¹ Eni vaka Ngalata mu matha! Iya nami shungumuna? Ca kele kumesho eni va venia Yesu Kilistu vamu jombuelele naku mushukika. ² Evi lika vikevio nji yongola kuli longetha kuli eni. Mua tambuile mpundhi ha vilinga via majiu, amashiko, ndi hakuvua vihandeka viaho via kathselela? ³ Eni matha? Ngoco honi omu muna shangumuka mu Mpundhi, mualolo muka vimanetha na muvila ndi? ⁴ Mua yanda lumo vilinge via vingi mu ngoco nga vikevio via vungoco? ⁵ Ngoco vene uje uekumi hana mpundhi naku panga vikomouetho mukati keni, ue kuvipanga ku vipanga via majiu a lishiko ndi mu kuvua ku kuthselela? ⁶ Ngue Avilahama ua "thselelele Kalunga, vamu tandelele ku vucili. ⁷ Mungila ije vene, dhivukeni lalo, nguavo vaje va thselela vakevo vana va Avilahama. ⁸ Mu mathona, mukumona kulutue ngua o Kalunga a ka thambuetha vakua mafuti ha kuthselela, vi va ambuluile mudhimbu ua cili kuli Avilahama, nguavo, "Muli yove minyati yoshe ika vedhika." ⁹ Hakeho lalo, vaje va ka kuthselela va vedhika kumo na Avilama, mumala ua ku thselela. ^{10 11 12} Muafua voshe va li ku vipanga via majiu a lishiko vali muinthi lia cithingo, mukemo muva thoneka, "Ua kuthinga uje uoshe ka kala mu mathona oshe ava thona mu livulu lia lidhi lia lishiko na ku apanga. Hano, tuva voshe tuna dhivuka nguetu na umo uahi aka thambua ¹³ Kilistu ua tuohielele ku cithingo ca majiu alishiko omo ua lipuithile cithingo omo lietu. Mukemo vana thono nguavo, "Uakuthinga ou uoshe ali shukika ku citi." ¹⁴ Ngoco mukemo vivedhikiso via Avilahama vija ku vakua mafuti muli Yesu Kilistu, mukemo ha kuthselela tu uane litavathano lia mu Mpundhi. ¹⁵ Vamunanana, nji kuania ngue via vuntu. Nambe ngoco nga muntu a haka litavathano ku majiu alishiko, na umo uahi a ka litunditha mukudhimangana nambe kuvandakana ko. ¹⁶ Ngeci kuli Avilahama vavi kuaniene via litavathano na kumbuto yendi. Keti nguavo, "ku vimbuto vendi" ku tumbula vavengi, vunoni ku umo," naku mbuto yove," ou ikeye Kilistu. ¹⁷ Ngeci vinji handeka vino, Majiu aLishiko, akeo e dhile kunima ya miaka vihita viuana na makumi atatu(430) kovathele kudhimangana kuliuvuathana lije lia hakeleho laja Kalunga. ¹⁸ Na vusuana vu keja na majiu alishiko, hakeho kuvu keja ha liuvuathano. Vunoni Kalunga na vufungila Avilahama haku liuvuathana. ¹⁹ Keho vika viemanenaho ya majiu alishiko? Va vandakanene muomu lia milonga, noho kumbuto ya Avilahama uje a keja kuli ikeye liuvuathano vali tungile. Lijiu lia lishiko va lihakele mundhili ya tungelo mukupua livoko lia lihako. ²⁰ Navuno lihako ikeye uapuile kutuvakana muntu umo, vunoni Kalunga ikeye umolika. ²¹ Umba co majiu a lishiko a vindika vati liuvuathano lia Kalunga? Keti mukemo! Muomu nga hanakele majiu alishiko na akeo ana thalela kuovola. Cili vene nambe kuvuaha kuija na majiu alishiko. ²² Vunoni hamathona kuli vaje vana shoko vuima hamilonga. Kalunga ua vipangele evi linga liuvuathano li kovole ha kuthselela muli Yesu Kilistu vaka lihana kuli vaja vathselela. ²³ Haje kulutue cije kutselela luije, etu vatu kutile mu kamenga mu majiu alishiko noho lutsilielo luka jomboka. ²⁴ Ngoco vene majiu alishiko ana tupuila mulongishi uaku tuneha kuli Kilistu, linga tu thambue haku thselela. ²⁵ Vunoni mualolo hakuthselela cinenja, kutuethi naua muinthi lia mulongithi. ²⁶ Muomu eni muva voshe vana va Kalunga hakuthselela muli Yesu Kilistu. ²⁷ Mukemo vavengi vaje mua limbuitikile muli Kilistu eni vavenia mua dhalele Kilistu. ²⁸ Uahiko kaYunda ndi Kangelengu, uahi ko ndungo cipue ndi uakudhituka, uahi ko mumala ndi mukenti, eni vuva voshe muvamolika muli Yesu Kilistu. ²⁹ Ngoco nga yeni muvaka Kilistu eni mbuto ya Avilahama,na vasuana kushuama ku liuvuathano