¹ Yesus biongau, “Sesungguhyaq, Aap nokai la ka, senarikng yaq sua la kanakng domba beaw lalo jawekng, melaitnkan engket lalo lalaq bali, senarikng iro adalah pengedako dan perampok. ² Akan tetapiq, senarikng yaq sua lalo jawekng adalah gembala domba. ³ Bagiq uhaq, penjaga jawekng Mike jawekng, dan domba-domba nyempaning ongau uhaq, dan uhaq nantaq domba-domba uhaq sendiriq ampetn nai-nai yaq, serta ngirikng ulutn la jaba. ⁴ Lipes ngelosek sekorekng dombayaq, uhaq manan mo telamaq ulutn dan domba-dombayaq akan nyingkui uhaq kerna ulutn kener ongau uhaq. ⁵ Ulutn asing beaw antekng denyang ulutn, tetapi ulutn akan uyoq ete yaq kerna ulutn beaw kener ongau senarikng-senarinkng asing.” ⁶ Perumpamaan irolah yaq tenokai Yesus la ulutn, tetapiq ulutn beaw ngerti oon yaq bayuq lei tenokai Yesus la ulutn. ⁷ Oleh sebeb iro, Yesus biongau oliq la ulutn, “Sesungguhyaq, Aap nokai la ka, Aaplah Jawekng la domba-domba iro. ⁸ Sekorekng senarikng yaq empet semale Aap adalah pengedako dan perampok, tetapiq domba-domba iro beaw nyempaning ulutn. ⁹ Aaplah jawekng. Jika erai kongaq sua lalo Aap, uhaq akan senelamet, dan akan losek sua, serta ruku padekng jikut. ¹⁰ Pengedako empet hanya kalaq dako, munu, dan  membinakan; Aap empet nadeq ulutn uputn bolupm, dan ngempuutn yaq secara berlimpah. ¹¹ Aaplah gembala yaq bueq; gembala yaq bueq nyeq asekng-Uhaq bagiq domba-domba. ¹² Erai kongaq upahan, abaq ete gembala, yaq abaq ete uputn domba-domba iro, kitaq serigala empet, uhaq molak domba-domba iro dan uyoq; serigala iro akan nompikng dan pejajat domba-domba iro. ¹³ Uhaq uyoq kerna uhaq ulutn upahan dan beaw peduli ampetn domba-domba iro. ¹⁴ Aaplah gembala yaq bueq. Aap kener domba-domba-Aap dan domba-domba-Aap kener Aap ¹⁵ sama kiaq Bapa kener Aap dan Aap kener Bapa; dan Aap nyeq asekng-Aap bagiq domba-domba iro. ¹⁶ Aap pun ngempuutn domba-domba bali yaq abaq ete kanakng ohoq; Aap harus oit lei ulutn, dan ulutn akan nyempaning ongau-Aap; dan ulutn akan jadiq erai kawanan ampetn erai gembala. ¹⁷ Kerna ohoqlah, Bapa mengasihi Aap, sebeb Aap nyeq asekng-Aap nadeq Aap ngahan ngempuutn yaq oliq. ¹⁸ Aweq erai kongaqpun epuq alaqyaq ete-Aap, melaitnkan Aaplah yaq nyeq yaq menurut pengakatn-Aap edotn. Aap naan hak kalaq nyeq asekng-Aap, dan Aap pun naan hak kalaq ngempuutn yaq oliq. Ohoqlah perentah yaq Aap terima ete Bapa.” ¹⁹ Eso sinai, naan perpecahan mo antara ulutn-ulutn Yahudi kerna ongau Yesus iro. ²⁰ Deoq ete ulutn yaq nokai, “Uhaq kerasukan roh daat dan jadiq gilaq. Kelemeq ka nyempaning Uhaq?” ²¹ Yaq bali nokai, “Iro abaq ete ongau ulutn yaq kerasukan roh daat. Ngahankah roh daat pekolat mataq senarikng posa?” Yesus Ampetn Bapa Adalah Erai ²² Pede watu iro, olo raya Penabisan berlangsung mo Yerusalem. Saat iro musim jelep, ²³ dan Yesus sedeng manan mo Bait Allah, yaq iro mo Serambi Salomo. ²⁴ Lalo, ulutn-ulutn Yahudi bekumpur ngelilikng Uhaq dan biongau la-Uhaq, “Berapa kolatn oliq Ko ngebier jiwa kauq bimbang? Jika Ko Kristus, mara lah terus terang la kaiq.” ²⁵ Yesus ngejawab ulutn, “Aap epuq mara yaq la ka, tetapiq ka beaw persaya.Pekerjaan-pekerjaan yaq denen Aap sua nai Tamen-Aap, irolah yaq nyeq kesaksian tentang Aap. ²⁶ Akan tetapiq, ka beaw persaya kerna ka beaw termasuk domba-domba-Aap. ²⁷ Domba-domba-Aap nyempaning ongau-Aap, Aap kener ulutn dan ulutn kinteu Aap. ²⁸ Aap nyeq bolupm kekal la ulutn, dan ulutn beaw antekng pernah binasa; dan aweq erai kongaq pun ngahan ngerebut ulutn ete kami-Aap. ²⁹ Tamen-Aap, yaq epuq nyeq ulutn la-Aap, lebeh solai etepadaq sekorekng, dan aweq erai kongaq pun ngahan ngerebut ulutn ete kami Bapa. ³⁰ Aap dan Bapa adalah erai.” ³¹ Eso sinai, ulutn-ulutn Yahudi alaq batuq kalaq nempalekng Yesus. ³² Akan tetapiq, Yesus biongau la ulutn, “Aap epuq petunuq la ka deoq pekerjaan bueq ete Bapa, pekerjaan yaqmeq ete antarayaq enaq ka kakatn nempalekng Aap ampetn batuq?” ³³ Ulutn-ulutn Yahudi iro ngejawab Uhaq, “Abaq kerna suatu pekerjaan bueq kaiq kakatn nempalekng Ko ampetn batuq, melaitnkan kerna hujat; dan kerna Ko, yaq hanya erai senarikng, pejadiq diriq-Ko Allah.” ³⁴ Yesus ngejawab ulutn, “Beawkah tenulis sua Kitab Taurat ka, ‘Aap epuq berfirman, Ko adalah allah?’ ³⁵ Jika Allah nokai ulutn yaq terima firman iro ‘allah’, padaher Kitab Suci beaw ngahan genebatal, ³⁶ oon kah ka nokai tentang Uhaq yaq epuq Bapa kuduskan dan utus la sua dunia, ‘Ko menghujat,’ kerna Aap nokai la ka, ‘Aap adalah Anak Allah’? ³⁷ Jika Aap beaw enaq pekerjaan-pekerjaan Tamen-Aap, boteq persaya la-Aap. ³⁸ Akan tetapiq, jika Aap enaq pekerjaan-pekerjaan iro, meskipun ka beaw persaya la-Aap, persayalah akan pekerjaan-pekerjaan iro nadeq ka tauq dan ngerti bahwa Bapa naan sua Aap, dan Aap naan sua Bapa.” ³⁹ Eso sinai, ulutn mencoba nangkep Yesus, tetapiq Uhaq lolos ete ulutn. ⁴⁰ Lalo, Yesus engko oliq kotas Sunge Yordan nujuq antai Yohanes  ro pertama kaliq ngebaptis dan Yesus nongko mo aro. ⁴¹ Deoq senarikng empet la-Uhaq dan nokai, “Meskipun Yohanes beaw enaq arai pun tanaq ajaib, tetapiq sekorekng yaq tenokai Yohanes tentang Senarikng ohoq bujur.” ⁴² Dan, deoq senarikng mo aro jadiq persaya la-Uhaq.