¹ Mu kumanetha, vamunanana, joleleni muli Muene. Ange mukuthona lalo viuma evi kuvinji hana vitanga, keho naua vinji niunge. ² Liniungeni ku tutali. Liniungeni kuli vaka kupanga via kuvihia. Liniungeni kuli vaka kulovola. ³ Muomu yetu vaka kulovoka, vaje vaka ku lemetha ha Mpundhi ya Kalunga, nakuli tuntla muli Yesu Kilistu naku viana ku thselela mu muntu. ⁴ Nambe ngocho, ange vavenia kuatha kuthselela muvuntu. Nga umo a thinganieka ku thselela muvuntu, ange nga nja tuvakanetha. ⁵ Anage nja lovokele ha litangua liamuu chitanu na atatu, avantu va Isaleli, vaka limo lia Mbenjameni, kaHevelu uava Hevelu, ngue ku majui alishiko, ka Faliseo. ⁶ Mukudhangama, nja yandethele mbunga ya Yesu, vaka vuchili mu lijui lia lishiko, viahi njavihithile. ⁷ Vunoni vioshe via puile lukulu kuli yange, njina vimono nguange kudhimbalethe mukonda lia Kilistu. ⁸ Muvuchili, ngechinji vitanda vioshe nguange kudhimbaletha mukonda lia kudhivuka kutuvakana Kilistu Yesu Muene uange. Muomu liendi nji nethela vioshe - keho nji vimona vina vihia - linga nji uanenemo Kilistu ⁹ na kunji uana muli yendi, keti naku kala na vuchili vuange vavenia kulihangunuka na lijui lia lishiko, vunoni ujea hitila muku kuthselela Kilistu - vuchili vua Kalunga muku thselela. ¹⁰ Keho ngechi njitonda kumudhivukitha na ndhili ya kushituka kuendi na kulivandakana kutuyando tuendi, nakufua ngue yendi mukuthsa kuendi, ¹¹ nange hamo nji kauana kushituka ku kuthsa. ¹² Keti ngue nguavo njina uana laja viuma evi, ndi nji ua kushula, vunoni nji hakamo linga vipue viange ngue mua nji uana Kilistu Yesu njipue uendi. ¹³ Vamunanana, njithinganieka nguange ange vavenia njina vi uana. Vuno chuma chimo chinjipanga: ku ivala via laja na kutala vili kulutue, ¹⁴ njishatukila kulutue na mana a ku ka uana fueto ya kuthana kua Kalunga muli Kilistu Yesu. ¹⁵ Tuva voshe va jua ku kola, tu thinganiekeni mungila eyi, keho amba uthinganiea mungila yeka, Kalunga nendi aka kujombuelela vio. ¹⁶ Vuno nambe ngocho, muoshe mutuendela tushuameni naku kakatela ngila eyi. ¹⁷ Vamunanana, pueni vaka kunji temuinina. Taleni vaje venda muchimuetho cimuna uana muli etu. ¹⁸ Vavengi venda - vaje vanja mi lekele nava va njimileka ngechi na mishodhi - ngue vidhindo via chilindakano ca Kilistu. ¹⁹ Kulemgetha chavo kuthsa. Mukonda Kalunga kavo ikeye limo liavo, na vumpahu vuavo vuli mushuama yavo. Vathinganieka viuma via mavu. ²⁰ Vunoni chithemua cetu chili muilu, muje mua katunda muovole itua tatelela, Muene Yesu Kilistu. ²¹ Ikeye aka tengulula miviala yetu yakuvihia naku yipanga yilifue ngue muvila uendi ua vumpahu, uva panga na ndhili yendi yakama muku li ononuetha ku viuma vioshe.