¹ Akha pheakhe, meyea riyayembe wayembe Arai naei eisa nendamayea meyea phorougokhe menyea nephei wanengma mai umekhai harangnephombe Arai nakhenare khole wali nephei mekhaijemo. ² Nepheinye, meyea iseyembombe mokhombe rahephe meyea mare wayembe Arai neainya. ³ Nephei,Arai neai khenare khole : nikhi pham khanau pham; mauga felandeyea wemembe nephei pheko nolora; ⁴ meyea nemene iseyembombe nendama yea mai uga harangnephombe wemembe nephei niki khanaunolora wali onomi honomi . ⁵ Melea wakhe neyea pham nda romiyea neisa Araise iseyeiphoijo, ⁶ nda romiyea ndeyea Araise asase okhokoi meyea nanemene neai akha phekere nda mekaisa , nebhei Arai ja phenensombe nemene fomene, nanemena mare ukayembe namemang ye meyea isai ikayembe ,kholi weli pheleyea . ⁷ Arai nanemene khaneumi nephei niki khanaufa wali onomi honomi ,niki pham khanau pham ma. ⁸ Ndeyea nei akho feukho kinyembonde nephei Arai nei uga nda romiyea nakhenane Roh yennende . ⁹ Nephei phe, nda akha peakhe foi phe ,mere kheleukokhe kayephe mare wali yoyo mama. ¹⁰ Meyea nemene me foi ufoi mokhaugokhe mai akha paekhe Makedonia yore .meyea riyayembe mayea nanemene nanaheleyea mokhombe. ¹¹ wali nanaheleyea haranembombe, umekhai menehombe mamena unaye mokhombe meyea mare wayembe. ¹² mai wali phenehombe nanaheleyea rophe miyea phene mai une wane khoupham khalopham. Arai Neai Jane ¹³ Akha paekhe,meyea khena pham hele,mayea isayeibhoi romiyea heraipokhe yo ,mai khena pekho kauge romiyea hilapham rabopham mekhai. ¹⁴ Mai hila rapho nanaheleyea Arai na khelu mbaise herekhe pheneng waleugokhe, nahila rapho nanaheleyea Araise henyele nei khenane heraipokheyo anaiyunde Araise nembanye. ¹⁵ Meyea wayembe mare Arai neai akho feuko walire nekhondeyare ,neaija mendeyane heraipokhe yo naphemere anayunde Araise mbainye . ¹⁶ Arai nei anggeng nekheisa onakembonde ,aming ranende, nei phuyo ayo aming wakhuyea ranenate romiye heraipokhe yo na phere hele ananyunde. ¹⁷ Nepei samo,romiyea walina yore yawengminde manggo ranya randa Araise huphainate. ¹⁸ Nepheinye ,wali khena phuyemo nekhemale.