¹ Udi hio, papire ulun Farisi dan ahli-ahli Taurat neke Yerusalem hawi ga Yesus dan ngantuh, ² "Uah inon murid-murid-Nu malanggar tradisi nenek moyang ? Ulah, here koi mui tangan katika kuman roti !'' ³ Dan, Yesus manjawab dan ngantuh ga here, "Dan, uah inon hanyu lei malanggar parintah Allah demi tradisi nu ? ⁴ Ulah Allah Talla ba firman, 'Hormatilah amah dan ine nu,' dan, 'Hie sa mangutuki amah antawa ine e, harus na hukum matei.' ⁵ Namun, hanyu ngantuh, ''Hie bo sa ngantuh ga amah antawa ine e, 'inon pun amian ga hanyu haot na persembahkan ga Allah Talla,'''' ⁶ aye koi parlu ma hormati amah antawa ine e. Nihi kalahio lei, hanyu mambatalkan firman Allah Talla demi tradisi nu. ⁷ Hanyu, ulun-ulun munafik, memeng bujur nubuatan Yesaya tentang hanyu : ⁸ 'Bangsa ina mahormati Aku nihi mulut here, tatapi atei here lawit neke Aku. ⁹ Dan, sia-sia here manyembah-Ku nihi mengajarkan hunyuan-hunyuan marasia.''' ¹⁰ Dan, Yesus nerau ulun ajoh dan ngantuh, ''Rengei dan pahamilah! ¹¹ Bakoi inon sa masuk ga huang mulut sa manajiskan ulun, tatapi inon sa kaluar neke mulut e, inalah sa manajiskan ulun. ¹² udi hio, murid-murid Yesus hawi dan nyantane ga Aye, "Rasa Nu koi bahwa ulun-ulun Farisi tersinggug katika karengei pernyataan ina ?'' ¹³ Namun, Yesus manjawab dan ngantuh, "Setiap pamule sa koi na bule oleh Amah-Ku sa ta surga akan na bubut hampe ga wakat-wakat e. ¹⁴ biar bo here. Here ayelah penuntun-penuntun buta neke ulun-ulun buta. Dan, jaka ulun buta manuntun ulun buta, kararueh e akan lawu ga huang tolong.'' ¹⁵ Petrus ngantuh ga Aye, "Jelaskanlah perumpamaan hio ga kami.'' ¹⁶ Yesus ngantuh, "inon kah hanyu masih mete paham lei ? ¹⁷ Inon kah hanyu koi mangerti bahwa segala sesuatu sa masuk ga huang mulut akan minau ga wuntung dan na umpe ga huang jamban? ¹⁸ Akan tatapi, inon sa kaluar neke mulut timul neke atei, dan hio lah sa manajiskan ulun. ¹⁹ Ulah neke atei timul pikiran-pikiran jahat, pembunuhan, pamaraheng, dosa-dosa seksual, pangalat, kesaksian palsu, dan fitnah. ²⁰ Hal-hal itilah sa manajiskan ulun". Yesus Ngawat Wawei Kanaan ²¹ Udi hio, Yesus tulak neke aro dan manyingkir ga daerah Tirus dan Sidon. ²² Dan, erang kaulun wawei Kanaan sa ba asal neke daerah hio hawi dan ba seru, "Kasihanilah aku, Tuhan, Anak Daut ! Anak wawei ku kerasukan roh jahat parah tu'u." ²³ Akan tatapi, Yesus koi manjawab wawei hio, isa kata pun. Dan, murid-muri-E hawi dan mandasak-E, antuh here, "Hunyulah aye tulak ulah aye tarus manarus kamiak ta wading takam." ²⁴ Balu, Aye manjawab dan ngantuh, "Aku ekat na utus ga domba-domba sa jawoh neke umat Israel.'' ²⁵ Udi hio, wawei hio hawi dan sujud ta hadapan Yesus, antuh e, "Tuhan, awatlah aku!''' ²⁶ Namun, Yesus manjawab dan ngantuh, "Bakoi maeh ngalap roti na kawan nakia dan naut e ga tahu-tahu.'' ²⁷ Wawei hio manjawab, "Bujur, Tuhan, tetapi tahu-tahu hio, kuman mumu-mumu sa lawu neke meja tuan e." ²⁸ Udi hio, Yesus ngantuh ga aye, "u wawei, iman nu hante! Terjadilah ga hanyu sameh pangakan nu." Pada saat hio lei, anak wawei e na tangkaoh. Yesus Nangkaoh Ajoh Ulun ²⁹ Yesus tulak neke aro, manyusuri iring danau Galilea. Dan, sahaot mamai ga hamau wungkur, Aye maharung ta aro. ³⁰ Udi hio, kerumunan hante ulun hawi ga aye, nuna ulun-ulun sa lumpuh, cacat, buta, muna, dan ulun ajoh lain e. Bu, here nampakading ulun-ulun hio ta pe'e Yesus dan Aye nangkaoh here, ³¹ Sahingga ulun ajoh hio ta heran-heran katika here ngi'ni sa bisu ba paner, sa cacat na pulihkan, sa lumpuh takia, dan sa buta katena. Dan, here memuliakan Allah Talla Israel. Yesus Ngami Panguta ga Labih neke Epat Ribu Ulun ³² Balu, Yesus nerau murid-murid-E dan ngantuh, "Aku ba belas kasihan ta hadap ulun-ulun hio ulah here haot pahengau Aku selama telu andrau dan koi naan panguta. Dan, Aku koi kakan nunyu here mudi kalauan supaya here koi pisan ta huang perjalanan." ³³ Udi hio, para murid ngantuh ga Aye, "Neke awe takam akan kaiuh roti sa ajoh ta uneng sunyi ina nampawising ulun sa ajoh tu'u iti." ³⁴ Yesus nyantane ga here, "Pire ajoh roti sa naan?" ³⁵ Balu, Yesus nunyu ulun ajoh hio maharung ta tane. ³⁶ Udi hio, Aye ngalap ka pitu roti serta kenah-kenah hio. Dan, sambil ngantuh syukur, Aye nyandarai e, dan ngami ga murid-murid-E, dan murid-murid-E ngami e ga ulun ajoh hio. ³⁷ Here kaluhan kuman dan wising. bu, here ngalap potongan-potongan sa sisa, naan pitu keranjang penu. ³⁸ Here sa kuman naan epet ribu ulun laki-laki, koi termasuk wawei dan anak-anak. ³⁹ Sahaot nunyu ulun ajoh hio mudi, Yesus masuk ga jukung, dan tulak ga daerah Magadan.