¹ Akha neai baekhe Neai wondonde mende yare hure nda homone omoloi. ² Erabuhinebang, mayea masei isayaubokhe hele meai mende ya yokho mekai reniaja mende. ³ Romiyea elate"Onomi foka" miyea hiyaungge khole maye, bekho bakho menjembonde, ahire ehakhakoi khonate. ⁴ Nebhei bhe mayea ogeng nolone nekembene nebhei yo ma ure yokhoma yea mende. ⁵ Mayea maengelebang mayea nemene ahehe fafa. ⁶ Rahene bham, eyea romiyea hiwayo jonggu honate ma ohonoijea wali khaya einye nekhemale. ⁷ Romiyea kheuge bhuli na yo bhele reniai joggu honateyo. ⁸ Nebhei mekainye uga haramambonde ahehe fafa mekhaijea, fela malo hiremakhonde, lea wake bhuhe hesei rabho halei ijokho wali henare yea. ⁹ Allah aere bekore bhemaleneai elekoi, Tuhan Yesusle esa wali henare emayarondene. ¹⁰ Aei arene hereke nebheinye jonggune honomale, kayane hebemale nanggele nekhemale. ¹¹ Nebheinye, mainolone wali esakho mesakho, lea wakhe me mbainye kilengombe. A huba mokokoi naei Onomi ¹² Akha beakhe mainolona me u laere mokate yo, yaugafe yawayembe yo, a useise wayembe yo meaye riyayembe nebhei yore bhe hinengmiyembe. ¹³ Nebhei ure mokhate yore febele khenabuhe bhele nahele-heleya mokhombe. Reimai hire faei; mainolone nekembe. ¹⁴ Mare bhere bhere yea hurayembe akha baekhe nendong maleu enekheyate yore a usei weumiyembe khena melea nekheyate yore lea bharamiyembe lea bham yore hakomiyembe, romiyea nemene khena haba yea nekhemembe. ¹⁵ Ijokho erembe, bhekore mokhate yore bheneng bhekoye omokoijea, khena habaye me u ndere ndere foinyaei mainolone mokombe. ¹⁶ Retei mai-mai nahibiyea mo. ¹⁷ Ebheli nehibiyea mo. ¹⁸ Foinye bekone helemfoi jae elembe rahenebanm, Kristus Yesusle einye Allah nakena nebeimekaijea kole. ¹⁹ Roh ekebheijea ²⁰ ane faefe nulanyekokere are ereijea. ²¹ Nebhei bhe buhi wahi yakhanate umali bele yea foi kiye mebhobo yea kilenggombe ²² bheko nolore enakelei jea, ²³ nebhei mekainye Allah nenaei jae bunime bu yolo-yolo nemene rilembe,onomi reimai ubulure kena ei u eise rilenembe .erabuhine bham : aei Tuhan Yesus Kristus mendeyane ma u onomi yarombe ²⁴ neyea mare khanenggokembe kiyea ijeng, nenaeijae mokhonde yakhanate. ²⁵ Akha bakhe,ebeline bhonele ya manggeleyae riyembe ²⁶ naeinya bhunime bhele, maeinya afoi faeu foi nemene weumile ²⁷ aritiy khabam riyamale Tuhanle ro eisa nda homo aka baekhe nemene khominggombe. ²⁸ Onomi reimai aei Tuhan Kristus Yesus ei haungembe.