¹ Aka beake meyea maibokore mekande nendong bam. ² Nebheibe maye beko bere hubaimihike masei nekembe Filipi yone meare a wewe ye kowaimi, pheko helem hubaiwande nolora Injil Allahre huwmalere Allah nenaijea lewakhe ikeume. ³ Neikhena phe khaya foijea hebemale romiyea khena huluibam. ⁴ Allah khena heumikokhe Injil mai mereyea ikeume, Allah neyea ei khena ereyeumine nei kenaphe kaya foi jea hephemale, romiyea khena huluipham. ⁵ Meyea mai phokore a yuyu a mokoi-mokoi jea emei Allah nasei sele. ⁶ Mayea nde-nde yea mare phumare erembulembam meyea rasul rasul Kristus manggele kholomanggonde. ⁷ Nakhe miyea nafare merang pheare rangne nimene yeuge anele mayea bemansonde mainyolore nimea habaye nekembe ⁸ mai khena buhe mare injil Allahle hulunye mo bham, maei u nare puhea khabang hele yembene. ⁹ Nebhei phe akha peakhe maye iseyaubokhe, hiwa yore ehe pukhulure eyei, reniyai rai nda me u Injil Allah mare wayembe. ¹⁰ Mayea saksi-saksi, Allah yolo-yolo nahele nikibham kanaubam, ma nahelere elaukokhe maye mai nolone nekende. ¹¹ Isayaubokh, bembaye mare isai khabang khena foi ufoi, nekhoyea nafafare weumima. ¹² Allah nei khena yea mare kanenggokhembe nayo hena mokougehakhe eise embere, nebhenye nakhenare kole huluijea nekembe. ¹³ Allah nare helem foi wangnele mayea Allah nahomo fea kilaubokhe ronei miyea neai huluinye bham, Allahle huluijea me bhobo kilaukokhe nahaleyea elaukokhe nolone. ¹⁴ Yesus kristusle eisa Yudea yone mekhate u mekhai erabuhine bham Yehudi neinya bekho huphanghike. ¹⁵ Yesus na Nabi phele haikokhe, meare hukhaimihike romiyere ikeleyea khaimi Allahle kena bekho makainya. ¹⁶ Yohina yore Yahudi yobham a nanggele elenate mare meare heyea folaime eraphuhine pham nepheijo wali hena enaijaronde phelene. Paulus Khena kowole Pheneng Tesalonika Yore Pensondere ¹⁷ Akha peake nda u nolofo hului jae nda he khaye wahendekokhe, Roh huluinye bham, nepheiphe mare hubaimakondere mai khena khabangsele, ¹⁸ Reyea Paulus ,rokhoye-rokhoye maibokhore erelere isarawanale bae Iblis bera he foloyele. ¹⁹ Meyae niyea, rabho halese, reimaise, hubamokookhe Tuhan Yesus mende Yare. ²⁰ Mayae niyae maei hili akau reimai.