koi akan kuman jaka tangan here koi na uwi hampe ga pergelangan tangan ulah tradisi nenek monyang sa na tegei here. ⁴ Dan, jaka ulun-ulun Yahudi hio hawi neke uneng umum, here koi akan kuman samete mui tangan. Dan, nan ajoh tradisi lain e sa here tarime mat na tegei, sameh pamuian cawan-cawan, kendi-kendi, dan bejana-bejana tembaga. ⁵ Udi hio, ulun-ulun Farisi dan ahli-ahli Taurat nyantane ga Yesus, "Uah inon murid-murid-Nu koi welum menurut tradisi nenek monyang, tetapi malah kuman roti nihi tangan najis?" ⁶ Yesus ngantuh ga here, "Yesaya banubuat nihi bujur tentang hanyu sa munafik, sameh sa tertulis: 'Bangsa ina mahormati Aku nihi wiwi here, tetapi atei here lawit neke Aku. ⁷ Here manyembah -Ku nihi sia-sia ulah mengajarkan ajaran perintah-perintah sa na ulah oleh marasia.' ⁸ Sambil mangabaikan perintah Allah, hanyu negei kuat tradisi marasia." ⁹ Balu, Yesus lei ngantuh ga here, "Nihi cerdik hanyu manolak perintah Allah hingga iuh mempertahankan tradisi nu laerai. ¹⁰ Ulah, Musa ngantuh, 'Hormatilah amah nu dan ine nu', dan, 'hie bo sa mangutuk amah e antawa ine e harus na hukum matei.' ¹¹ Namun, hanyu ngantuh jaka erang kaulun ngantuh ga amah e antawa ine e, ' inon bo keuntungan sa akan hanyu iuh neke ku ayelah kurban, aye hio persembahan.' ¹² Balu hanyu koi lagi mangizinkan aye ngulah inon pun mat amah e antawa ine e, ¹³ nihi kalahio hanyu haot ngabatalkan Firman Allah nihi tradisi nu sa haot turun-temurun. Dan, hanyu ngulah ajoh hal lagi sameh hio." ¹⁴ Udi hio, Yesus nerau lagi kaluhan ulun dan ngantuh ga here, "Rengeilah Aku, hanyu kaluhan, dan pahamilah. ¹⁵ Koi naan sesuatu pun neke luar marasia sa suluk ga huang arep e iuh menajiskan e, tetapi hal-hal sa balua neke marasia lah sa menajiskan e." ¹⁶ "Jaka erang kaulun naan silu mat ngarengei, biarlah aye karengei!" ¹⁷ Balu, katika Yesus suluk ga lewu dan nanan ulun-ulun hio, murid-murid-E nyantane ga Aye tentang perumpamaan hio. ¹⁸ Dan, Aye ngantuh ga here, "Inonkah hanyu lei koi mangerti? koi kah hanyu karasa bahwa inon bo sa neke luar suluk ga huang marasia koi akan manajiskan e? ¹⁹ Ulah, sa suluk hio koi suluk ga huang atei e, tetapi wuntung e, dan udi hio balua ga huang jaman." (Nihi kalahio, Yesus menyatakan bahwa kaluhan panguta halal.) ²⁰ Balu Aye ngantuh, "Inon sa balua neke marasialah sa menajiskan e. ²¹ Ulah, neke huang, neke atei marasia, timul pikiran-pikiran jahat, dosa-dosa seksual, pangalat, pamunu, ²² pamaraheng, kasarakahan, kajahatan, tipu daya, hawa nafsu, iri atei, fitnah, kasombongan, dan kabungul. ²³ Kaluhan hal sa jahat hio hawi neke huang marasia, dan hio sa menajiskan e." Iman Erangkaulun Wawei Siro Fenisia ²⁴ Neke uneng hio, Yesus buan dan tulak ga wilayah Tirus dan Sidon. Dan, Aye suluk ga isa lewu dan koi kakan naan erangkaulun pun sa karasa, tetapi aye koi tau luput neke perhatian. ²⁵ Segera sa haot karengei tentang Yesus erangkaulun wawei sa anak wawei e kerasukan roh najis hawi dan sujud ta pee Yesus. ²⁶ Wawei hio ayelah ulun Yunani, lahir ta Siro-Fenisia. Aye mamohon ga Yesus mat mangusir setan hio balua neke anak e. ²⁷ Udi hio, Yesus ngantuh ga wawei hio, "Biarkanlah anak-anak na tamising talebih dahulu. Ulah, koi maeh ngalap roti na kawan nakia dan nawut e ga tahu-tahu." ²⁸ Akan tetapi, wawei hio ngajawab dan ngantuh ga Yesus, "Bujur, Tuhan. Namun , tahu-tahu sa naan ta kapit meja pun kuman ratek-ratek anak-anak hio." ²⁹ Balu, Yesus ngantuh ga wawei hio, "ulah hanyu ngantuh ina, hanyu tau tulak. Setan hio haot nanan anak nu." ³⁰ Udi hio, wawei hio waleng ga lewu dan panalu anak e ganyah kading ta uneng mandre, dan setan hio haot tulak. Ulun sa Marengen na tangkaoh ³¹ Udi hio, Yesus balua lagi neke wilayah Tirus dan tulak nangkah Sidon menuju ga danau Galilea, ta wilayah Dekapolis. ³² Balu, here nuna ga Yesus erang kaulun marengen sa mahadin ba apaner. Here memohon ga Yesus mat nga'nak tangan-E hamau ulun hio. ³³ Udi hio, Yesus nuna ulun hio menyendiri neke kumpulan ajoh ulun. Aye nampasuk jari-E ga huang silu ulun hio, dan sahaot nura, Aye negei lela ulun hio. ³⁴ Balu, Yesus nena ga hamau langit, Aye narik hewuk amau dan ngantuh, artie "Taukalah!" ³⁵ Saat hio lei, silu ulun hio ta uka, hurukan ta lela e talapas, dan bapaner nihi jelas. ³⁶ Dan, Yesus nguring here bakisah peristiwa hio ga hie pun. Akan tetapi, semakin Aye nguring here, here semakin memberikan e. ³⁷ Here bujur-bujur takjub dan ngantuh, " Aye haot ngulah segala sesuatu nihi maeh. Aye bahkan ngulah ulun marengen karengei dan ulun muna bapaner."