¹ Udi hio, Yesus na pimpin oleh Roh ga pulau haket mat na suba oleh Iblis. ² Dan, Aye ba puasa epat pulu andrau dan epat pulu malem, sa haot hio Aye jari kalauan. ³ Balu, hawi lah aye, sa mansuba hio, dan ngantuh ga Yesus, " Jaka Hanyu aye lah Anak Allah Talla, hunyu lah mat watu-watu iti jari roti." ⁴ Namun, Aye manjawab dan ngantuh, " naan tertulis, 'Bakoi oleh roti bo marasia welum, tatapi oleh satiap firman sa balua nangkah mulut Allah Talla." ⁵ Udi hio, Iblis nuna-E ga kota suci dan ka i'ni Aye ta hamau Bait Allah, ⁶ dan ngantuh ga Aye, " Jaka hanyu anak Allah Talla, sanau lah arep-Nu ga leba ulah naan ta tulis: 'Mengenai Hanyu, Allah Talla akan nunyu malaikat-malaika-E dan ngangkat Hanyu ta hamau tangan here mat pe'e-Nu ada pahantuk watu." ⁷ Yesus ngantuh ga aye, " Isa kali lagi, naan ta tulis, 'Hanyu ada mansuba Tuhan Allah nu."' ⁸ Isa kali lagi, Iblis nuna Yesus ga hamau gunung sa entu tu'u dan nampa i'ni ga Aye kaluhan kerajaan dunia baya ka segah e, ⁹ dan ngantuh ga Aye, " kaluhan e ina akan na ami ga Hanyu, jaka hanyu tersungkur dan manyembah aku." ¹⁰ Udi hio, Yesus ngantuh ga aye, "Tulak lah, Iblis! naan ta tulis, 'Hanyu harus manyembah Tuhan Allah nu dan ga Aye bo hanyu ba ibadah."' ¹¹ Udi hio Iblis nanan Aye, dan i'ni lah, malaikat-malaikat hawi mat malayani Aye. Yesus mulai pelayanan-E ta Galilea ¹² Balu, katika Yesus ngarengei bahawa Yohanes haot na tulung, Aye tulak ga Galilea. ¹³ Aye nanan Nazaret dan hampe bu muneng ta Kapernaum, ta iring danau, ta perbatasan Zebulon dan Naftali, ¹⁴ Mat na genapi inon sa na antuh nangkah Nabi Yesaya: ¹⁵ "Tane Zebulon dan tane Naftali, lalan danau, ta sabarang Yordan, Galilea, wilayah ulun-ulun bakao Yahudi, ¹⁶ bangsa sa marene huang maiyeng ngi'ni tarawa sa hante, dan bagi here sa marene ta negeri dan huang bayang-bayang pamptei, tarawa hio haot terbit. ¹⁷ Sejak waktu hio, Yesus mulai ba khotbah dan ngantuh, "Ba tobat lah ulah kerajaan surga haot rite!" Yesus nerau epat murid-E sa pertama ¹⁸ Katika Yesus takia ta iring danau Galilea, Aye ngi'ni rueh ba pulaksanai, aye hio Simon sa na antuh Petrus, dan Andreas, pulak sanai e, ganyah malunta ta danau ulah here ayelah palunta kenah. ¹⁹ Dan, Aye ngantuh ga here, "Ayulah uma Aku dan Aku akan ngulah hanyu palunta marasia." ²⁰ Here balu nanan lunta-lunta e dan uma Aye. ²¹ Dan, saat tulak neke aro, Aye katena rueh ba pulaksanai sa lain, Yakobus anak Zebedeus dan Yohanes, pulaksanai e. Here muneng ta huang isa jukung pahengau Zebedeus, amah here, ganyah nangkaeh lunta-lunta e. Dan, Aye nerau here. ²² Dan, here langsung nanan jukung dan amah here, balu uma Yesus. Yesus ngajar dan nangkaoh ajoh ulun. ²³ Udi hio, Yesus ba kaliling ga kaluhan daerah Galilea, ngajar ta Sinagoge-sinagoge here, memberitakan Injil kerajaan, dan nangkaoh segala macam panyakit, dan segala macam kahanang ta penah ulun ajoh. ²⁴ Dan, barita tentang-E tersebar hampe ga kaluhan Siria. Dan, here nuna ga Aye kaluhan ulun sakit sa menderita berbagai macam panyakit dan inam kahanang, dan karasukan setan, sa sakit ayan, dan sa lumpuh dan Aye nangkaoh here. ²⁵ Kerumunan hante ulun ajoh neke Galilea, Dekapolis, Yerusalem, Yudea, dan neke sabarang Yordan uma Aye.