¹ Akan tetapiq, Yesus engko la Saikng Zaitun. ² Ete kabut, Uhaq engko oliq la Bait Allah, dan sekorekng senarikng empet la-Ugaq. Uhaq tuet dan ngajer ulutn. ³ Lalo, ahli-ahli Taurat beroh ulutn-ulutn Farisi oit erai kongak bawe yaq tenoan berbuet zinah, dan lipes pejakaat bawe iro mo tengah-tengah, ⁴ ulutn nokai la Yesus, “Guru, bawe ohoq tenangkep bisoq beraq sedeng bezinah. ⁵ Sua ukupm Taurat, Musa perentah takaq nadeq nempalekng bawe kelehoq ampetn batuq. Oon pendapat-Ko tentang hal ohoq?” ⁶ Ulutn nokai keliro kalaq peresa Yesus nadeq ulutn naan daser kalaq pesalaq Uhaq. Akan tetapiq, Yesus mongkoq unuk dan nulis mo  tana opekng tenpuru-Uhaq. ⁷ Kerna ulutn terus-menerus penik la Uhaq, Yesus jakat dan biongau la ulutn, “Senarikng yaq aweq dosa mo antara ka hendaklah uhaq jadiq yaq pertama nempalekng bawe ohoq ampetn batuq.” ⁸ Lalo, Yesus mongkok oliq unuk dan nulis mo tana. ⁹ Beraq ulutn dingaq hal iro, ulutn mulei oroq erai-erai, mulei ete yaq lebeh tuhaq, dan Yesus benolak edotn, ampetn bawe de yaq maseh jakat mo tengah-tengah. ¹⁰ Lalo, Yesus jakat dan biongau la bawe iro, “Hai bawe, lameq ulutn? Aweq naan kah ulutn yaq ngukupm ko?” ¹¹ Bawe iro ngejawab, “Aweq, Tuhen.” Yesus biongau, “Aap pun beaw akan ngukupm ko. Mananlah, dan mulei sekareng, boteq berbuet dosa oliq.” Yesus Terekng Dunia ¹² Lipes iro, Yesus biongau la senarikng deoq iro, “Aaplah terekng dunia. Setiep senarikng yaq nyang Aap beaw akan manan sua  denepm, tetapiq akan naan bolupm terekng.” ¹³ Lipes iro, ulutn-ulutn Farisi biongau la Yesus, “Ko bersaksi tentang diriq-Ko edotn, makaq kesaksian-Ko beaw konaq.” ¹⁴ Yesus ngejawab ulutn, “Sekalipun Aao bersaksi tentang diriq-Aap edotn, kesaksian-Aap adalah konaq kerna Aap tauq ete meq Aap empet dan la meq Aap engko, tetapiq ka beaw tauq ete d meq Aap empet dan la meq Aap engko. ¹⁵ Ka menghakimi menurut cara senarikng, sedengkan Aap beaw menghakimi enceq pun. ¹⁶ Namun, seandaiyaq pun Aap menghakimi, penghakiman-Aap iro  konaq kerna Aap beaw menghakimi edotn, melaitnkan beroh Bapa yaq ngutus Aap. ¹⁷ Bahkan, dua Kitab Tauratka tenulis bahwa kesaksian duaq unuk adalah konaq. ¹⁸ Aap bersaksi tentang Diriq-Aap sendiriq dan Bapa yaq ngutus Aap bersaksi tentang Aap” ¹⁹ Lalo, ulutn penik la-Uhaq, “Mo meq Bapa-Ko?” Yesus ngejawab, “Ka beaw kener Aap maupun Bapa-Aap, jika ka kener Aap, ka pun akan kener Bapa-Aap.” ²⁰ Ongau ohoq penesempeq Yesus mo diniq perbendaharaan bayaq Uhaq ngajer mo Bait Allah, tetapiq aweq erai kongak pun yaq nangkep Uhaq kerna watu-Uhaq male empeq. Yesus Biongau Tentang Bapa ²¹ Lalo, Yesus biongau oliq ka ulutn, “Aap akan molak ka dan ka akan elo Aap, tetapiq ka akan mate sua dosa ka. La antai Aap antekng engko, ka beaw ngahan empeq.” ²² Lipes iro, ulutn-ulutn Yahudi iro biongau, “Meq Uhaq kakatn mentiu kerna Uhaq biongau, ‘La antai Aap antekng engko, ka beaw ngahan empeq’?” ²³ Akan tetapiq, Yesus biongau la ulutn, “Ka beraser ete iwaq, tetapiq Aap beraser ete mo. Ka beraser ete dunia ohoq, tetapiq Aap beaw ete dunia ohoq. ²⁴ Oleh kerna iro, Aap nokai la ka bahwa ka akan mate sua dosa ko kerna amen ka beaw persaya bahwa Aaplah Uhaq, ka akan mate sua dosa-dosa ka.” ²⁵ Lalo, ulutn penik la-Uhaq, “Enceq Ko?” Yesus ngejawab ulutn, “Aap epuq nokai yaq la ka sejaq tematn. ²⁶ Naan deoq hal tentang ka yaq Aap harus paner dan hakimi, tetapiq Uhaq yaq ngutus Aap adalah konaq dan oon yaq Aap dingaq ete Uhaq, irolah yaq penesempeq Aap la dunia.” ²⁷ Ulutn beaw ngerti bahwa Yesus sedang seritaq la ulutn tentang Bapa. ²⁸ Oleh sebeb iro, Yesus biongau, “Bayaq ka epuq pekemo Anak Senarikng, bayaq irolah ka akan tauq amen Aap adalah Uhaq, dan bahwa aweq sesuatu pun yaq denen Aap ete diriq-Aap edotn, melaitnkan Aap nokai oon yaq genajer Bapa la-Aap. ²⁹ Dan, Uhaq yaq ngutus Aap naan bersama-sama ampetn Aap, Uhaq beaw molak Aap edotn kerna Aap selalu enaq hal-hal yaq berkenan la-Uhaq.” ³⁰ Sementara Yesus nokai sekorekng yaq iro, deoq senarikng persaya la-Uhaq. Anak-Anak Abraham Dan Anak-Anak Belih ³¹ Lipes iro, Yesus biongau la ulutn-ulutn Yahudi yaq persaya la-Uhaq, “Amen ka tetep sua firman-Aap, ka benar-benar murid-Aap, ³² dan ka akan tauq kebenaran, dan kebenaran iro akan ngebebas ka.” ³³ Ulutn ngejawab la-Uhaq, “Kaiq adalah keturunan Abraham dan beaw pernah jadiq hamba enceq pun. Jadiq, oon Ko nokai, ‘Ka akan bebas?’” ³⁴ Yesus ngejawab ulutn, “Sesungguh yaq, Aap nokai la ka, setiep senarikng yaq enaq dosa adalah hamba dosa. ³⁵ Erai hamba beaw nongko mo erai keluarga untuk selama yaq, tetapiq erai anak nongko beroh selama yaq. ³⁶ Jadiq, apabila Anak ngebebas ka, ka benar-benar bebas. ³⁷ Aap tauq amen ka adalah keturunan Abraham, tetapiq ka kakatn munu-Aap kerna ajeran-Aap beaw ngahan ongok mo sua ka. ³⁸ Aap nokai tentang hal-hal yaq epuq ditatn Aap beroh Bapa-Aap, keliro lei ka enaq hal-hal yaq ka dingaq ete tamen ka.” ³⁹ Ulutn ngejawab dan biongau la-Uhaq, “Abraham adalah tamen kaiq.” Yesus ngejawab, “Amen ka keturunan Abraham, ka seharus yaq enaq oon yaq denaq Abraham. ⁴⁰ Akan tetapiq, ka berusaha munu Aap, senarikng yaq petauq ka kebenaran, yaq Aap dingaq ete Allah. Abraham beaw enaq hal iro. ⁴¹ Jadiq, ka hanya enaq oon yaq denaq tamen ka sendiriq.” Ulutn nokai la-Uhaq, “Kaiq beaw genelahir ete hasil perzinaan. Kaiq uputn erai Bapa, yaq iro Allah.” ⁴² Yesus biongau la ulutn, “Amen Allah adalah Bapa ka, ka akan mengasihi Aap kerna Aap empet dan beraser ete Allah. Dan, Aap empet abaq ates kehendak-Aap edotn, melaitnkan Uhaq yaq ngutus Aap. ⁴³ Oon sebeb yaq ka beaw ngerti oon yaq tenokai Aap? Iro kerna ka beaw ngahan dingaq firman-Aap. ⁴⁴ Ka beraser ete tamen ka dari tamen ka, yaq iro setan dan ka kakatn enaq pengakatn-pengakatn tamen ka. Uhaq adalah pemunu ete sejaq tematn dan beaw geeq mo kebenaran kerna aweq naan kebenaran sua diriq uhaq. Amen uhaq nokai esaq etaq, uhaq nokai yaq ete karakter uhaq edotn kerna uhaq adalah peretaq dan tamen peretaq. ⁴⁵ Akan tetapiq, kerna Aap nokai kebenaran la ka, ka beaw persaya la-Aap. ⁴⁶ Enceqkah mo antara ka yaq ngahan nokai amen Aap bedosa? Jika Aap nokai kebenaran, kelemeq ka beaw persaya la-Aap? ⁴⁷ Enceq pun yaq  beraser ete Allah, uhaq nyempaning firman Allah; iro lah sebebyaq, ka beaw nyempaning yaq kerna ka beaw beraser ete Allah.” Yesus Biongau Tentang Diriq Uhaq Dan Abraham ⁴⁸ Ulutn-ulutn Yahudi ngejawab Yesus dan biongau la-Uhaq, “Konaq kan kaleu kaiq nokai Amen Ko adalah ulutn Samaria dan Ko kerasukan roh daat?” ⁴⁹ Yesus ngejawab, “Aap beaw kerasukan roh daat, tetapiq Aap menghormati Bapa-Aap, tetapiq ka beaw menghormati Aap. ⁵⁰ Akan tetapiq, Aap beaw elo kemuliaan bagiq diriq-Aap edotn; Naan Erai yaq elo kemuliaan dan yaq menghakimi. ⁵¹ Ampetn sesungguhyaq, Aap biongau la ka, setiep senarikng yaq kinteu firman-Aap, uhaq beaw antekng pernah neaw kematian.” ⁵² Ulutn-ulutn Yahudi iro biongau la Yesus, “Sekareng, kaiq tauq amen Ko memeng kerasukan roh daat! Sebeb, Abraham dan abetn nabi pun epuq mati. Namun, Ko nokai, ‘Setiep senarikng yaq kinteu firman-Aap, uhaq beaw antekng merasa mate.’ ⁵³ Meq Ko lebeh solai etepadaq Abraham, tamen kaiq, yaq epuq mate? Abetn nabi pun epuq mate; ampetn enceqkah Ko nyama diriq-Ko?” ⁵⁴ Yesus ngejawab, “Amen Aap memuliakan diriq-Aap edotn, kemuliaan-Aap iro aweq naan retiyaq; Bapa-Aap lah yaq memuliakan Aap, yaq tentang-Uhaq ka nokai, ‘Uhaq adalah Allah kaiq.’” ⁵⁵ Namun, ka beaw kener Uhaq tetapiq Aap kener Uhaq; amen Aap nokai Aap beaw kener Uhaq, Aap akan jadiq peretaq, sama kiaq ka, tetapiq Aap kener Uhaq dan Aap kinteu firman-Uhaq. ⁵⁶ Tamen ka, Abraham, eheu kerna uhaq akan kitaq olo-Aap. Uhaq epuq kitaq yaq dan eheu.” ⁵⁷ Lalo, ulutn-ulutn Yahudi iro biongau la-Uhaq, “Umur-Ko ngauq male empeq 50 tautn, tetapiq Ko eluq kitaq Abraham?” ⁵⁸ Yesus nokai la ulutn, “Sesungguhyaq, Aap nokai la ka, semale Abraham naan, Aap epuq naan.” ⁵⁹ Kerna iro, ulutn alaq batuq kalaq nempalekng Uhaq, tetapiq Yesus mensilek dan molak Bait Allah.