¹ Lipes sekorekng yaq iro, naan perayaan olo raya ulutn Yahudi dan Yesus engket la Yerusalem. ² Mo Yerusalem, mo diniq Pintuq Gerbang Domba naan erai kolam yaq sua bahasa Ibrani tenokai Betesda, yaq naan limaq serambi. ³ Mo serambi-serambi iro, naan deoq ulutn berotetn ada lokuq: ulutn buta, ulutn tempeng, dan ulutn lumpuh ( ulutn entiq danum mo kolam iro mengkeruuq. ⁴ Sebeb, pede saat-saat tertentu, malaikat Tuhen akan ili la kolam dan pegeraq danumyaq. Senerikng yaq pertama kaliq sua la kolam lipes danumyaq mengkeruuq, akan peneleheq ete rotetn oon pun yaq konaq mali). ⁵ Mo aro, naan senarikng yaq epuq beroten sekolatn 38 tautn. ⁶ Beraq Yesus kitaq uhaq lokuq mo aro dan tauq amen uhaq epuq olaq jerenih nahen meraraq, Yesus penik la uhaq, “Meqkah ko moyu peneleheq?” ⁷ Senarikng berotetn iro ngejawab la-Uhaq, “Tuen, aweq naan ulutn yaq pekili aap la sua kolam saat danumyaq mengkeruuq , tetapiq sementara aap berusaha, senarikng bali epuq ili nyemponaq aap.” ⁸ Yesus biongau la uhaq, “Jakatlah! Mengkatlah kasur ko dan mananlah.” ⁹ Saat iro lei, senarikng iro peneleheq, uhaq mengkat kasur uhaq, dan manan. Namun, olo iro adalah olo Sabat. ¹⁰ Kerna iro, ulutn-ulutn Yahudi biongau la senarikng yaq peneleheq iro, “Olo ohoq adalah olo Sabat, ko beaw kawa mengkat kasur ko.” ¹¹ Akan tetapiq, uhaq ngejawab, “Senarikng yaq peleheq aap, Uhaqlah yaq biongau la aap, ‘Mengkatlah kasur ko dan mananlah.’” ¹² Ulutn penik la uhaq, “Enceqkah Senarikng yaq biongau la ko, ‘Mengkatlah kasur ko dan mananlah’?” ¹³ Namun, senarikng yaq epuq peneleheq iro beaw tauq enceq Uhaq kerna Yesus epuq nyelinap ete senarikng deoq mo antai iro. ¹⁴ Lipes iro, Yesus beruku oliq ampetn senarikng iro mo Bait Allah dan biongau la uhaq, “Nyempaning, ko epuq leheq. Boteq enaq  dosa oliq nadeq beaw terjadiq hal yaq lebeh parah la ko!” ¹⁵ Senarikng iro ongko dan ngesah la ulutn-ulutn Yahudi bahwa Yesuslah yaq epuq peleheq uhaq. ¹⁶ Kerna iro, ulutn-ulutn Yahudi menganiaya Yesus kerna Uhaq enaq sekorekng iro pede olo Sabat. ¹⁷ Akan tetapiq, Yesus biongau la ulutn, “Tamen-Aap maseh bekerjaq sampei saat ohoq, makaq Aap pun maseh bekerjaq.” ¹⁸ Jawaban iro enaq ulutn-ulutn Yahudi berusaha lebeh waleq oliq kalaq munu Yesus, beaw hanya kerna Yesus melanggar olo Sabat, melaitnkan lei kerna nokai Allah sebagei Tamen-Uhaq sendiriq, reti yaq menyamakan diriq-Uhaq sendiriq ampetn Allah. ¹⁹ Lipes iro, Yesus ngejawab ulutn, tokai-Uhaq, “Sesungguh-sungguhyaq, Aap biongau la ka, Anak beaw ngahan ngerjaq sesuatu ete diri-Uhaq sendiriq, jika Uhaq beaw kitaq Bapa ngerjaq yaq; kerna oon yaq kenerejaq Bapa, iro lei yaq kenerejaq Anak. ²⁰ Sebeb, Bapa mengasihi Anak dan peteaw la Anak sekorekng esaq yaq denen Uhaq sendiriq, dan Bapa pun akan peteaw la-Uhaq pekerjaan-pekerjaan yaq lebeh solai eso nadeq  ka takjub. ²¹ Sebeb, sama kiaq Bapa pesuli ulutn mate dan nyeq ulutn bolupm, keliro lei Anak nyeq bolupm la enceq yaq dakatn uhaq. ²² Bapa beaw menghakimi enceq pun, tetapiq epuq nyeq sekorekng penghakiman iro la Anak, ²³ nadeq sekorekng senarikng akan menghormati Anak sama kiaq ulutn menghormati Bapa. Ulutn yaq beaw menghormati Anak, beaw menghormati Bapa yaq ngutus-Uhaq. ²⁴ Sesungguhyaq, Aap nokai la ka, ulutn yaq nyempaning ongau-Aap dan persaya la uhaq yaq ngutus Aap uputn bolupm kekal, dan beaw sua la penghakiman kerna uhaq epuq kale ete kematian la kehidupan. ²⁵ Sesungguhyaq, Aap biongau la ka, watuyaq akan empet  dan epuq empet sekareng, beraq ulutn-ulutn mate akan dingaq ongau Anak Allah dan ulutn yaq dingaq iro akan bolupm. ²⁶ Kerna sebagaimana Bapa uputn bolupm sua diriq-Uhaq sendiriq, keliro lei Uhaq nyeq la Anak bolupm sua diriq-Uhaq sendiriq, ²⁷ dan Bapa nyeq kuasa la Anak kalaq pekanan penghakiman kerna Uhaq adalah Anak Senarikng. ²⁸ Boteq heren akan hal ohoq kerna saatyaq akan empeq beraq sekorekng senarikng yaq naan mo sua lubekng akan dingaq ongau-Uhaq ²⁹ dan ulutn yaq epuq berbuet bueq akan losek dan uwat kalaq bolupm ya kekal, sedangkan ulutn yaq enaq kedaat, akan uwat kalaq genukupm. ³⁰ Aap beaw ngahan enaq oon-oon ete diriq-Aap sendiriq. Aap menghakimi sesuei yaq kenedingaq Aap dan penghakiman-Aap adil kerna Aap beaw elo pengakatn-Aap sendiriq, melaitnkan pengakatn Uhaq yaq ngutus Aap.” ³¹ “Jika Aap bersaksi tentang diriq-Aap sendiriq, kesaksian-Aap beaw benar. ³² Akan tetapiq, naan yaq bali yaq bersaksi tentang Aap, dan Aap tauq bahwa kesaksian yaq denyeq-Uhaq tentang Aap iro benar. ³³ Ka epuq ngutus ulutn la Yohanes dan uhaq epuq nyeq kesaksian tentang kebenaran. ³⁴ Akan tetapiq, kesaksian yaq Aap terima abaq ete senarikng. Aap nokai hal ohoq nadeq ka Senelamet. ³⁵ Yohanes adalah pelita yaq menyala dan naan ampap, dan ka kakatn  bersukacita sesaat sua ampapyaq. ³⁶ Akan tetapiq, kesaksian yaq naan mo Aap lebeh solai etepadaq kesaksian Yohanes. Sebeb, pekerjaan-pekerjaan yaq senerah Bapa la-Aap kalaq senolukng Aap, yaq iro pekerjaan-pekerjaan yaq sedeng denaq Aap sekareng, nyeq kesaksian tentang Aap bahwa Bapalah yaq ngutus Aap. ³⁷ Dan, Bapa yaq ngutus Aap iro sendiriq epuq nyeq kesaksian tentang Aap. Akan tetapiq, ka beaw pernah dingaq ongau-Uhaq ateupun kitaq umekng-Uhaq. ³⁸ Dan, firman-Uhaq beaw nongko sua asekng ka kerna ka beaw persaya la Uhaq yaq genutus-Uhaq. ³⁹ Ka belajer Kitab Suci kerna ka nyangka amen mo sua Kitab Suci ka akan ruku bolupm yaq kekal; dan Kitab Suci iro lei nyeq  kesaksian tentang Aap, ⁴⁰ tetapiq ka beaw moyu empet la-Aap nadeq ka bolupm. ⁴¹ Aap beaw terima kemuliaan ete senarikng. ⁴² Namun, Aap kener ka amen ka aweq uputn kasih Allah sua diriq ka. ⁴³ Aap empet ates nai Tamen-Aap, tetapiq ka beaw terima Aap. Amen ulutn bali empet ates nai ulutn sendiriq, ka akan terima yaq. ⁴⁴ Kelemeqkah ka ngahan persaya amen ka terima pujian ete eeai akan yaq bali dan beaw elo pujian yaq empet ete Allah yaq Esa? ⁴⁵ Boteq nyangka amen Aap akan mendakwa ka mo telamaq Bapa; yaq mendakwa ka adalah Musa, yaq iro ulutn yaq denarep ka. ⁴⁶ Sebeb, amen ka persaya la Musa, ka harus yaq persaya la-Aap kerena Musa nulis tentang Aap. ⁴⁷ Akan tetapiq, amen ka beaw persaya ampetn oon yaq tenulis Musa, kelemeq mungkin ka persaya ampetn ongau-Aap?”