¹ Kuristiusi ghatushutura twe muhoro. Mutanare keho podiyoshi mwakara karo kwishi dho djoko dhoghupika. ² Mumone, Ame, Paghulusi, nakumutongwera eshi nge hamuhimi mwathinda kumukena,mbadi mbadi mbo muwana ghuwa mwaKristusi. ³ Ame kuna kutapa karo ghushupi kwakehe murume gho kukutapa thinda hamukene eshi ye gharodhera kukutha miragho dhodhihe. ⁴ Mwa kutunditha mwathinda kwaKristusi,ghamwe muna kukutha ghomuragho;mbadi mbomukara karo muthineke. ⁵ Podiyo shi mupepo gho kupongoka, no matawero,twamutatera thikuma mumakurupero ghoghuhungami. ⁶ MwaJesusi Kristusi ngambi hakukena endi mbadi hakukena twaheya twakara no mudyo,ene matawero ngenyu gharughana muruhakitho. ⁷ Mwarughanine thiwana, yidye ghamushingire mukukutekera ghushemwa? ⁸ Ghogha makuthakuthero mbadi ghatunda koyu ghamwitha! ^{9 10} Yihahitha yoyipu kutenda wingi ghomushungwa ghomburumera ghufudhumuke. Ni di nomakurupero mwaNyambi eshi nowe mbadi wakughayara mwamonamo. Keheyu ghokureta thivunganyi mboghana muhumbitha ¹¹ Mwatawi,ngambi ngoniyuvithe yomakeneno,pashanye shoha ni kuthakuthere shime? Ngambi kemo maghukukutu ghothikurushe gha ghatundithapo. ¹² Kowa hana kureta thivunganyi mukatji kenu, ame nashanena eshi hakukutukadhane hathinda! ¹³ Yoyishi mwapwa kwitha muhoro, mwatawi ene mwarughanitha horo dhenu eshi ruvedhe ropanyama hashane muruhakitho kumughamwene ghamwene mwathinda. ¹⁴ Yoyishi miragho dhodhi dhakumamo munando dhofotji eshi hake muyendhoye thika di wakuhaka ghothinda. ¹⁵ Ngeshi hamukuhumu nokukutafuna mwathinda mukoneke eshi mwakumanapo mwathinda. ¹⁶ Ene nakumutongwera,muyende namupepo ghokupongoka nombadi shomukare noyirumbera yopanyama dhenu. ¹⁷ Yodiyo shi yirumbera yopa nyama yakunyenga noyirumbera yopamupepo yakunyenga noyopanyama yoyishi ayo kukurwitha yathinda mukatji kayo,podiyo eshi mbadi shokone kuruwana oyi ghuna shana. ¹⁸ Ngeshi we kuna kupiteritha mupepo,mbadi wakara kwishi dhomuragho. ¹⁹ Yirughana yoyirama yakunegha yathinda: ayo ne yino,rungu,kupira ghukushuki,dishamu, ²⁰ kukarera haNyambi hombango,ghurodhi,ghunyathi,thidhimo,nya,ghupata,mvo,makuyakunukero nomakuharanganyithero, ²¹ ghunyathi,ghudakwi,mandunda ghokuyinu,noyinu yimweya yokemo. Ame kuna kumukonekitha thikadi namukonekithire pakutanga eshi owa hokurughana yokenge yi,mbadi mboha yora ghufumu waNyambi. ²² Ene mbuyo dhomupepo ghokupongoka ne ruhakitho,yishamberera,thiraro,ghudhughutjima,ghunongo,makurupero nomatawero, ²³ kukumbirupitha, nokukukunga ghothinda;kukananitha yinu yi kadipo muragho. ²⁴ Kehe yu ghahatera kwaKristus Jesusi ghapamarera yopanyama yoyiheya yirumbera yendi. ²⁵ Ngeshi hatupara para pamupepo,tuyende karo pamupepo. ²⁶ Twakara nomakomononikitho mukushedhaghura hamweya,nokukunyenga.