Khotbah Yohanes Pembabtis ¹ Pada andrau hio timul lah Yohanes Pembabtis, berkhotbah ta pulau haket Yudea. ² Aye ka'antuh, " Ba tobat lah ulahkerajaan surga haot riet." ³ Ulah, aye lah sa na antuh Nabi Yesaya katika ngantuh, " Suara erang ka ulun sa ba seru-seru ta pulau haket, ' Persiapkan lalan ga Tuhan, ulah lah lalan-E lurus." ⁴ Dan, Yohanes laerai masang pama e neke wulu unta dan paning upak ta kaliling pahiwu e. Panguta e aye lah sangkalap dan ranu wani. ⁵ Udi hio, ulun-ulun Yerusalem hawi ga aye, dan kaluhan Yudea, dan kaluhan wilayah ta sakitar Yordan. ⁶ Balu, here na babtis kan oleh Yohanes ta Yordan, sambil mangakui dosa-dosa here. ⁷ Namun, katika Yohanes nena ajoh ulun Farisi dan Saduki hawi ga babtisan e, aye ngantuh ga here, " Hanyu, keturunan nipe beludak, hie sa mamparingatkan hanyu mat tulak neke murka sa akan hawi? ⁸ Ulah hio, hasilkan lah ua-ua sa sabanding nihi pertobatan, ⁹ dan ada ba pikir mat ngantuh ga arep nu laerai, 'kami naan Abraham, amah leluhur kami,' ulah aku ngantuh bahawa neke watu-watu ina Allah Talla sangup membangkitkan anak-anak Abraham! ¹⁰ Bahkan, wayah na , kapak na a'nak ta wakat kakau-kakau, dan satiap kakausa bakoi ma hasil kan ua sa maeh na teweng dan na umpe ga huang apui. ¹¹ Aku sa bujur e membabtis hanyu nihi ranu mat pertobatan, tatapi Aye sa hawi sa haot aku aye lah labih ba kuasa neke aku, sa sandal-E pun aku bakoi layak nuna e. Aye akan mambabtis hanyu nihi Roh Kudus dan nihi apui. ¹² Alat pangitap naan t tangan-E, dan Aye kan namparasih uneng pengirikan-E, dan akan mangumpulkan gandum ga huang lumbung. Namun, Aye akan nutung ape e nihi apui sa bakoi ta'u na tampare." ¹³ Yesus na babtis oleh Yohanes pembabtis Udi hio, Yesus hawi neke Galilea ga Yordan ga Yohanes mat na babtis oleh Yohanes. ¹⁴ Namun, Yohanes ba usaha nguring-E dan ngantuh, " Akulah sa parlu na babtis oleh-Nu, tatapi justru hanyu sa hawi ga aku?" ¹⁵ Balu, Yesus manjawab dan ngantuh ga aye, " Sakarang, biar bo ulah kalaiti lah sa harus terjadi ga takam mat meggenapi kaluhan kebenaran." Dan, Yohanes pun ngabiarkan Aye. ¹⁶ Sa haot na babtis, Yesus langsung balua neke ranu, dan tena lah, surga ta uka dan Aye nena Roh Allah Talla minau sameh wurung merpati hawi ga hamau Aye. ¹⁷ Dan, rengei lah suara neke surga sa ngantuh, " Itilah Anak-Ku sa Ku kasihi, ga Aye lah Aku berkenan.