¹ Ru'a eyi rə bansa mari ipu gengga, ipu naa ina Ì re'kanpa. Yesso der kubrubaiya ulloi sə doosə géé, ² n og yirkuwa bansəu nok ipu naa mii koo benaya ru' taarə ina I rekan piipa, ³ mina wa'ai sə ina kine rek pa Ì kasikkan bilarə, mari uri Ì kéétə arye'na. ⁴ Kubrubaiya ulloi Ì Iisu géé, a kink burodi araya? ərim do̱o̱ra ri'alleya sə mariya ai baar dakkiya? ⁵ desi bonge ipu naa burodi rigaya? Ì doosu géé ɓansa, ⁶ doosə gee ina gau butto, sə pe' burodiya ɓansa ezi, de' Ìi usuko we̱'gəs burodiya ezi sə esi kubrubaiya ulooi ina masisə Ì esə bans ⁷ ipunaa yangga dukt de' Ìi usuko sə doosə kubrubaiya ulloi ina esə gebən. ⁸ Ì reg sə baar da̱gi, Ì toogus re'kaa seek diga rekaa Ì mar ekirə, ɓèni ɓansa yə'niya ye'ei, ⁹ yara mari mu' narəzi Yesso faasi sə Ì réépu, ¹⁰ naa lo'ka pa Ì tor ɓark naa kubrubaiya ulloi Ì ri'gə buta Dalmanutattə, ¹¹ sei Farisiyawai Ì keetə si Ì dedusu, Ii genga Ì Ii meek riika pak gwanta Billətte səbo gwèegu. ¹² Géé rumsa ullosə diiri' sə doo bonge, nok anni sə mariya bellalləi Ì ok ma'ka seenum ya? zemazi n pu doosənkində, ri'kak una pii sə Ii riisəkin bellalleya. ¹³ Sei ruu sə daai sə tor ɓarkrə gebǝn, sə ree ga'sa ukare ¹⁴ ri'ak kubrubaiya ulloi Ì zinsapu Ì pe'te burodi na'repa, ipu naa burodiya ar muzoz ɓarkrə roopa. ¹⁵ Dinsə to' gee ina gau naa gɓaaka naa zo'ka deu pagrima Farisawai rəm naa gè pagrəma Hirədussem ¹⁶ kubrubaiya ulloi Ì wi'gəs gwanire te' koo nok apu naa burodi pakya.? ¹⁷ Yesso memen sə doosi géé nok an sə ipu wi'gəskindeya noka ipu naa burodi pakya? nok an sə temra Iil wengs ya? ¹⁸ ipu naa no' ama Ì og paya? ipu naa to' Ì geeni paya? ¹⁹ de' n we̱'gəs burodiya ezi mariya mu ' ɓenarə eyi rə te' ɓeni yə'seniyə naa ruteya burodi Ìi seeyya? Ì doosu bonge Ì see komna naa ittekei ²⁰ de n we̱'gəs burodiya ɓansa eai mariyamu' nare eyirə te' ɓeni riga yǝ'senyə si Ì pitiya? Ì doosu ɓansa, ²¹ doosi gee haa ri'ak Ì meegis paya? ²² De' Ì zaa Basaida mariya Ì kamtui ruz sə Ì orə Yeeso na pru ²³ Yesso kam na' ulloi sə kéésu kur dellə, De tuttut ullo na'rə sə ɓag na' ullə no'ro se desu gee a̱ og'on arya? koo a ok unaya? ²⁴ de' teg muug paa sə doo gee n og yaramari n ogi Ì goo ni rattak ri'gikrə. ²⁵ Sə ɓag na', no'a ulloi rə paa gəbən, sei yara mazzi ɓe're no'a ulloi, no'a uloi Ì ɓe'rəm sə og ar wessawe' ²⁶ Yesso wa'au na reepu gwa' sə doosu bonge kana tor delle te'pa. ²⁷ Yesso kee naa kubrubaiya ulloi dermiya Kaisariya naa Filibiyarə de' ipu ri'gəttə bbilare paa, sei des kubrubaiya ulloi gee. Mari Ì doo bbonge mii neeziya? ²⁸ Ì Iisu géé Yohana bo'ro batismazzi uri bonge Iliya uri bonge saariza Billəz . ²⁹ Géé desi Iigə Ì doo mii neeziya? Biturus Iisu bonge moozi dangwanz ³⁰ Yesso bi'sə bonge ka'ina doosə koo mazpa ³¹ sei ma' kubruskəeni neta wessat genga do'ga mari Ì mu'sukun naa do'ga tori naa biibai Ì ikɓe ama ruuk ublut taatte. ³² Doo netti sumsan piipa. Sei Biturus seesu naaziz sə ma' bi'ruku ³³ Ama yesso yer no' sə gwene kubrubaiya ulloi sə bi'rə Biturus géé esəm miire pourə moo setan a̱ sunde naa neta Billət pa, ama a̱ sunde naa neta mariret ³⁴ sei der bansa mari naa kubrubaiya ulloi sə doosə bonge kooneya Ii duuke miiz na mu'us zura ullol na pe' vaga rawaulou səna duubo. ³⁵ kooneya ura Ii in zengsa ullosas yasək, géé ura yadək zengsa ullos nok miiz na nok paka Billək sumsa pu zengs miirə. ³⁶ Anni bagsik mazya səna kine del tele ana səna kink zengsa ullos paya? ³⁷ anni mazz esə nok zengsa ullosya? ³⁸ kooneya a̱ zur degu miirez naa paka miikak bella laatərem naa hakeirəm waa maz bən zur deku den ullo na zaa naa gɓi'kəma ullo daarəm naa tombaiya ulloi naa rumsa Oomis.