¹ Farisawai Ii to̱o̱kən Yesso naa biibai ya Íi diga Uruselima. ² De' Íi og kubrubaiya ulloi Í rege reka Íi ne̱e̱s nat pa. ³ Nok langsəzza Farisawai ii naa Yahudawai rez Íi rege reka pa, sei ina ne̱e̱s pu na' wessawe'. ⁴ Farisawai ina ke̱e̱te luumaro, Íi rege koo una pa sei ina ne̱e̱mopu mam zangga. ro'oknaya, Íi duui yay ipu gengga, ni neksika ketta maamro tak, naa yəəm, naa sabdi, naa to̱'nut. ⁵ Farisawai naa biibai Íi des Yesso nok an sə kubrubaiya mo̱o̱i Íi duu langsiya do̱o̱'ga mari rei paya, sə Íi rege rek naa na' diks ya? ⁶ Doosi ge̱e̱ Ishaya do̱o̱ wessazi Íi dangkaamei, ni pin biisənnin, ge̱e̱' mariya Í ⁷ no̱o̱se naa su' kotto tmteya iirei ipu miire pa, Ì no̱o̱se kotto, Í kubrusun langsiya mari reiyi yas; Ì me̱e̱ inge kubruskəna paka Billək. ⁸ Ì ɗongs ro'oknaya Billəi sə Í kam langsəya marirei. ⁹ Dosə ge̱e̱ Ì ɗongs ro'oknaya Billəi sam sə Ì duu langsəza iizz! ¹⁰ Musa do̱o̱gee mona esə daa naa mai gɓikəm pa a̱ wərk. ¹¹ nok Ìi Ì d̈o̱o̱ maz na dosə mai naa da̱a hei po'kaa ullok miiro pu zuk. ¹² kai daw səna bo'sə mai naa da̱a naa mai, ko̱o̱ una ¹³ pa ri'eri sə Ì mu'us ro'oknaya Billəi nok langsiya irei Ì duuyi yay. Naa neta go'rit sə Ì bo'ro. ¹⁴ Der bansa mariya ai sə dosə ke'səne to', Í yas sə Í məgis ¹⁵ ina tor baalənni séés mazpa, ina ke̱e̱ baalənni séés maz, ^{16 17} de' Yesso bansa mariya, tor gwa kubrubai ulloi Ì de̱su re'sapaka eki ¹⁸ Yesso dosə ge̱e̱ Ì bən ipu naa megiskapaya? Ì ipuna meegiska paya in tor diga mazzen go̱okan se̱e̱supa, ¹⁹ nok tor timle pa, tor ba'te ro̱o̱ sə ar. Naa do̱o̱ma emi Yesso neks kala rek. ²⁰ Dosǝ ge̱e̱ ina ke̱e̱tte digsa mazzə baalen ni se̱e̱su ²¹ nok diga mazze timlozzi, sundume a̱ Ì go'paiyi Ìi kete, paka zukak, kimmaki', ro̱'or, igɓa zur, ²² ningsa, engku, songɓ, ke̱e̱rus, gɓi'kim, mə'em, ²³ engkətta a̱t ke̱e̱te mazzi timle yas sə seesu. ²⁴ De' ruu diga eri sə ri'ge buta Tayatte naa Sidon sə ree tor gwa, Ì ara ko̱o̱ maz me̱e̱kənak pa, ama sums zok pa, sei ²⁵ kittakiiz uza puna waza kiizəz naa zammaz. kitakiiza ezi sə za̱a̱ kas Yeeso ro dente paa, ²⁶ kittakizzi maza Heleniyaz, me̱e̱lla Surofiniyattə O̱oru na ke̱e̱z zam kitakizzire ²⁷ dosə kitakizzi ge̱e̱ yanggi ina se̱e̱ reka zangga ge go', ama ara Ì pe'kkin rekaa yanggirek sə Ì esən zayak ge go'pa, ²⁸ ama Ìisu ge̱e̱ ri'eri bən dangwanz na rek, zai, Ìi zo' ruteya ullo eyi zangga, ²⁹ dosu ge̱e̱ nok a̱ doosun pu ri'ik, ri'gəm zammi ke̱e̱gissapu moro wazze. ³⁰ Gəe gwa' re̱e̱ oks wazzi kitte ge'lepaa. Wazzi zammi ke̱e̱gissapu, ³¹ gebən ri'ge re̱e̱ buta Tayatte sə zaa Sidon rekare gɓonaa Galilikre rekare buta Dokapolissatte, ³² Ì kamtu ura ge̱e̱ to' paz sə le' pak wessa paz Ì O̱oro Yeeso na ɓag na' ullo paa ³³ se pe'ew ke̱e̱su bansa marire te̱' sə kamu naaziz, sə tos nendi ullo to'ro. De' tu'tut se pog meela ullol, ³⁴ sə tég no' Billə paa. Sə gwəne, sə do̱o̱ ge̱e̱ efhata uki do̱ḏ (gɓéérum) ³⁵ Yeeso go'rus to'a̱ ulloi, sə de' armukkoro ina kam meela ullol eni pe'sum, sə pag o̱okapa ³⁶ Do̱o̱sə ge̱e̱ ka'ina do̱o̱so ko̱o̱ mazpa, ama ni do̱o̱səni bonge ka'ina do̱o̱n pà'eki, ri'zi sə pak bagzok. ³⁷ Mesəm kami wessa we' sə Ì do̱o̱ ge̱e̱ bo'sapu ko anya wessa. Haa kamte iya Ìi ge̱e̱pai, Ì ge̱e̱, naa iya Ìya Ì pagpaai sə Ìi pag.