¹ Pada waktu hio, Herodes, raja wilayah, karengei barita-barita tentang Yesus. ² Dan, aye ngantuh ga hamba-hamba e, "Inalah Yohanes Pembabtis. Aye haot welum neke penah ulun matei dan ulah hio lah mukjizat-mukjizat iti bagawi ta huang-E." Peristiwa Pampatei Yohanes Pembabtis ³ Ulah, Herodes haot nyaput Yohanes, nuruk e, dan nampasuk e ga penjara ulah Herodias, harau Filipus,pulaksanai Herodes. ⁴ Ulah Yohanes pahindra ngantuh ga aye, "Bakoi uah ga hanyu mat kakan Herodias." ⁵ Dan, meskipun Herodes kakan munu Yohanes, aye takut di ulun ajoh ulah here manganggap Yohanes sebagai nabi ⁶ Akan tatapi, katika ulang tahun Herodes hampe, anak wawei Herodias manari ta hadapan here, dan hio nampasanang Herodes, ⁷ sahingga aye ba sumpah mat ngami inon bo sa na lako wawei hio. ⁸ Maka, sahaot na dasak oleh ine e, wawei hio ngantuh, "Amilah ga aku ta ina, ulu Yohanes Pembabtis ta hamau tapan." ⁹ Meskipun raja sedih, tatapi ulah sumpah e dan ulah ulun-ulun sa kuman pahengau aye, aye pun nunyu agar hal hio na ami. ¹⁰ Aye nunyu mat netek ulu Yohanes ta penjara. ¹¹ Dan, ulu Yohanes na tuna ta hamau tapan, na ami ga wawei hio dan aye nuna e ga ine e. ¹² Udi hio, murid-murid Yohanes hawi, ngalap tenga e, dan ngogang e. Balu here tulak dan mawara ga Yesus. Dime Roti dan Rueh Kenah ga Dime Ribu Ulun ¹³ Katika Yesus karengei hal ina, Aye menarik diri neke aro nihi jukung, ga uneng sa sunyi laerai. Dan, katika ulun-ulun karengei ina, here uma-E nihi takia pe'e neke kota-kota. ¹⁴ Katika Yesus kaluar, Aye kai'ni karumunan hante ulun dan ba belas kasihan ga here, dan nangkaoh kahanang here. ¹⁵ Katika andrau mat kamalem, para murid hawi ga Yesus dan ngantuh, "Uneng ina sunyi dan andrau hot mat kamalem. Hunyulah ulun ajoh hio tulak ga desa-desa dan midi panguta ga here laerai." ¹⁶ Akan tatapi, Yesus ngantuh ga here, "Here koi parlu tulak. Hanyu, amilah here panguta." ¹⁷ Here ngantuh ga Aye, "Ta ina kami koi na'an inon-inon, kacuali 5 roti dan 2 kenah." ¹⁸ Dan, Aye ngantuh, "Tunalah hio ga iti, ga-Aku." ¹⁹ udi hio, Aye nunyu ulun ajoh hio maharung ta rikut, dan Aye ngalap 5 roti dan 2 kenah hio, balu sambil ngi'ni ga langit, Aye ngantuh syukur dan nyandarai roti hio. Sa haot hio, Aye ngami e ga murid-murid-E, dan murid-murid-E ga ulun ajoh. ²⁰ Dan, here kaluhan e kuman dan wising. bu, here ngalap potongan-potongan sa sisa, naan dua belas keranjang penu. ²¹ Dan, here sa kuman kira-kira naan 5.000 laki-laki, mete termasuk wawei dan anak-anak. Yesus Takia ta Hamau Ranu ²² Yesus segera mandasak murid-murid-E masuk ga jukung dan tulak mandahului-E ga sabarang, sementara Aye nunyu ulun ajoh hio mudi. ²³ Dan, sa haot Yesus nunyu ulun ajoh hio mudi, Aye mamai ga hamau wungkur laerai dan ba doa. Katika mat kamalem, Aye laerai ta aro. ²⁴ Akan tatapi, jukung hio haot lawit neke daratan, na ombang ambingkan galumang ulah ba lawanan nihi riwut ²⁵ Dan, pada jam epat malem hio, Aye hawi ga here, takia ta hamau ranu. ²⁶ Katika para murid katena-E takia ta hamau ranu, here uyuh takut dan ba seru, "Hio panguluh!"' bu here kamiak ulah takut. ²⁷ Akan tatapi, Yesus langsung ba paner ga here, antuh-E, "Kuatkanlah atei nu! Ina Aku, ada takut." ²⁸ Dan, Petrus ngantuh ga Aye, "Tuhan jaka hio Hanyu, hunyulah aku hawi ga Hanyu ta hamau ranu." ²⁹ Yesus ngantuh, "Hawilah!"' ³⁰ Namun, katika kai'ni riwut, aye takut dan mulai leteng. Aye kamiak, 'Tuhan, salamatkan aku!''' ³¹ Yesus langsung mangulurkan tangan-E, negei Petrus, dan ngantuh, Hanyu sa kurang iman, uah inon hanyu ragu-ragu?''' ³² katika here masuk ga huang jukung, riwutpun ulep. ³³ Udi hio, here sa naan ta jukung manyembah Yesus dan ngantuh, "Sesungguh e, Hanyu ayelah Anak Allah Talla !''' Yesus Nangkaoh Ulun-Ulun Sakit ³⁴ Sa haot nyabarang, here hampe ta tane Genesaret. ³⁵ Katika ulun-ulun ta uneng hio mangenali-E, here mawara e ga kaluhan daerah hio dan nuna ulun sa sakit ga Yesus . ³⁶ Here mamohon ga Yesus supaya tau negei ujung jubah-E, dan kaluhan ulun sa negei- e jari kaoh.