¹ Mwayendhange, ngeshi ghumweya ghana mukwata mukehe diharwero,amwe mwakara nomupepo mukone kumutendurura mumupepo gho ghunongo. Mukukunge mwathinda,yoyi namwe mbadi mupwe kuyereka. ² Mukughamwene mumaghukukutu ghenu no kemo shomukumithemo muragho waKristusi. ³ Nongeshi ghumweya haghayara eshi aye ne thinu nane aye ne mbadiko vene,ghana kwangera thinda. ⁴ Kehe yuno ghadimuke thirughana thendi,nothitambo thokukununeka mumwendi thinda vene nombadi eshi mwaghumweya. ⁵ Kehe yuno ghashimbe mupango wendi thinda. ⁶ Oyu ghana hongo nando ghakona kuyareka thothihe thothiwa noyu ghahonganga. ⁷ Mwakwangera. Nyambi mbadi hapepanga nendi, kehe thino thokukuna munu,thokukesha karo thotho. ⁸ Keheyu gho kukuna ghuyi muyirama yendi, mboghana keshi karo ghuyi muyirama yendi. Ene oyu ghokukuna ghuwa muyirama yendi,mboghana keshimupepo,moyo ghororuheya. ⁹ Twaghaya kutenda ghuhunga,yoyishi mbotunawana mukesho nomuyangu muruvedhe roruwaa,ngeshi mbadi shotukutape. ¹⁰ Kenge tudinoruvedhe,tutende twahe ghuwa kwawaguva wahe,thikumenenapo kowa ghaghatera kundhugho dhomatawero. ¹¹ Mumone ghukuru ghomambapira ghanatjangire nonyara dhange. ¹² Owa hanashana kutenda ghuwa mukuhafitha yirama kuna kushana kumuthiyeneka mupwe kukena. Awo hana kuyirwa mukukandanapo mukuthakuthero ghothikurushe thaKristusi. ¹³ Nowa temba hapwa kukena ghathinda mbadi ghakoneka muragho, ene wone hanashana ikeneno podiyo eshi hakutanaghure kuyirama yenu. ¹⁴ Ene mbadi nakona kukutanaghura kushwayithaako thikurushe thaFumu wetu Jesusi Kristus,kupitera mukaye ka kanipambarere kwange, nam kukoye. ¹⁵ Ngambi ghamukena endi mbadi ghamukena mbadiko mudyo,yomudyo ne munu ghomupya. ¹⁶ Nowaheya wa ghokuyenda kukutha modhi naro,thiraro no thineke yikare papagho,nokwaIsarayili waNyambi. ¹⁷ Kutunda pano kadiko karo ghokunipa ghukukutu,yoyi nashimbipayirama yange thitareka thaJesusi. ¹⁸ Thineke thaFumu wetu Jesusi Kristusi thikare mumupepo wenu,mwayendhange,Amen.