¹ "Waspadalah huang ngulah kewajiban agamanu ta hadapan marasia, ada nihi maksud mat na in'i here. jaka demikian, hanyu bakoi akan manarima upa neke Amahnu sa ta surga. ² Ulah hio, katika hanyu ngami sadekah, ada napalengan trompet ta hadapannu sameh sa ulun-ulun munafik lakukan ta sinagoge-sinagoge dan ta lalan-lalan mat here na puji ulun lain. Aku ngantuh sa sabujur e ga hanyu bahwa here haot manerima upa e. ³ Akan tatapi, katika hanyu ngami sadakah, ada nabiarkan tangan kawinu karasa inon sa tangan kanannu lakukan, ⁴ mat sadakahnu hio koi nakarasa dan Amahnu sa ngi'ni sa koi nakarasa hio akan ngami upa ga hanyu." Ajaran tentang badoa ⁵ "Dan, katika hanyu badoa, ada sameh ulun-ulun munafik ulah here kagiri mindri dan badoa ta sinagoge-sinagoge dan ta pusing-pusing lalan mat na i'ni ulun lain. Aku ngantuh sa sabujur e ga hanyu, here haot narime upa e. ⁶ Akan tatapi, katika hanyu badoa, masuklah ga huang kamarnu dan tutuplah manawang e, dan badoalah ga Amahnu sa naan ta uneng sa koi nakarasa, maka Amahnu sa katena sa koi nakarasa hio akan ngami upa ga hanyu. ⁷ Dan, katika hanyu badoa, ada makai antuhan sa bakoi nan arti e, sameh sa na ulah ulun-ulun sa bakoi mangenal Allah Talla, ulah here mangira nihi ajoh e antuhan e, here akan na rengei. ⁸ Ulah hio, ada sameh di here ulah Amahnu karasa inon sa hanyu perlukan samete hanyu lako ga-Aye. ⁹ badoalah kalahio, 'Amah kami sa ta surga, Nakuduskanlah aran-Nu. ¹⁰ Hawilah kerajaan-Nu, jarilah kahan'nak-Nu ta bumi sameh ta surga. ¹¹ Amilah kami, pada andrau iti, panguta kami sa sasukup e. ¹² Dan, ampunilah kasalahan-kasalahan kami, sameh kami lei mangampuni ulun-ulun sa bahala ga kami. ¹³ Dan, adalah nuna kami ga huang pencobaan, tatapi lapaskanlah kami neke sa jahat. Ulah Hanyulah sang ampun kerajaan, dan kuasa, dan kemuliaan hampe kalalawah e Amin.' ¹⁴ Ulah jaka hanyu mangampuni kahala-kahala ulun lain, Amah surgawinu lei akan mangampuni nu. ¹⁵ Akan tatapi, jaka hanyu bakoi mangampuni kahala-kahala ulun lain, Amahnu lei bakoi akan ma ngampuni kahala-kahala nu." Sikap katika bapuasa ¹⁶ "Dan, katika hanyu bapuasa, ada murung sameh ulun munafik ulah here mangubah ra'i e mat na i'ni ganyah bapuasa oleh ulun lain. Aku ngantuh sa sabujur e ga hanyu bahwa here haot narima upa e. ¹⁷ Akan tatapi, hanyu, katika bapuasa, peulah ulu nu dan uwilah rai nu ¹⁸ mat puasa nu bakoi na i'ni ulun, tatapi oleh Amah nu sa naan ta uneng sa bakoi nakarasa. Dan, Amahnu sa ngi'ni perbuatan nu sa koi nakarasa hio akan mambalas e ga hanyu." kumpulkanlah panatau ta surga ¹⁹ "Ada manimun ga arepnu laerai panatau ta bumi, uneng kametei dan tagar marusak, dan uneng pangalat ngungkar serta ngalat. ²⁰ Akan tatapi, himpun ga arepnu laerai panatau nu ta surga, uneng kametei dan tagar bakoi marusak dan uneng pangalat koi ngungkar serta ngalat. ²¹ Ulah ta uneng panatau nu muneng, ta hio lei atei nu muneng." ²² " Mate ayelah palita tenga. Jari, amun matenu maeh, kaluhan tenga nu akan jari tarawa. ²³ Akan tatapi, jaka mate nu jahat, kaluhan tenganu akan penu kamaiengan. Jari, jaka tarawa sa seharus e naan ta hanyu ayelah kamaiengan, kalahio maieng e kamaiengan hio." ²⁴ "Bakoi naan ulun sda iuh malanyani rueh tuan ulah aye akan marikang tuan sa isa dan mangasihi sa lain, antawa aye akan setia ga tuan sa isa dan maremehkan sa lain. Hanyu koin iuh melayani Allah Talla dan duit." Ada hanyu khawatir ²⁵ "Ulah hiolah aku ngantuh ga hanyu, ada khawatir tentang welum nu, inon sa akan na kuta nu antawa inon sa na oot niu. Demikian lei tentang tenganu, inon sa akan na pakainu. Bakoikah welum lebih penting neke panguta, dan tenga neke pama? ²⁶ I'nilah wurung-wurung ta langit sa bakoi ngamule, bakoi masi, dan bakoi nimpun ga huang luit, tatapi Amah surgawinu ngami here kuman. Bakoikah hanyu lebih bauman neke here? ²⁷ Hiekah ta penah hanyusa ulah khawatir iuh namah sehasta ga umur e? ²⁸ Dan, tentang pama, uah inon hanyu khawatir? Perhatikan wunge bakung ta alah, kala awe here tumu, here bakoi bagawi dan bakoi memintal, ²⁹ tatapi Aku ngantuhga hanyu bahwa Salomo huang segala kemuliaan e lei bakoi ba pama sameh hala isa neke wunge-wunge hio. ³⁰ Jari, jaka rikut ta alah, sa naan andrau ina dan katuni na umpe ga huang rapuan, Allah Talla ngarasih e sedemikian rupa, bakoikah terlebih lagi hanyu,u hanyu sa kurang iman? ³¹ Ulah hio, ada hanyu khawatir nihi antuhan, ' Inon sa akan na kuta kami?' antawa 'inon sa akan na oot kami?, antawa inon sa akan kami pakai?' ³² Ulah, bangsa-bangsa lain nupui kaluhan ina dan Amah surgawinu karasa bahwa hanyu mamerlukan kaluhan ina. ³³ Akan tatapi, lupuilah dahulu Kerajaan dan Katu'u-E, dan kaluhan e akan na tamahkan ga hanyu. ³⁴ Jari, ada khawatir tentang andrau katuni ulah andaru katuni akan mengkhawatirkan arep e laerai. Cukuplah suatu andrau nihi kasusahan e laerai."