¹ Naan erai kongaq sookng yaq sedeng berotetn, nai yaq Lazarus ete Betania, kampukng Maria dan eraibutukng yaq, Marta. ² Maria ohoqlah bawe yaq pernah ngeminyaq kenekng Yesus ampetn minyak harum dan nyeka kenekng-Uhaq ampetn balo yaq, yaq eraibutukng sookngyaq, Lazarus, saat iro berotetn. ³ Sebeb iro, keduaq bawentumar ohoqi ngirim kaber la-Uhaq ampetn tokai, “Tuhen, senarikng yaq Ko kasihi sedeng berotetn.” ⁴ Namun, beraq Yesus dingaq kaber iro, Uhaq biongau, “Rotetn iro beaw antekng nyebebkan mate, tetapiq akan menyatakan kemuliaan Allah nadeq Anak Allah dimuliakan laloyaq.” ⁵ Yesus memeng mengasihi Marta, dan bawentumaryaq, ampetn Lazarus. ⁶ Jadiq, beraq Yesus dingaq bahwa Lazarus berotetn, Uhaq sengaja nongko duaq olo oliq mo antai tongkotn Uhaq. ⁷ Lipes iro, Yesus nokai la murid-murid-Uhaq, “Ayoq takaq engko oliq la Yudea.” ⁸ Abetn murid biongau la-Uhaq, “Guru, ulutn-ulutn Yahudi male olaq ogoq berusaha nempalekng Ko ampetn batuq, meq Ko tetap antekng laro oliq?” ⁹ Yesus ngejawab, “Beawkah naan duaq beles jam sua erai olo? Jika erai kongaq manan bayaq jelo, uhaq beaw titur kerna uhaq kitaq terekng dunia ohoq. ¹⁰ Akan tetapiq, amen erai kongaq manan bayaq malepm, uhaq titur kerna terekng iro aweq naan pede uhaq.” ¹¹ Lipes Yesus nokai keliro, Uhaq biongau la ulutn “Ajutn takaq, Lazarus, epuq turi, tetapiq Aap akan engko kalaq peruko uhaq.” ¹² Murid-murid biongau la-Uhaq, “Tuhen, amen uhaq tepeturi, uhaq akan lebeq.” ¹³ Yesus sebeneryaq biongau tentang Lazarus mate, tetapiq murid-murid ngiraq Uhaq biongau tentang tepeturi sua reti istirahat. ¹⁴ Kerna iro, Yesus Lipes iro nokai ampetn terus terang la ulutn, “Lazarus epuq mate, ¹⁵ dan Aap eheu demi kepentingan ka, Aap aweq naan mo aro nadeq ka ngahan persaya. Jadiq, ayoq takaq engko la uhaq.” ¹⁶ Lipes iro, Tomas, yaq tenokai Didimus, biongau la murid-murid yaq bali, “Ayoq takaq engko lei nadeq takaq ngahan mate beroh-Uhaq.” ¹⁷ Beraq Yesus empeq, Uhaq beruku Lazarus epuq naan sua lubekng sekolatn opat olo. ¹⁸ Betania beaw oroq letaqyaq kira-kira duaq mil ete Yerusalem. ¹⁹ Deoq ulutn Yahudi epuq empet ruku Maria ampetn Marta, kalaq menghibur ulutn berkaitan ampetn eraibutukng yaq iro. ²⁰ Beraq dingaq amen Yesus epuq empet, Marta engko dan nyamut-Uhaq, tetapiq Maria tetep nongko mo belai. ²¹ Marta biongau la Yesus, “Tuhen, seandeiyaq watu iro Ko naan mo ohoq, eraibutukng Aap pasti beaw antekng mate. ²² Akan tetapiq, sekareng ohoq, aap tauq amen oon pun yaq Ko sake ete Allah, Allah akan nyeqyaq  la-Ko.” ²³ Yesus biongau la uhaq, “Eraibutukng ko akan suli.” ²⁴ Marta ngejawab Uhaq, “Aap tauq uhaq akan suli bayaq olo kebangkitan mo ahir zamen.” ²⁵ Yesus biongau la uhaq, “Aaplah kebangkitan dan bolupm; enceq pun yaq persaya la-Aap, uhaq akan bolupm walaupun uhaq epuq mate, ²⁶ dan setiep senarikng yaq bolupm dan persaya la-Ku beaw antekng pernah mate. Meqkah ko persaya akan hal ohoq?” ²⁷ Marta biingau ka-Uhaq, “Yaq Tuhen, aap persaya amen Ko lah Kristus, Anak Allah, yaq empet la dunia.” Yesus Nangih ²⁸ Setelah nokai hal iro, Marta uli dan nogeq Maria, eraibutukng yaq, dan biongau secara pribadi, “Guru naan mo ohoq dan Uhaq nogeq ko.” ²⁹ Dingaq hal iro, Maria golek jakat dan beruku Yesus. ³⁰ Bayaq saat iro, Yesus male empeq la kampung iro, tetapiq maseh mo antai Marta beruku-Uhaq. ³¹ Ulutn-ulutn Yahudi yaq beroh Maria mo belai iro, yaq sedeng menghibur uhaq, kitaq Maria bergegas uwat dan engko la jaba; ulutn Nyang uhaq kerna ngira uhaq akan engko la lubekng kalaq Nangih mo aro. ³² Beraq Maria empeq la antai naan Yesus, uhaq beruku Yesus dan tersungkur mo kenekng-Uhaq, serta nokai la-Uhaq, “Tuhrn, seandaiyaq Ko naan mo ohoq watu iro, eraibutukng aap beaw antekng mate.” ³³ Beraq Yesus kitaq Maria nangih, dan ulutn-ulutn Yahudi yaq beroh uhaq pun nyang nangih, mengeranglah Yesus sua Roh dan sangat tergangu. ³⁴ Yesus penik, “Mo meq ka ngelubekng Lazarus?” Ulutn ngejawab Uhaq, “Tuhen, ayoq nyang dan neawlah.” ³⁵ Yesus pun nangih. ³⁶ Kerna iro, ulutn-ulutn Yahudi biongau, “Perhatikanlah! Betapa Uhaq sangat mengasihi Lazarus!” ³⁷ Akan tetapiq, beberapa kongaq mo antara ulutn biongau, “Beaw ngahankah Uhaq yaq epuq pekolat mataq ulutn ohoq enaq lei Lazarus beaw mate?” Lazarus Penensuli Ete Mate ³⁸ Yesus, yaq eso sinai oliq mengerang sua diriq-Uhaq, engko la lubekng. Lubekng iro adalah erai   liakng, dan naan erai batuq kalaq naleu yaq. ³⁹ Yesus biingau, “Ngesok batuq iro!” Marta, eraibutukng senarikng yaq mate iro, biongau la-Uhaq, “Tuhen, sekareng pasti akan ewoq botoq kerna uhaq epuq mate sekolatn opat olo.” ⁴⁰ Yesus ngejawab uhaq, “Beawkah Aap epuq nokai  la ka bahwa amen ka persaya, ka akan kitaq kemuliaan Allah?” ⁴¹ Jadiq, ulutn mengkat batuq iro. Lipes iro, Yesus denga dan biongau, “Bapa, Aap bersyukur la-Ko kerna Ko epuq nyempaning Aao. ⁴² Aap tauq amen Ko selalu nyempaning Aap, tetapiq kerna ulutn-ulutn yaq jakat mo keliling-Aap, Aap nokai hal iri nadeq ulutn persaya bahwa Ko lah yaq epuq ngutus Aap.” ⁴³ Lipes nokai keliro, Yesus berseru ampetn ongau waleq, “Lazarus, losek lah!” ⁴⁴ Senarikng yaq epuq mate iro losek, kami ampetn kenekyaq maseh genikat taliq kafan, dan boetnyaq maseh genaput robet kafan. Yesus biongau la ulutn, “Ngelepes robet-robet iro ete uhaq dan aga uhaq lepes.” Rencana Kalaq Munu Yesus (Mat.26:1-5; Mrk 14:1-2; Luk 22:1-2) ⁴⁵ Ulutn-ulutn Yahudi yaq empet tengua Maria, dan kitaq oon yaq denen Yesus, jadiq persaya la-Uhaq. ⁴⁶ Akan tetapiq, beberapa ete ulutn engko la ulutn-ulutn Farisi dan petauq ulutn oon yaq epuq denen  Yesus. ⁴⁷ Kerna iro, imam-imam kepala ampetn ulutn-ulutn Farisi enaq berinuk Sanhedrin dan biongau, “Oon yaq antekng denen takaq? Sebeb, Senarikng ohoq enaq deoq tanaq ajaib. ⁴⁸ Jika takaq terus ngebier Uhaq kiaq ohiq, sekorekng senarikng akan persaya la-Uhaq dan o ulutn-ulutn Roma akan empet kalaq ngerampes antai ohoq dan bangsa takaq.” ⁴⁹ Akan tetapiq, erai kongaq ete ulutn yaq tenaq Kayafas, yaq jadiq imam solai mo tautn iro, biongau la ulutn, “Ka beaw tauq oon-oon, ⁵⁰ ateupun mempertimbangkan bahwa lebeh bueq erai senarikng mate kalaq sekorekng bangsa etepadaq sekorekng bangsa binasa.” ⁵¹ Uhaq beaw nokai yaq ete diriq uhaq edotn, tetapiq sebagei Imam Solai tautn iro, uhaq bernubuat amen Yesus antekng mate kalaq bangsa iro. ⁵² Dan, beaw kalaq bangsa Yahudi ngauq, melatinkan lei kalaq ngumpur jadiq erai anak-anak Allah yaq tesebar. ⁵³ Lipes iro, sejak olo iro, ulutn sepakat kalaq munu Yesus. ⁵⁴ Kerna iro, Yesus beaw eso manan secara terang-terangan mo antara ulutn Yahudi, tetapiq Uhaq engko ete iro la wilayah diniq padekng belantara la erai kota tenaq Efraim; dan Uhaq nongko mo aro ampetn murid-murid-Uhaq. ⁵⁵ Bayaq saat iro, Paskah ulutn Yahudi epuq diniq, dan deoq  senarikng ete wilayah iro engko la Yerusalem semale Paskah kalaq menyucikan diriq ulutn. ⁵⁶ Lalo, ulutn elo Yesus dan biongau erai emeq yaq bali sementara ulutn jakat sua bait Allah, ulutn saling bekepenik, “Kelemeq menurut ka? Meq kah Uhaq sama sekali beaw antekng empet la perayaan ohoq?” ⁵⁷ Adapun imam-imam kepala ampetn ulutn-ulutn Farisi epuq ngelosek perentah bahwa amen erai kongaq tauq mo meq naan Uhaq, senarikng iro harus ngelaporyaq nadeq ulutn ngahan menangkep-Uhaq.