¹ Katika ngi'ni ulun ajoh hio, Yesus mamai ga hamau wungkur. Dan, sa haot Aye maharung, murid-murid-E hawi ga Aye. ² Dan, Aye nguka mulut-E dan ngajar here, antuh-E, ³ " Na berkati lah ulun sa susah huang Roh ulah here sa ampun kerajaan surga. ⁴ Na berkatilah here sa ba duka cita ulah here akan na hibur. ⁵ Na berkatilah ulun sa lembut atei e ulah here akan mawarisi bumi. ⁶ Na berkatilah here sa kalauan dan haus akan kebenaran ulah here akan na wisingkan. ⁷ Na berkatilah here sa berbelas kasihan ulah here akan memperoleh belas kasihan. ⁸ Na berkatilah here sa barasih ta huang atei ulah here akan ngi'ni Allah Talla. ⁹ Na berkatilah here sa nuna damai ulah here akan na antuh anak-anak Allah Talla. ¹⁰ Na berkatilah here sa nasiksa demi kebenaran ulah here sa memiliki kerajaan surga ¹¹ Na berkatilah hanyu amun ulun ngeau nu dan nyisa nu, dan ngantuh segala macam antuhan sa jahat ga hanyu nihi tuduhan ulah Aku. ¹² Basuka citalah dan ba gembiralah ulah hante upa nu ta surga ulah demikian lah here ma nyiksa pulau nabi sa mete hanyu." ¹³ "Hanyu ayelah sira dunia, tatapi amun sira hio jari hamar, nihi inon aye akan na maerang? Aye bakoi baguna sama sekali sa lain mat na umpe dan na rarah oleh marasia." "Hanyu ayelah tarawa dunia. Kota sa ta hamau wungkur koi iuh sa dina. ¹⁵ Ulun-ulun lei koi nyamelum palita dan ngan'nak e ta kapit gantang, melainkan ta hamau pe'e palita, dan aye narawa kaluhan sa naan ta huang lewu. ¹⁶ Biarbo tarawa nu lei bachaya nihi cara sa sameh mat here iuh ngi'ni perbuatan-perbuatan nu sa maeh dan memuliakan Amah nu sa ta surga." Penggenapan Hukum Taurat dan kitab pulau Nabi ¹⁷ "Ada bapikir bahawa Aku hawi bakoi mat napajawoh Hukum Taurat antawa Kitab pulau Nabi. Aku hawi bakoi mat nampajawoh e melainkan mat mangenepi e. ¹⁸ Aku ngantuh sa sabujur e ga hanyu, hampe langit dan bumi nangkah, bakoi naan isa iota antawa isa coretan pun sa akan jawoh neke Hukum Taurat hampe kaluhan e na genapi. ¹⁹ Ulah hio, hie sa nampajawoh salahimal neke parintah-paritah tahalus iti dan ngajar ulun lain mat melakukan hal sa sameh, aye akan na antuh sa halus huang kerajaan surga. Namun, hie sa melakukan paritah-paritah hio dan ngulah e akan na antuh hante huang kerajaan surga. ²⁰ Ulah, aku ngantuh ga hanyu bahawa jaka kebenaran nu bokoi lebih maeh neke kebenaran ahli-ahli Taurat dan ulun-ulun Parisi, hanyu sama sekali bakoi akan masuk ga huang kerajaan Surga. Mengenai ulun sa sangit ga pulak sanai e. ²¹ Hanyu haot ngarengei sa na antuh ga itak datu nini takam, 'Ada munu,' dan 'hie sa munu pantas na tuna ga pangadilan.' ²² Akan tatapi, Aku ngantuh ga hanyu bahawa hie pun sa sangit ga pulak sanaie pantas ta huang hukuman, dan hie pun sa ngantuh ga pulak sanai e, 'hanyu godo,' pantas ta hadapan makamah Agama, dan hi pun sa ngantuh, hanyu bungul,' pantas ta huang neraka apui. ²³ ulah hio, jaka hanyu mapersembahkan persembahan nu ta hamau altar, dan ta aro hanyu kaingat bahwa pulaksanai nu naan inon ne ta hadap hanyu, ²⁴ tanan lah persembahan nu hio ta hadap altar dan tulak lah mat lebih dahulu na damai kan nihi pulaksanai nu, sa udi hio waleng lah dan persembahkan persembahan nu. ²⁵ Sahinang bo, ba damailah nihi ulun sa manuduh nu salagi hanyu huang perjalanan pahengau aye mat ada penuduh nu hio manyarah hanyu ga hakim, dan hakim hio manyarahkan nu ga pagawai e, dan hanyu na tampasuk ga huang penjara. ²⁶ Aku ngantuh sa sabujur e ga hanyu, hanyu bakoi tau kaluar neke aro hampe hanyu haot bayar sen sa terakhir. '' ulun sa maraheng ²⁷ "Hanyu haot ngarengei bahwa na antuh, 'ada maraheng'. ²⁸ Akan tatapi, Aku ngantuh ga hanyu bahwa setiap ulun sa ngi'ni erang ka ulun wawei dan kakan e, aye hot maraheng nihi wawei hio ta huang atei e. ²⁹ Amun mate kanan nu ngulah nu badosa, sungkitlah matenu hio dan umpelah. Ulah lebih maeh hanyu kajawoh salah isa anggota tenga nu neke kaluhan tenga nu na umpe ga huang neraka. ³⁰ Dan, jaka tangan kanannu ngulahnu ba dosa, tetek dan umpelah tangannu hio ulah lebih maeh hanyu kajawoh salah isa anggota tenga nu neke kaluhan tenga nu na umpe ga huang neraka. Aturan tentang sarak ³¹ Haot na antuh: Hie sa nyansarak harau e harus ngami surat sarak ga harau e hio. ³² Akan tatapi, Aku ngantuh ga hanyu bahwa hie sa nyansarak harau e, kecuali ulah maraheng, aye ngulah harau e maraheng. Dan, hie sa menikah nihi wawei sa haot na sansarak hio, aye lei maraheng. Manganai Sumpah ^{33 31} Hindra kali lagi, hanyu ngarengei sa na antuh ga datu nini takam, 'Ada basumpah oso, tatapi penuhilah sumpah nu hio ta hadapan Tuhan.' ³⁴ Namun, Aku ngantuh ga hanyu : ada sakali kali hanyu ba sumpah, baik demi surga ulah surga ayelah tahta Allah Talla, ³⁵ antawa demi bumi ulah bumi ayelah tumpuan pe-E, antawa demi Yerusalem ulah hio ayelah kota Sang Raja Hante. ³⁶ Ada lei hanyu basumpah demi ulu nu ulah hanyu koi kaiuh ngulah sahelai wulupun, mahilak antawa maintem. ³⁷ Namun, kakanlah antuhannu, ya jaka ya, bakoi jaka bakoi, ulah sa lebih e neke hio baasal neke si jahat. Manganai pembalasan ³⁸ Hanyu haot ngarengei inon sa haot na antuh, 'Mate ganti mate dan dipen ganti dipen.' ³⁹ Namun, aku ngantuh ga hanyu ada nawan sa jahat, malainkan hie sa nampar nu ta pahu kanan, amilah ga aye pahunu sa lain lei. ⁴⁰ Dan, jaka erangkaulun kakan manuntutnu dan ngalap pamanu, ami lei jubah nu ga aye. ⁴¹ Dan, hie sa mamaksanu takia isa mil, takialah pahengau aye salawit rueh mil. ⁴² Amilah ga ulun sa lako ga hanyu dan ada manolak ulun sa kakan ngihau neke hanyu." Kasihilah musuhnu ⁴³ "Hanyu haot ngarengei sa nafirmakan, 'kasihilah sesamanu,' dan 'Karikanglah musuhnu.' ⁴⁴ Namun, Aku ngantuh ga hanyu, kasihilah musuh-musuhnu dan badoalah ga ulun-ulun sa nyasia hanyu, ⁴⁵ nihi demikianlah hanyu iuh manjadianak-anak Amahnu sa ta surga ulah Aye menerbitkan mateandrau-E ga sa jahat dan sa maeh, dan nampinau uran ga sa bujur dan sa koi bujur ⁴⁶ Ulah, amun hanyu ekat mangasihi ulun-ulun sa mangasihinu, upa inon sa hanyu kaiuh ? Bakoikah pangumpul pajak lei ngulah hal sa sameh? ⁴⁷ Dan, jaka hanyu ngami salam ekat ga pulaksanainu, inon labih e perbuatannu? Bakoikah ulun-ulun sa bakoi mangenal Allah Talla lei ngulah sameh hio? ⁴⁸ ulah hio, hanyu harus jari sa sempurna, sameh Amahnu sa ta surga ayelah sempurna."