DCS-Mirror-pungs6th16_ver_mrk_text

MARKUS 10

¹ Yeeso da̱a arki sə ri'gə buta Yahudawairet, ga'sa womaa Urdunnakrə bansa mari Ì zaa ullo gebən sə kubrusəni ni Ì keesinnak, ² Farisəyawai Ì zaa ullo sə Ì desu go'gon maz na fas kiiza ullozya? desa as nok səbo gwegu. ³ Sei Ìisə gee Musa gə doosun anya? ⁴ Ì doosu gee Musa Ìisapu maz na biisə kiiz rababaazza faksəka kiimrəz ⁵ Yesso doosi gee nok wengka timteya Ii sə Musa biisən pakki ⁶ ama diga ma'kka go'rəka dellə Bill go'rə ya'az naa kitakiiz ⁷ nok'rik maz daak da̱a ulloz naa mayya ulloz sə mapsə kiiza ullozzə, ⁸ iya ittekə eyi Ì gak gala muko ⁹ nok rik ina Bill daksapun maz kana fakspa ¹⁰ de' ipu gwaagirə sei kubrubaiya ulloi Ì desu paka ekiro, ¹¹ doosə gee koo neya fas kiiza ulloz sə kam kiiz uzaz bo'rə laatərri naa ur. ¹² Koo kita kiiz na daa ya'za ulloz səna ɓəə ya'az uza bo'rə latərri naa ur ¹³ mari Ì kamtə yanga yangi nok səna po'gi ama kubrusbaiya ulloi Ì bi'si, ¹⁴ de' Yesso og ri' baar sugu Ìirə, daan yanga yangi ina zaa miirə kai ro'ni pa nok gwanta Billət a̱ Ìirettə ¹⁵ zəmazi n doosən neeya esə timraullol ni yanga yangiya aipak torək gwanta Billəttə pa ¹⁶ sei pe' yangiya eyi gwandə na'rək sə sə'si. ¹⁷ de' ma' ri'gətta ullot, sei maz uza noktə ullo sə desu gee lamza wessaz n bo'rik an sə n kine gwanta Billət ya? ¹⁸ Yesso doosu gee nok an sə a̱ dere mazza wessaz ya? sei neeya wessaz piipa sei Bill. ¹⁹ A me̱e̱ ro'oknaipaya 'kamona iu maz pa, kamona bo'ro latər pa kamona ruuro pa, kamona pag song uza rə paapa, kaa kams ina uza renpa noosum daa mooz naa maiya mooz'." ²⁰ Mazzi doo gee lamz yas n bo'russapu diga n pu wazziz. ²¹ Yesso gwenu sə gə dosu una pitti muno saa kine pa, ²² ama de' gee pakki sei sər kamu sə zok wesu sei ri'ge nok maza naa na'azzi ²³ Yeeso gwen ar sə doosə kubrubaiya ulloi gee gomgon baar ara ura naa na'az torkən gwanta Billəttəkrə sei ²⁴ mesəm kam kubrubaiya ulloi paka ekirə ama gəbən Yesso doosə gee, yangi ina gombaaranni tokaa gwanta Billəttəkrə ²⁵ dikka ara Geloba torkən dura zillarək naa ara mazza, naa na'az torken gwanta Billəttek ²⁶ sei mesəm kami Ì doo gwani re te' gee sə nee seek ya? ²⁷ Yesso gweni sə doo gee marirə gə! gomgon baar ama Billə mu' pa, ²⁸ Biturus m pag naa ur gee e' daatə koo anya sə e' duuta. ²⁹ Yesso doogee zemzi n pu dosəkinde koo neeya ura daate gwaagaz, naa zəi,naa watkiwi, koo maiy, koo daa, yangi, koo but, nok mii naa paka Billək, ³⁰ ama a̱ kink baka zu' gɓonarə ru'a airǝ, gwaak naa zei naa watkiwi naa maiy naa yangi naa but nok ɓerka baar ru'a ipu zakre ayre kingkin zengsa ɓampas, ³¹ ama yangiya seeniyai Ì gəək sa'ka, a sa'kai Ì gəək seeniyi ³² ipu ri'gittə bilaa rekarə Uruselimakrə Yessso pu Ìirə mu'ka sei mə kami. Iya Ii duuti sa'kai ser kami, iya komna naa ittəkei eyi sə ma' doosəki ne'ta ma'ak bo'rikat, ³³ sei doo géé apu ri'gətte Uruselima Ì essək waa maz do'ga tori naa biibaire na're. Ì zeesuku bisa werkres sə esku iya Ì mee Bill paire na're ³⁴ Ì doorusku pangna go'pan sə Ì tu'rusu tuttə sə Ì ɗa'au sə ge̱e̱ Ì gɓagu gaggilləte̱ ru'a̱ taareire sə ruuk ³⁵ Yakubu naa Yohana yangiya Zabadi rəi Ì see ullo popsarə bonge,Ì doo bonge lamz géésə mee koo anya ina e' Ooruk moorən, ³⁶ doosə bonge mina bo'sən anya? ³⁷ Ì Iisu géé aka Iisee eka gau moro na'rəgnarə, muzo bən moorə na'ukarə rekarə gɓi'kima moom rə ³⁸ ama Yesso Iisə bonge Ì mee ina Ì orrukkan pa, Ì le'eklen bo'ka naa kəra mirə n bo'kənakya? koo Ì le'eklen kweeka batisma mirə n bo'səkinu azya,? ³⁹ Ì doosu gèè é le'eklen Yesso doosə géé kéra n bo'kunak Ii bən Ì bo'kunbon sə géé batisma miire Ì bo̱'sewwaz Ìi ma Ì bo'sukənnu, ⁴⁰ ama koo neya gak miire na' go'na rez koo na' ukarəz a̱ miini sə n esəkpa ama sei maza gau Oomiz Billə mu'uz ⁴¹ De kubrubaiya komnai Ì géé ba̱a̱r sugi Yakubu naa Yohanare paa, ⁴² Yesso gwande popsaro sə doosi Ì meemen iya Ì esi gwanta delettai, Ì Iisə gwant naa gɓi'kəm ⁴³ ama gak ri'i Iire te' pa, koo neya Ìi gakɓa gɓi'ziz Ìire te'kas gak senzzi, ⁴⁴ gèè ura Ì gakɓa séénzəz Ìire te'kaz, gak senza Iiz yas. ⁴⁵ Nok waa maz nok sə Ì noosəkunuk pa, ama ur noosəkən urik, esək zengsa ullos ina kwééka mariren gengga ⁴⁶ Ì zaa zeriko, de' Ì daatə zeriko naa kubrubaya ulloi naa bansa mariyyi , uza pii Ì deru Batimawus ura waza Timawussəz, ⁴⁷ de' géé bonge Yesso maza Nazarattazzi pu arkre sei te' gwera sə doo bonge, Yesso waza Daudarez, ogəm yirkuwa məu. ⁴⁸ Uri gengga Ì bi'sə ruzzi Ì doosu géé na rees, ama bage wera géé waza Dauda rez ogum yirkuwaməu ⁴⁹ Yesso doosi bonge ina detu. Sei Ì detu sə Ì doosu géé ruutum, zok na yaga pu derkarə ⁵⁰ sei kos yaluwa ullou, pègə sə zaa Yesso rə ⁵¹ Yesso Ìisu géé, a̱'Ii mina bo'sa anya? ruzzi doosu géé lamz n Ii oka ar. ⁵² Yesso doosu géé eska timra mool go'sapu ni' umgɓa norrak, sei kine oka ar sə duu Yesso sə Ì ri'gə.