¹ Nebheinye, meyea mea khena u heraweibhoi kowande, meyea nanembainye hokhandekhokhe wiyea wembaijea Atena ne nekhele, ² Timotius, Allah na khaliyare mokhole khiyea, neai mekhai neai khahili-khahili Injil Kristusle khaliyare mokhande yobhele, ware lea yeayete ausaei wayete nane mekhai wa hila rabho lea mo hebhele, ³ miyae hi ha ekhusekhoi, nda bhulo fela nalone. Rahbine bham, mayae masaei eyea nanemene hubha mandere. ⁴ Nebheinye, manggele mbainye nekhewande, meyea nehibi-hibhimo mareyaugayembe, eyea bhulo fela nahibhimo hubhamande, meyea masei nekhembe, aei wali ne bhenate yakhanate. ⁵ Nebheinye, riyea rauga eheraweibhoi, nebheinye riyea ukanale maei bhokhore ikhe maei hila rabhore iseayerebhondere. Riyae bhuhe hokoufe rabihine bham, nendong walobo yea mende wabhenensimbe meyea reniyai rai nda akho feukho huweyembe nendongne enaijembonde bhele. ⁶ Nebhei bhe, nda he Timotius weai bhokhora nekhewole bhe, bhefokhe meai bikhore mekhe, weai hila rabho, wa khena bhuhae meare mokhame, nebhei a fau bhe meare mekhe weumi, rabhine bham, weyea wa ubhene ne meai foi moibhe nekhayete, neai mekhai mbai khena khoyea meai bhele hubhamaikondere, nane mekhai mbai meyea khena khande wanggele hubhamaikondere. ⁷ Nebheinye, akha baekhe wali khouge khalone bhulone felane, eyea rei mai hubhamande, mayea hila rabho elea yeumelene. ⁸ Nda he, eyea wali nekhande rabhine bham mai wali bhe Tuhan le enye mo nekhembe. ⁹ Nbheinye, rahe helemfoi mayea, meyea Allahre imandere, maei walira, raheyea imandere rei mai aei waline hubhannele Allahle bhene. ¹⁰ Rei mai rai meya ebheli khali bhayete meyea wanggele hubhai makhondere nane mekhai hikhamayete haramayete weai hila rabho hkalo molotera. ¹¹ Nda hera, Akho hena nenaijea, Yesus, aei Tuhan meai nibhi a ei ammibhonde weai bhokore emale. ¹² Akho hena Tuhan yea mare ei haugembe, khukui mea mea, khena buhea ese mese, rore miyeare, akhare bhakhere hemamile, nebhei mekhai mbai meyea mare mokhayembe. ¹³ Akhohenayea wa khena u lea wakhe inyete, olomo bham narulu bham mea, na yolo yolo yea akhohenale bhene Tuhan Yesus bhennohonde mendere, ra romiyea na akho faukhore einye nekhate yore yawemibonde enate yohena yone enainyekhonde.