¹ Mu kuecela Kilistu ua tuecelele. Ngoco vene imaneni na ndhili, keti muhilukile ku mukambo ua vundungo. ² Taleni, yange Paulu, nji mileka nguange nga ulihana linga ulovoke, Kilistu kethi na theho kuli yeni lalo. ³ Ange nji ambulula vukaleho kunkala muntu ali hana linga alovoke ikeye napande kuniunga mashiko oshe. ⁴ Eni muna hangunuka kuli Kilistu, eni vava kathambuetha ku mashiko muna tundu ku kavumbi. ⁵ Mukemo haMpundi, mu lutsilielo, tuna tatelela na ndhili muku tsiliela mu vucili. ⁶ Muli Kilistu Yesu nambe kulovoka nambe vulima kuci lingi cimo, vunoni kuthselela cipanga kuhitila mu cilemo. ⁷ Eni muashangumukile vuino. Iya ua mivindikile linga keci muthingimike vucili? ⁸ Cishoti cino ku ca tundile kuli uje ua mithanene ⁹ Kahingo kakandende kafutumitha muakama. ¹⁰ Njili na lusilielo muli Kalunga linga keci muthinganieke vieka. Nkala umo uje a kamihana kalua a kayanda ha cithompelo kuoshe kuali. ¹¹ Vamunanana ange kanda njambulula kulovoka, mukonda vika ange nolo kanda vanjiyandetha? Ambe ngoco coua ca cilindakano cina tunduko. ¹² Ngue ovo vami tanganetha, njina thinganieka vali vatule avo vavenia. ¹³ Kuli yeni va mithana ku kuvutuka, vamunanana. Vunoni keci mupangethe kuvutuka kueni mungila yavantu, kuhitila mucidhango kuli kuatha ku umo na mukuavo. ¹⁴ Mukonda majui alishiko va ashulitha mulijui limolika; "Una pande kuyongola mukueni ngue ove vavenia." ¹⁵ Vunoni nga mulishumanga nakupanga ngodhi umo namukuavo, vingileni linga keti muli tanganethe umo na mukuavo. ¹⁶ Vunoni ange nguange, endeni mu Mpundhi kunahu kumu kamuambata lishungu lia vuvi lia vuntu. ¹⁸ Muomu vuntu vu vindika Mpundhi na Mpundhi ivindika vuntu. Kuli evei vili na luodhi umo namukuavo, keci mupange vimantu vije vimu na yongola. ¹⁷ Vunoni nga Mpundhi ya Kalunga ikutuamenena, keho kumuethi ku majui alishiko. ¹⁹ Ngeci vipanga vianthitu via jomboloka: vikuidhi, madhilo, mashungu akuviha, ²⁰ kulemetha mahamba, vulodhi, vundungo, kuli kuania, lifuua, vukalu, kulitepetha, kulihangunuka, kushangumuna, ²¹ kuliveya, kupenda, muyoyo ua kuviuano, na vimantu viaku lifua nevi. Nji mi nangula, ngue omo nja minanguile laja, ngecije voshe vekivi linga ovio kuva kahingi vumuene vua Kalunga. ²² Vunoni muhako ua Mpundhi ukeuo kakondhi, kujolela, ciyulo, lukakatela lua ngodhi, ngodhi, vuhuanga vuacili, ²³ kukonkama, kulipokuetha, ku kuethi majui akishiko a vindika evi. ²⁴ Keho voshe vanapu vakua Yesu Kilistu va na shukika vushitu hamo na vidhango na mashungu avuo. ²⁵ Ambe tu kala mu Mpundhi, mu Mpundhi lalo tuenda. ²⁶ Keci tuli tuntuole na kulishangumuna umo na mukuavo nakuliveyela umo na mukuavo.