Pasal 6
Okatn Nengkalaq Lebeh Ete Limaq Ribuq Senarikng
(Mar.14:13-21; Mrk.6:30-44; Luk.: Luk.9: 10-17)
1
Setelah iro, Yesus kotas Nohen Galilea, yaq iro Nohen Tiberias.
2
Senarikng deoq nyingkui Uhaq kerna ulutn kitaq tanaaq-tanaaq ajaib yaq denen Uhaq terhadep ulutn-ulutn berotetn.
3
Lipes iro, Yesus engket la Punan saikng dan mo aro beroh murid-murid-Uhaq.
4
Pada bayaq iro, perayaan Paskah ulutn Yahudi epuq diniq.
5
Samer neaw la sekeliling-Uhaq dan neaw senarikng deoq empet la-Uhaq, Yesus biongau la Filipus, “Momeq takaq ngahan moliq roti nadeq ulutn-ulutn iro ngahan man?”
6
Yesus nokai hal iro kalaq menguji Filipus kerna sebeneryaq Uhaq sendiriq tauq oon yaq antekng denen Uhaq.
7
Filipus ngejawab, “Roti seregaq 200 dinar beaw antekng sukup kalaq ulutn, sekalipun masing-masing hanya ngahan erai sebit keding.”
8
Erai ete murid-Uhaq, yaq iro Andreas, eraibutunkng Simon Petrus, nokai la Yesus,
9
“Mo ohoq, naan erai tiaq yaq oit limaq roti jelai dan duaq ikui kinas, tetapiq oon retiyaq iro kalaq senarikng sedeoq ohoq?”
10
Yesus biongau, “Siulah sekorekng senarikng deoq tuet.” Mo pede iro, deoq jikut, jadiq ulutn-ulutn iro tuet kira-kira limaq ribuq sookng jumlahyaq.
11
Lipes iro, Yesus alaq roti-roti iro dan lipes mengucap syukur, Uhaq ngebagiq roti-roti iro la ulutn yaq tuet; keliro lei denen-Uhaq terhadep kinas-kinas iro sedeoq yaq dakatn ulutn.
12
Beraq sekorekng ulutn epuq botikng, Yesus biongau la murid-murid-Uhaq, “Ka ngumpur sebit-sebit yaq tesisa nadeq aweq naan yaq dobet.”
13
Kerna iro, para murid ngumpuryaq dan ngisiq duaq beles keranjang ampetn sebit-sebit ete limaq roti jelai yaq dolak ulutn yaq solukng man.
14
Beraq ulutn-ulutn iro kitaq
tanaaq ajaib yaq denen Yesus, ulutn nokai, “Uhaq ohoq pasti Nabi yaq penejanyi antekng empet la dunia.”
15
Kerna tauq amen senarikng deoq iro berencana empet dan maksa Uhaq jadiq Raja atas ulutn, Yesus nyingkir oliq edotn uhaq la saikng.
Yesus Manan Punan Danum
(Mat. 14 : 22-27; Mrk. 6: 45-52)
16
Beraq olo epuq mulei malepm, para murid ili nujuq la nohen,
17
dan setelah engket sua alur, ulutn mulei kotas nohen nujuq Kapernaum. Olo epuq mulei denepm, tetapiq Yesus male lei empet beruku ulutn.
18
Nohen mulei bergelora konaq dolek yaq sangat waleq mensiup.
19
Lipes iro, beraq ulutn epuq mersiq alur sekoroq sekitar 25 ateu 30 stadia, ulutn kitaq Yesus manan mo punan danum dan mapakng la aluq sehingga ulutn sawetn.
20
Namun, Yesus biongau la ulutn, “Ohiq Aap, boteq takut!”
21
Lalu, ulutn kakatn pekengket Uhaq la sua alur, dan nyingke alur iro epuq empeq la ongok yaq tenujuq ulutn.Deoq Senarikng Elo Yesus
22
Olo kerumen yaq, senarikng deoq maseh jakat mo empai nohen kitaq bahwa aweq naan alur bali mo iro, kecuali erai alur maha epuq semua murid-murid. Namun, Yesus beaw nyang sua alur iro beroh para murid-Uhaq yaq epuq berangket edotn.
23
Lipes iro, empet alur-alur bali ete Tiberias la diniq antai senarikng-senarikng iro man roti lipes Tuhan mengucap syukur.
24
Beraq senarikng deoq kitaq amen Yesus ampetn para murid-Uhaq aweq eso mo iro, ulutn engket la alur-alur iro dan berangket la Kapernaum elo Yesus.
Yesus Adalah Roti Bolupm
25
Bayaq senarikng deoq iro beruku Yesus mo empai nohen, ulutn penik la-Uhaq, “Rabi, kapan Ko empeq la hoq?”
26
Yesus ngejawab ulutn dan biongau, “Sesungguhyaq, Aap nokai la ka, ka elo Aap beaw kerna ka epuq kitaq tanaaq-tanaaq ajaib, melaitnkan kerna ka epuq man roti sampei botikng.
27
Boteq bekerjaq kalaq elo okatn yaq ngahan binasa, melaitnkan kalaq okatn yaq ngahan betahetn sampei bolupm yaq kekal, yaq antekng denyeq Anak Senarikng la ka kerna la Anak Senarikng iro, Bapa, yaq iro Allah, epuq nyeq materai pengesahan-Uhaq.”
28
Lalu, senarikng deoq iro penik la Yesus, “Oon yaq harus tenen kaiq nadeq kaiq ngerjaq pekerjaan yaq dakatn Allah?”
29
Yesus ngejawab dan biongau la ulutn, “Ohoqlah pekerjaan yaq dakatn Allah: persayalah la Uhaq yaq epuq genutus Allah.”
30
Ulutn penik la-Uhaq, “Kaleu keliro, tanaaq ajaib oon yaq antekng denen Ko nadeq kaiq kitaq dan persaya la-Ko? Pekerjaan oon yaq denen Ko?
31
Datuq niniq kaiq man manna mo padekng belantara, kiaq yaq tenulis, ‘Uhaq nyeq ulutn roti ete surga kalaq dokatn.’”
32
Yesus biongau la ulutn, “Sesungguhyaq, Aap nokai la ka, abaq ete Musa yaq nyeq ka roti ete surga, melatinkan Bapa-Aaplah yaq nyeq ka roti yaq sejati ete surga.
33
Sebeb, Roti ete Allah adalah Uhaq yaq ili ete surga dan nyeq bolupm la dunia.”
34
Ulutn biongau la-Uhaq, “Tuhen, Nyeqlah kaiq terus roti iro.”
35
Yesus nokai la ulutn, “Aaplah roti bolupm; ulutn yaq empet la-Aap beaw antekng lauq eso, dan ulutn yaq persaya la-Aap beaw antekng lahatn eso.
36
Akan tetapiq, Aap epuq nokai la ka bahwa sekalipun ka epuq ruku Aap, ka tetap beaw persaya.
37
Sekorekng yaq denyen Bapa la-Aap akan empet la-Aap, dan yaq empet la-Aap beaw antekng pernah genusir Aap.
38
Sebeb, Aap ili ete surga beaw kalaq enaq pengakat-Aap edotn, melaitnkan pengakatn Uhaq yaq ngutus Aap.
39
Dan, ohoqlah pengakatn Uhaq yaq ngutus Aap: nadeq sekorekng yaq epuq denyeq-Uhaq la-Aap iri aweq naan yaq tawaq, melaitnkan penengkuat Aap mo ahir zamen.
40
Sebeb, oholah pengakatn Tamen-Aap bahwa setiep senarikng yaq menceruku Anak dan persaya la-Uhaq akan ngahan bolupm kekal, dan Aap akan pekuat uhaq mo ahir zamen.”
41
Kerna iro, beberapa ulutn Yahudi mulei bebeleu tentang Uhaq kerna Uhaq nokai, “Aaplah roti yaq epuq ili ete surga iro.”
42
Ulutn nokai, “Bukankah Uhaq ohoq Yesus, anak Yusuf, yaq tamen dan tinenyaq takaq kita kener? Kelemeq mungkin Uhaq ngahan nokai, ‘Aap epuq ili ete surga?’”
43
Yesus ngejawab ulutn dan nokai, “boteq beleu-beteu mo antara ka sendiriq.
44
Aweq naan erai kongak pun ngahan empet la-Aap, kecuali Bapa yaq ngutus Aap nepok uhaq, dan Aap akan pekuat uhaq mo ahir zamen.
45
Naan tenulis sua kitab abetn nabi: ‘Dan, sekorekng ulutn akan genajer oleh Allah.’ Setiep senarikng yaq epuq dingaq dan belajer ete Bapa akan empet la-Aap.
46
Hal iro beaw bererti naan senarikng yaq epuq pernah kitaq Bapa, kecuali Uhaq yaq empet ete Allah; Uhaqlah yaq epuq kitaq Bapa.
47
Aap biongau la ka, ‘Sesungguhyaq, setiep senarikng yaq persaya uputn bolupm kekal.’
48
Aaplah roti bolupm.
49
Datuq niniq ka epuq man manna mo padekg belantara, tetapiq ulutn mate.
50
Ohoqlah roti yaq ili ete surga nadeq setiep senarikng man yaq dan beaw mate.
51
Aaplah roti bolupm iro yaq epuq ili ete surga. Jika ulutn man i
roti ohoq, uhaq akan bolupm selamayaq; dan roti yaq akan denyaq Aap demi bolupm dunia iro adalah unuk-Aap.”
52
Ulutn-ulutn Yahudi mulei tantekng erai ampetn bali, ulutn nokai, “Kelemeq kawa Senarikng ohoq nyeq unuk-Uhaq kalaq dokatn?”
53
Yesus biongau la ulutn, “Aap nokai la ka, sesungguhyaq amen ka beaw man unuk Anak Senarikng dan pisep daya-Uhaq, ka beaw uputn bolupm sua diriq ka.
54
Setiep senarikng yaq man isiq-Aap dan pisep daya-Aap uputn bolupm kekal, dan Aap akan pekuwat uhaq mo ahir zamen.
55
Sebeb, isiq-Aap adalah okatn yaq sejati dan daya-Aap adalah isep yaq sejati.
56
Enceq yaq man isiq-Aap dan pisep daya-Aap nongko sua Aap dan Aap sua uhaq.
57
Kiaq Bapa yaq bolupm ngutus Aap, dan Aap bolupm oleh kerna Bapa, keliro lei uhaq yaq man Aap, uhaq akan bolupm kerna Aap.
58
Ohoqlah roti yaq ili ete surga, beaw kiaq roti yaq dokatn datuq niniq ka dan ulutn mati, senarikng yaq man roti ohoq akan bolupm selama-lamayaq.”
59
Yesus nokai sekorekng yaq ohoq mo Kapernaum saat Uhaq ngajer mo sinagoge.
Deoq Murid-Murid Molak Yesus
60
Beraq deoq ete murid-murid dingaq hal ohoq, ulutn biongau, “Ajaren ohoq terlalu tokekng. Enceq yaq sangup nerimayaq?”
61
Kerna tauq amen abetn ikui-Uhaq beleu-beteu tentang hal iro, Yesus biongau la ulutn, “Meqkah ongau-Aap ohoq enaq ka tersinggung?
62
Kaleu keliro, kelemeq amen kitaq Anak Senarikng engket uli la antai aser-Uhaq?
63
Rohlah yaq nyeq bolum, sedengkan isiq aweq gunen sama sekali. Ongau-ongau yaq tenokai Aap la ka adalah roh dan bolupm.
64
Akan tetapiq, naan beberapa mo antara ka yaq beaw persaya.” Sebeb, ete tematn, Yesus tauq enceq yaq beaw persaya dan enceq yaq akan mengkhianati Uhaq.
65
Yesus biongau, “Irolah sebebyaq, Aap nokai la ka amen beaw erai kongaq pun ngahan empet la-Aap, kecuali hal iro dikaruniakan la uhaq oleh Bapa.”
66
Sejak saat iro, deoq ikui-Uhaq mengundurkan diri dan berenti nyang Uhaq.
67
Kerna iro, Yesus biongau la keduaq beles murid-Uhaq, “Meq ka pun kakatn kaduq?”
68
Simon Petrus ngejawab Uhaq, “Tuhen, la enceq oliq kaiq antekng ongko? Ko lah yaq uputn ongau bolupm kekal.
69
Kaiq epuq persaya dan kener Ko, bahwa Ko lah yaq Kudus ete
Allah.”
70
Yesus ngejawab ulutn, “Beawkah Aap edotn yaq meli ka, duaq beles kongaq ohoq? Waleu kelirod, salah erai ete ka adalah Belih.”
71
Yaq Uhaq maksud adalah Yudas, anak Simon Iskariot, sebeb Yudas adalah salah erai ete keduaq beles murid iro, tetapiq uhaq antekng mengkhianati Yesus.