¹ Udi hio, Yesus tulak neke aro dan hampe ta kota asal-E, dan murid-murid-E uma Aye. ² Katika andrau sabat hampe, Yesus mulai ngajar ta sinagoge. Dan, ajoh ulun sa ngarengei-E nginam takjub, dan ngantuh, "Neke awe Aye kaiuh kaluhan hal hio? Hikmat inon sa na ami ga Aye dan mikjizat-mukjizat sameh hio na ulah nihi tangan-E? ³ Bakoikah Aye tukang kayu, anak Maria, dan pulaksanai Yakobus dan Yoses dan Yudas dan si Simon? Bakoikah pulaksanai wawei-E naan ta ina pahengau takam?" balu, here pun parajama dan manolak Aye. ⁴ Udi hio, Yesus ngantuh ga here, "Ta awe-awe ulun mahormati erang kaulun nabi, kecuali ta uneng asal e raerai, dan ta penah pulaksanai atei e laerai, dan ta lewu e raerai." ⁵ Maka, Yesus koi kaiuh ngulah mukjizat ta aro, kecuali nga'nak tangan-E ta hamau papire ulun sa sakit dan nangkaoh here. ⁶ Dan, Aye waoh ulah kabakoi parasaya here, udihio Aye tulak ngaliling ga tumpuk-tumpuk dan mangajar. Yesus Mengutus Murid-murid-E ⁷ Udi hio, Yesus nerau kedua belas murid dan mulai mangutus here barueh-rueh, dan ngami here kuasa hamau roh-roh najis. ⁸ Balu Aye ngami perintah ga here mat here koi nuna inon-inon huang perjalanan, kecuali ekat tongkat, tanpa roti, tampa tas, tampa duit huang huruk pinggang here, ⁹ tetapi memakai sandal dan ada makai rueh pama. ¹⁰ Dan, Yesus ngantuh ga here, "Ta awe bo hanyu suluk isa lewu, muneng bo ta aro hampe hanyu balua neke hio. ¹¹ Dan, jaka naan uneng sa koi narime hanyu dan koi ngarengei hanyu, katika hanyu tulak kibaslah debu neke pee nu sebagai isa kesaksian bagi here." ¹² Balu, here lei tulak dan memberitakan bahwa ulun-ulun harus batobat. ¹³ maka, here mangusir ajoh setan dan mangurapi ajoh ulun sakit nihi minyak, baya nangkaoh here. Herodes Karengei Barita Tentang Yesus ¹⁴ Dan, Raja Herodes haot karengei e, ulah aran Yesus haot terkenal, dan ulun ngantuh, "Yohanes pembabtis haot bangkit neke penah ulun matei, maka mikjizat-mukjizat hio bagawi ta huang Aye." ¹⁵ Sebagian ngantuh, "Aye ayelah Elia." Namun sebagian ngantuh, "Aye ayelah erang kaulun nabi, sameh halahimar neka pulau nabi." ¹⁶ Akan tetapi, katika Herodes karengei hal hio, aye ngantuh, "Yohanes sa haot aku tetek ulu e, haot nabangkitkan!" Yohanes pembabtis na wunu ¹⁷ Memang Herodes laerai sa haot nunyu ulun, memerintahkan e mat nulung Yohanes, dan membelenggu e ta huang penjara demi Herodias, harau pulaksanai laki e, Filipus, ulah Herodes haot menikahi Herodias. ¹⁸ Ulah, Yohanes papire kali ngantuh ga Herodes, "Koi tuu hanyu ngalap harau pulaksanai nu." ¹⁹ Oleh ulah hio, Herodias nyimoh dendam tahadap Yohanes dan kakan munu e, tetapi aye koi tau. ²⁰ Ulah, Herodes takut di Yohanes sa haot aye karasa bahwa Yohanes ayelah ulun bujur dan ulun suci, dan Herodes malindungi e. Katika Herodes ngarengei Yohanes, aye bingung tuu, tetapi Herodes sanang ngarengeikan Yohanes. ²¹ Namun, hampelah andrau sa tepat, ketika Herodes ta andrau ulang tahun e mengadakan isa perjamuan ga pejabab-pejabat entu e, perwira-perwira e, dan pemimpin-pemimpin Galilea. ²² Balu katika anak wawei Herodias huluk dan menari, aye nampasanang Herodes dan here sa maharung pahengau aye. Dan, raja ngantuh ga wawei hio, "Lako bo inon bo sa kangakan nu dan aku akan ngami e ga hanyu." ²³ Dan, Herodes ba sumpah ga aye, "Inon bo sa na lako nu ga aku, akan na ami ku ga hanyu, bahkan hampe saparu neke kerajaan ku." ²⁴ Dan, wawei hio tulak dan ngantuh ga ine e, "Aku harus lako inon?" Ine e manjawab, "Ulu Yohanes pembabtis." ²⁵ Dan, saat hio lei nihi hinang-hinang, wawei hio hawi ga raja dan ngantuh, "Aku kakan wayah ina lei hanyu ngami ga aku ulu Yohanes pembabtis ta hamau talam." ²⁶ Ulah hio, raja jari sedih tuu, tetapi ulah sumpah e dan ulun-ulun sa kuman pahengau aye, aye koi kakan manolak wawei hio. ²⁷ Balu, raja segra mangirim erang kaulun algojo nihi perintah mat nuna ulu Yohanes, balu algojo hio tulak dan netek ulu Yohanes ta penjara. ²⁸ Udi hio, aye nuna ulu Yohanes ta hamau talam dan ngami e ga wawei hio, dan wawei hio ngami e ga ine e. ²⁹ Dan, katika murid-murid Yohanes karengei e, here hawi dan ngalap tenga Yohanes dan nga'nak e ta huang ogang. Yesus ngami Panguta Ga Labih neke Dime Ribu Ulun ³⁰ Udi hio, pulau rasul bakumpul pahengau nihi Yesus dan mawara ga Aye inon bo sa hoat na ulah here dan inon bo sa haot na ajar here. ³¹ dan, Yesus ngantuh ga here, "Ayu mengasingkan arep ga uneng sa sepi dan baistirahatlah tawelek." Ulah, naan ajoh ulun sa hawi dan tulak, dan mat kuman pun here koi sampat. ³² Balu, Yesus dan murid-murid-E tulak mengasingkan arep nihi jukung ga uneng sa sepi. ³³ Akan tetapi, ulun ajoh katena here tulak dan kenal here. Dan, ulun ajoh hio malempat sasameh nangkah lalan darat neke kaluhan kota, dan hampe ta aro dahulu neke Yesus dan para murid-E. ³⁴ Katika Yesus tulak ga iring danau, Aye katena kalahio ajoh ulun, dan aye nginam berbelas kasihan ga here ulah here sameh domba sa koi naan gembala. Maka, Yesus mulai mengajarkan here ajoh hal. ³⁵ Katika andrau mulai kamalem, murid-murid Yesus hawi ga Yesus dan ngantuh, "Uneng iti uneng sa sepi dan haot entu malem. ³⁶ Hunyu bo here tulak ga daerah sekeliling dan ga desa-desa mat here midi sesuatu mat na kuta." ³⁷ Akan tetapi Yesus manjawab, "Hanyulah sa ngami here kuman." ³⁸ Yesus ngantuh ga here, "naan pire roti sa naan ta hanyu? tulak dan i'nilah!" ³⁹ Balu, Yesus memerintahkan here kaluhan mat maharung huang kelompok-kelompok ta hamau rikut karado. ⁴⁰ Ulun ajoh hio maharung bakelompok, naan sa seratus kaulun dan naan sa dimempulu kaulun. ⁴¹ Sahaot hio, Yesus ngalap dime roti dan rueh kenah hio, nena ga langit, Aye ngantuh syukur dan mulak-mulak roti hio, balu Aye ngami e ga murid-murid-E mat menghidangkan e ga ulun ajoh. Aye lei ngabagi-bagi rueh kenah hio ga kaluhan ulun. ⁴² Dan, here kaluhan kuman hampe wising. ⁴³ Udi hio, here ngalap dua belas keranjang sa penu nihi sisa-sisa roti dan kenah. ⁴⁴ Dan, naan dime ribu laki-laki sa kuman roti. Yesus Takia ta Hamau Ranu ⁴⁵ Udi hio, Yesus segera memerintahkan murid-murid-E mamai ga jukung dan tulak mendahului-E ga sabarang, ga Betsaida, sementara Aye nunyu ulun ajoh hio tulak. ⁴⁶ Sahaot bapamitan nihi here, Aye tulak ga wungkur mat badoa. ⁴⁷ Katika mat kamalem, jukung naan ta penah danau, dan Yesus laerai ta darat. ⁴⁸ Dan, sahaot nena murid-murid-E mawehei nihi susah payah ulah riwut malawan arah nihi here, kira-kira pada jam jaga kamalem ka epat, Yesus dapot here nihi takia ta hamau danau dan Aye kakan takia nagkah here. ⁴⁹ Akan tetapi katika here katena Yesus takia ta hamau danau, here manyangka bahwa Aye ayelah panguluh, balu here kamiak, ⁵⁰ ulah here kaluhan katena Yesus dan takut tuu. Namun, Yesus segera bapaner di here, dan ngantuh ga here, "Tenanglah. Iti Aku! ada takut." ⁵¹ Balu, Aye mamai pahengau here ga jukung, dan riwut hio pun tadoh, dan here takjub tuu. ⁵² Ulah, here mete paham tentang mukjizat dime roti hio ulah atei here masih mape. Yesus Nangkaoh Ajoh Ulun ⁵³ Dan, sahaot Yesus dan murid-murid-E nyabarang, here mendarat ta tane Genesaret dan balabuh. ⁵⁴ Katika, here minau neke jukung, ulun-ulun segera mengenali Yesus, ⁵⁵ dan malempat ga kaluhan daerah hio dan mulai nuna ulun-ulun sakit ta hamau patah, ga awepun here karengei tentang keberadaan Yesus. ⁵⁶ Maka, ga awepun Yesus suluk ga desa-desa, antawa kota-kota, antawa daerah-daerah ta sekitar e, here nampakading ulun-ulun sakit ta uneng sa rami dan memohon ga Aye mat here tau negei ujung jubah-E bo. Dan hie pun sa negei jubah-E jari kaoh.