¹ Yeeso do̱o̱sə, zemazi n pu do̱o̱s'kənde Ìi uri ipu ari de'ete iya Ì le'ek werk pai sei ina ogapu gwanta Billət zakre naa gɓam, ² de' ublut bamro Yeeso pe', aBiturus naa Yakubu naa Yohana sə Ì de̱g ge' gɓiikakre, naa gwani sei az muga ullok Ìire mu'ka ³ sei yalina ullon sekəm sə yere bunnun, burkaa ullok haa ar ko̱o̱ anya burkaro delloro̱o̱. ⁴ Sei Iliya zaa Ì gɓesirə mu' ipu pak re naa Yeeeso , ⁵ Biturus Ìise Yeeso ge̱e̱ dangwanz go'gon ni a pin ang ak a̱ go'ro nu'te taree, a̱ go'ro mulo nok mo̱o̱, mulo nok Musa, Mulo nok, ge̱e̱ mulo nok Iliya. ⁶ Nok Biturus mee ina do̱o̱kkan pa kubrubaiya roi yas ser kamsi, ⁷ sei koli Ìi tiite sə Ì ku'sə sei Ì gwe̱e̱ gwəra, ke̱tte kollizzə te'kka waza miinde n Ìinupaz geenu ⁸ ara Ìi pin ekiro Ìi og ko̱o̱ maz naa ìipa sei Yeeso gwan muzo naa ii ⁹ De' ipu tiiyikre ge'ekirə do̱o̱sə bonge ka̱ ina do̱o̱sə ko̱o̱ maz ina Ìi og'gan pa. Sei ublaa Ìi ogun wa̱a̱ maz Ìi ruusunk puk, ¹⁰ sei Ìi da̱a̱ paka ro̱o̱k gwanirətemtiro sə Ìi wi'gis gwanire te'kka ni ru̱u̱kaa werkek gomnak. ¹¹ Se Ìi de'su nok an sə biibai Ìi do̱o̱bnge sei Iliya na ma'te zaka ya? ¹² sei do̱o̱seə ge̱e̱ zemazi Iliya zə ma'ak zaka sə bissik ko̱o̱ anya: ¹³ ama n pu do̱o̱səkinde Iliya za̱a̱ Ìi bo'ro ina go̱o̱sin ullo pa̱a̱, ni paka tingkak do̱o̱ ullo pa̱a̱k. ¹⁴ De' Ìi ge̱te ara kurubai uri Ìi piinak ro, Ìi o̱g bansa mari Ìi ko'sə pu, biibai ipu səngkingkarə naa Ìi. ¹⁵ De' bansa mariye eyi Ìi o̱g Yeeso mesəm kami ket; Ìi nog Ìi re̱e̱ ullo sə Ìi de̱su wessa. ¹⁶ Sei des kubrubaiya ulloi Ìi səngkin naa Ìi ande pa̱a̱ ya? ¹⁷ sei muzo bansəre te' Iisu ge̱e̱, lamz n kamta waza miiz puna zama le'nu pakam, ¹⁸ ara ruusunuk ro sei gɓasu butto, sə ke̱e̱s pokti su'ro, sə təw nu' sə bən kos. n Ooro kubrubaiya mooi ina ke̱e̱susu, ama Ìi le'pa. ¹⁹ sə Iisu bonge Ìi mariya denade̱i eska temteya Ii pisənpai, haa bena n gak naa Ìiya haa bena sə n bo'ok timr naa Iiya. Kamtunu mirə ²⁰ sei Ii kamtu wazzi, de' zama ro̱o̱m og Yeeso, ni ungba no'rak zammi 'ɓa̱aw. Sei wazzi kase butto sə pokti Ìi ke̱e̱te su'ro. ²¹ Yeeso des daa ulloz bena sə puri'ariya? "Daa ro̱o̱z dosu ge̱e̱ diga dingnaa ullokrə. ²² Ubbla ukaro me'musu ri'eri ko̱o̱ marirə te' subo wo'gusu. Mona le'eklən sə mona bo'ruk una, ogum yirku saa po'e." ²³ Yeeso do̱o̱sə bonge ina "Ina le'eklenge? ko̱o̱ anya bo'rungka bon ura esə timrazze." ²⁴ Ni ungɓa norak daa waazirəz ge̱e̱ sə do̱o̱. n esəpu tim po'əme. Lekka eska timra miil, ²⁵ de' Yeeso og bansa mari, sei bi'sə zammi gee, mo̱o̱ zama a̱le'ek pakpam n bi'sa ke̱e̱təm ullo kaa ge̱ə a̱ tor ullo zokrə pa." ²⁶ Zam go̱o sei ɓa̱'as wazzi wessawe' sə ke̱e̱gəs. Mazzi goo ura weraz, haa mari gengga Ii doo bonge werapu. ²⁷ Ama Yeeso kamu na'rə sə ruusu, sə wazzi ruuto paa. ²⁸ De' Yeeso tor gwa' Ì deu kana rə fe' nok anni sə 'e le' ke̱e̱səka paya? ²⁹ "Sei dosə ge̱e̱ neta ri'at ke̱e̱ zukpa sei na werək ³⁰ de' Ìi ruu eri, Ii ri'ge Ìi ko̱o̱na Galilik. Yesso Ii ko̱o̱ maz kana me̱e̱ ara bo̱ pinnak pa, ³¹ nok pu ge̱e̱ kubrubaiya ulloirə dosə ge̱e̱ Ii esək waa maz marirə na'rə, bən ge̱e̱ sə Ii igpunuk. Ina ipsupu, ublot taate, Ii ruusuku ³² ama Ii megəsik paka ro̱o̱k pa. Ser kami deskarə. ³³ Ìi zaa kafarnahum de' pu gwa' sei des kubrubaya ulloi ge̱e̱, Ì singkənte an ində te' bilaro paaya? ³⁴ "Ì kaapa, nok Ii singkən gwanirə te'ka billaro, ne̱e̱zi gɓiizəz Ìire te'ya? ³⁵ sei gau dii sə deri komna naa ittəke sei dosə ge̱e̱. Ko̱o̱ne̱e̱ya na' Ii gakɓa waza se̱e̱nzaz sei na gən pu zura ullol sa'ka seniyayrə yas ³⁶ sei pe' waa waz sə de'su gwanire te' sə pe'ew bigana'rə, sə dosə ³⁷ ko̱o̱ne̱e̱ya na kwe waza az na ri'ra miil ur bən kwesə pu mii, ge̱e̱ ko̱o̱ne̱eya kwe̱e̱ mii, kwe̱e̱ mii kottopa, ama ura tomtəz ³⁸ Yohana do̱o̱ su ge̱e̱ "Lamz" e̱' òg uza ke̱e̱sək zamrə naa ri'ra mo̱o̱l sə e̱' ro'nu nok duyepa. ³⁹ Ama Yeeso dosu ge̱e̱, kai ro'nu pa nok neya bo'ro ina mesəmrem naa ri'ra miilal, pak zam miirəpaapa ⁴⁰ nok ko̱o̱ne̱e̱ya gwa' ke̱e̱ris naa a̱a paz punaa a̱a, ⁴¹ ko̱o̱neya esa mammaz sa̱a bo'oz nok danggwanzzi zemaze' n pu dosəkənde, punaa faasima ullom paa ⁴² ko̱o̱neya bo'sə yanggiya ye'kiyay Ì esə timr miire ai, sə ina kasə ar an Ì doksu billa naar dukro sə ina kosu gɓənaro. ⁴³ Na'a moi ina kangɓakan sə mona bo'ruk hakkei, ɗe'səmi, aska an ara a̱ torkən gwanta Billətte naa na' mukok, naa ara a̱ torkən ra' ɓamka piipak naa nat itterit. ^{44 45} de' a̱ mook na kangɓakan sə a̱ dew ɗe'səm aska an ara a̱ torkən gwanta Billət na de' mukko, naa ara a̱ torkən ra'rək, ra̱a ɓangɓa piipak naa denta mo̱o̱t itterit. ^{46 47} Nora mool na toskaton sə mona bo'rə hakkei ke̱e̱səm, aska an ara a̱ torkən gwanta Billətte naa nora mulok naa ara a̱ torkən ra'rimska piipakrə naa no'a̱ moi ittəkik. ⁴⁸ Ara gariya Ìi Ì werəng pakrə ra'a̱ Ìik boo rimpa ⁴⁹ Naa ra' sə Ì ra'sək koo neya ni Ì ra'sən in naa mandak. ⁵⁰ Manda ina wessanni, ama na markən pu naa tingtəma ullom a bo'ok riga sə gəə wessaya? gam naa manda inde te' sə Ì gɓaakən inde te'.