¹ udi hio, ulun-ulun Farisi dan Saduki hawi mat mansuba Yesus. Here lako mat Yesus nampai'ni ga here suatu tanda neke surga. ² akan tatapi, jawab Yesus, "Saat mat kamalem, hanyu ngantuh, 'Cuaca cerah ulah langit mariang.' ³ Dan, pada kiat andrau, 'andaru ina akan naan riwut mehet ulah langit mariang dan maieng.' Hanyu karasa kala awe mambedakan langit, tetapi koi mampu mambedakan tanda-tanda zaman. ⁴ Suatu generasi sa jahat dan pamaraheng iti manuntut isa tanda, tatapi isa tanda pun koi akan na ami ga aye, kacuali tanda Nabi Yunus. "Balu, Aye nanan here dan tulak. Penjelasan tentang Ragi Ulun Farisi dan Saduki ⁵ Katika murid-murid hampe ta sabarang danau, here koi kaingat nuna roti. ⁶ Dan, Yesus ngantuh ga here, "Perhatikanlah dan waspadalah ta hadap ragi ulun-ulun Farisi dan para Saduki." ⁷ Dan, here mulai bapaner hal hio ta penah here laerai dan ngantuh, "Iti ulah takam koi nuna roti.'' ⁸ Akan tatapi, Yesus karasa hal iti dan ngantuh, " U, ulun sa kurang iman, uah inon hanyu ba paner ta penah hanyu laerai tentang koi naan roti. ⁹ Inonkah hanyu masih mete mangerti dan lei koi ingat akan dime roti ga dime ribu ulun, dan papire ajoh karanjang sisa e sa hanyu kumpulkan? ¹⁰ Antawa, pitu roti mat epat ribu ulun, dan papire karanjang sisa e sa hanyu kumpulkan? ¹¹ Kala awe kah hanyu koi mangerti bahwa Aku koi ganyah ba paner ga hanyu tentang roti? Akan tatapi, waspadalah ta hadap ragi ulun-ulun Farisi dan para Saduki." ¹² Udi hio, here mangerti bahwa Aye koi ngantuh mat waspada ta hadap ragi roti, tatapi ta hadap ajaran ulun-ulun Farisi dan para Saduki. Yesus ayelah Mesias ¹³ Katika Yesus hampe ta daerah Kaisarea Filipi, Aye nyantane ga murid-murid-E, "Manurut antuhan ulun, hie kah Anak Marasia hio?" ¹⁴ Here manjawab, "Papire ngantuh Yohanes Pembabtis, sa lain ngantuh Elia, dan sa lain lagi ngantuh Yeremia, antawa hala himar neke para nabi." ¹⁵ Balu, Yesus nyantane ga here, Akan tatapi, menurut nu, hie kah Aku iti?" ¹⁶ Simon Petrus manjawab, ", "Hanyu ayelah Mesias, Anak Allah sa welum!" ¹⁷ Yesus ngantuh ga aye, "Naberkatilah hanyu, Simon anak Yunus, ulah koi daging dan ira sa menyatakan ina ga hanyu, malainkan Amah-Ku sa ta surga. ¹⁸ Dan, Aku lei ngantuh ga hanyu bahwa hanyu ayelah Petrus. Dan, ta hamau watu iti, Aku akan nampindri jemaat-Ku dan gerbang-gerbang Hades koi akan menguasai e. ¹⁹ Aku akan ngami ga hanyu kunsi-kunsi kerajaan surga. Dan, inon bo ha hanyu huruk ta bumi akan tapahuruk ta surga. Dan, inon bo sa hanyu lapas ta bumi akan ta lapas ta surga." ²⁰ Balu, Yesus mamparingatkan murid-murid supaya koi mawara hie-hie bahwa Aye ayelah Mesias. Yesus mawara tentang Pampatei-E ²¹ Sejak saat hio, Yesus mulai menunjukan ga murid-murid-E bahwa Aye harus tulak ga Yerusalem dan manderita ajoh hal neke para tua-tua, imam-imam kepala, maupun ahli-ahli Taurat, bu na wunu dan na bangkitkan pada andrau ka telu. ²² Udi hio, Petrus narik Yesus ga lepeh, nagur-E, dan ngantuh, "Tuhan, kira e Allah Talla nampalawit hal hio neke Hanyu! Hal ina koi akan terjadi ga Hanyu." ²³ Akan tatapi, Yesus ba wadik dan ngantuh ga Petrus, "Tulak lah neke hadapan-Ku u Iblis! Hanyu ayelah watu sandungan ga Aku ulah hanyu koi manetapkan pikiran nu ga hal-hal neke Allah Talla, malainkan hal-hal neke marasia. ²⁴ Udi hio Yesus ngantuh ga murid-murid-E, "Jaka naan sa kakan ujma Aku, aye harus manyangkal arep e laerai, ngume salib e, dan uma Aku. ²⁵ Ulah hie sa kakan manyalamatkan nyawa e akan ka jawoh nyawa e. Akan tatapi, hie sa kajawoh nyawa e ulah Aku, aye akan kaiuh e. ²⁶ Inon untung e jika erang kaulun kaiuh kaluhan dunia, tetapi kajawoh nyawa e? Antawa, inon sa tau erang ka ulun ami sebagai ganti nyawa e ?- ²⁷ Ulah, Anak Marasia akan hawi huang kemuliaan Amah-E pahengau nihi para malaikat-E dan udi hio akan mambalas setiap ulun manurut perbuatan e. ²⁸ Aku ngantuh sa sabujur e ga hanyu, naan papire kaulun sa mindri ta iti sa koi mangalami pampatei hampe here katena Anak Marasia hawi huang kerajaan-E."