¹ Beraq Yesus sedeng manan, Uhaq  beruku senarikng posa sejak lahiryaq. ² Murid-murid Yesus penik la-Uhaq, “Guru, enceqkah yaq bedosa, senarikng ohoq ateu ulutn tuhaq taq sehingga uhaq genelahir posa?” ³ Yesus ngejawab, “Abaq ete uhaq ateupun ulutn tuhaq yaq bedo, melaitnkan nadeq pekerjaan-pekerjaan Allah penentereq sua  uhaq. ⁴ Takaq harus enaq pekerjaan-pekerjaan Uhaq yaq ngutus Aap selama olo maseh jelo; malepm antekng empet saat aweq erai kongaq pun ngahan bekerjaq. ⁵ Selama Aap maseh mo dunia, Aap lah terekng dunia.” ⁶ Lipes nokai keliro, Yesus tempus la tana dan ngeruq topus-Uhaq ampetn tana, lalo ngolet yaq mo mataq senarikng iro, ⁷ dan biongau la uhaq, “Engko, nguhaulah diriqko sua kolam Siloam.” Siloam retiyaq “genutus”. Lalo, senarikng iro engko, nguhau diriq uhaq, dan uhaq uli ampetn mataq kitaq. ⁸ Abetn tetangga ampetn ulutn yaq kitaq uhaq semale iro posa biongau, “Abaqkah senarikng ohoq yang biasa yaq tuet dan ngemis?” ⁹ Sebagian senarikng biongau , “Yaq, uhaqlah pengemis iro.” Yaq bali nokai, “Abaq, uhaq hanya mirip ampetn pengemis iro.” Namun, senarikng yaq posa iro biongau, “Aap lah pengemis iro.” ¹⁰ Lalo, senarikng-senarikng iro biongau la uhaq, “Kelemeq mataq ko kawa kitaq?” ¹¹ Senarikng iro ngejawab, “Senarikng yaq naan nai Yesus iro ngeruq tana dan ngolet yaq mo mataq aap. Lipes iro, Uhaq siu aap, ‘Engko la Siloam dan nguhau diriq aap.’ Jadiq, aap engko dan nguhau diriq, dan aap ngahan kitaq.” ¹² Ulutn biongau la uhaq, “Momeq Senarikng iro?” Uhaq ngejawab, “Aap beaw tauq.” ¹³ Lipes iro, ulutn oit senarikng posa iro la ulutn-ulutn Farisi. ¹⁴ Adapun olo beraq  Yesus ngeruq tana dan pekolat mataq senarikng iro adalah olo Sabat. ¹⁵ Kerna iro, ulutn-ulutn Farisi eso sinai penik la senarikng iro kelemeq ko ngahan kitaq. Uhaq biongau la ulutn, “Uhaq ngolet keruq tana la mataq aap, dan Aap nguhau diriq dan aap ngahan kitaq.” ¹⁶ Kerna iro, beberapa ulutn Farisi iro nokai, “Senarikng iro beaw beraser ete Allah kerna Uhaq beaw patoh ampetn olo Sabat.” Akan tetapiq, yaq bali nokai, “Kelemeq mungkin senarikng yaq bedosa ngahan enaq tanaq ajaib kiaq ohoq?” Kerna iro, timurlah perpecahan mo antara ulutn. ¹⁷ Jadiq, ulutn penik oliq la senarikng posa iro, “Oon pendapat ko tentang Uhaq kerna Uhaq epuq pekolat mataq ko?” Uhaq ngejawab, “Uhaq adalah Nabi.” ¹⁸ Ulutn-ulutn Yahudi iro tetap beaw persaya amen senarikng iro de memeng posa dan sekareng ngahan kitaq, sampei ulutn nogeq tinen tamen ete senarikng yaq sekareng ngahan kitaq iro, ¹⁹ dan penik la ulutn, “Meq yaq ohoq anak ka, yaq tokai ka posa sejak lahir? Amen keliro, kelemeq uhaq sekareng ngahan kitaq?” ²⁰ Ulutn tuhaq yaq ngejawab la ulutn dan biongau, “Kaiq tauq amen uhaq  anak kaiq dan amen uhaq posa sejak lahir, ²¹ tetapiq kelemeq sekareng uhaq ngahan kitaq, kaiq beaw tauq; ateu enceq yaq epuq pekolat mataq uhaq, kaiq beaw tauq. Penik ngauq la uhaq, uhaq epuq dewasa; uhaq akan biongau kalaq diriq uhaq edotn.” ²² Ulutn tuhaq yaq nokai keliro kerna ulutn takut la ulutn-ulutn Yahudi. Sebeb, ulutn-ulutn Yahudi iro epuq sepakat, bahwa setiep senarikng yaq ngaku Yesus sebagei Kristus, akan genucil ete sinagoge. ²³ Iro lah sebebyaq, ulutn tuhaqyaq nokai, “Uhaq epuq dewasa, penik ngauq la uhaq.” ²⁴ Jadiq, kalaq keduaq kaliqyaq, ulutn-ulutn Yahudi nogeq senarikng yaq de posa iro, dan biongau la uhaq, “Nyeq kemuliaan bagiq Allah, kaiq tauq amen Senarikng ohoq bedosa.” ²⁵ Uhaq ngejawab, “Meq kah Senarikng iro bedosa ateu beaw, aap beaw tauq; erai hal yaq aap tauq, de yaq aap posa, tetapiq sekareng aap kitaq.” ²⁶ Ulutn biongau la uhaq, “Oon yaq denaq Uhaq la ko? Kelemeq Uhaq ngahan pekolat mataq ko?” ²⁷ Uhaq ngejawab la ulutn, “Aap  epuq nokai yaq la ka, tetapiq ka beaw moyu nyempaning; oon lekaq ka kakatn nyempaning yaq oliq? Meq kah ka kakatn jadiq murid-Uhaq lei?” ²⁸ Lipes iro, ulutn menghina uhaq dan nokai, “Ko lah murid Senarikng iro, tetapiq kaiq adalah murid-murid Musa. ²⁹ Kaiq tauq amen Allah epuq biongau la Musa, tetapiq tentang Senarikng iro, kaiq beaw tauq ete meq aser Uhaq!” ³⁰ Senarikng iro ngejawab dan biongau la ulutn, “Sungguh aneh amen ka beaw tauq ete meq aser Uhaq, pedaher Uhaq epuq pekolat mataq aap. ³¹ Takaq tauq amen Allah beaw nyempaning ulutn bedosa, tetapiq enceq pun yaq takut akan Allah dan enaq pengakatn-Uhaq, Allah nyempaning uhaq. ³² Ete ro sampei sekareng, male pernah kenedingaq Amen naan erai kongaq pekolat mataq senarikng yaq posa sejaq lahir. ³³ Jika Senarikng iro beaw beraser ete Allah, Uhaq beaw ngahan enaq oon-oon.” ³⁴ Ulutn-ulutn Yahudi iro ngejawab dan biongau la uhaq, “Ko lahir penuh ampetn dosa, dan ko kakatn menggurui kaiq?” Lalo, ulutn ngusir senarikng iro. ³⁵ Yesus dingaq amen ulutn-ulutn Yahudi epuq ngusir senarikng posa iro; beraq Yesus beruku ampetn uhaq, Yesus biongau, “Meq kah ko persaya la Anak Senarikng?” ³⁶ Senarikng iro  ngejawab, “Enceq kah Uhaq iro, Tuhen, nadeq aap persaya la-Uhaq?” ³⁷ Yesus biongau la uhaq, “Ko epuq kitaq Uhaq. Uhaq adalah yaq sedeng biongau ampetn ko.” ³⁸ Senarikng iro ngejawab, “Tuhen, aap persaya!” Lipes iro, uhaq sujud mo telamaq-Uhaq. ³⁹ Yesus biongau, “Kakaq penghakiman, Aap empet la  dunia ohoq nadeq ulutn yaq beaw kitaq, ngahan kitaq, dan ulutn yaq kitaq, jadiq posa.” ⁴⁰ Beberapa ulutn Farisi yaq naan mo diniq-Uhaq dingaq hal iro, dan biingau la-Uhaq, “Apakah kaiq posa lei?” ⁴¹ Yesus biongau la ulutn, “Amen ka posa, ka aweq naan dosa; tetapiq kerna ka nokai, ‘Kaiq kitaq,’ dosa ka tetap naan.”