¹ Yeeso keeto eri sə ree gwande dello kubrbai Íi duwu sa ² .De' ubla enggiskinaa Yahudawai rek kete kubrisini rora Billəllo iya Íi gewwai zok məsi. "Íi do̱o̱ gee kinte kubruskinak ara ya?" ³ "Irim məsəm ma pam a̱ bo'ro ri'am ya?" Urazzi kaapinta waza Maryamu rez, ze̱e̱za Yakubu, naa Yahuda, naa Yusufu, naa Yahuda naa Siman rez pa naa? wat kiwiya ulloi a̱ aipanaa? sei Íi esu aibe ⁴ Yeeso dosi gee, saariz kin noosika pa sei gwando dello naa mariya ulloi , ⁵ le' bo'ka ina məsim ronpa, sei na rungɓo kuni. ⁶ Ree kubrurskin delmiya Íire yas, eska timra Íll məsu. ⁷ Der kubrbaiya ulloi komna naa itteke eyi, sə tomi itteke i' sə esi gɓikkima zama go'pamrem paa, ⁸ do̱o̱se gee ka'inba pe' una ro̱o̱pa, ko̱o̱ rek ko̱o̱ we̱e̱s ziboropa. sei gɓala ⁹ ina te' tag kaina te' yalin ittene pa. ¹⁰ do̱o̱sə ge̱e̱ kala gwaaga Íittonnak gamn roo haa ubla ruukaro. ¹¹ Kala ara ina kwenin pak koo Íi ge̱e̱niin pak ina daatik arki dagɓisən ke̱e̱ga ire dentek səna gau sedakom ¹² ikee Ìi doosə mari ina pu'na' aibeiya Íire. ¹³ I ke̱e̱s zam, i wo̱o̱sə kuni wa̱a̱g i rungbɓi. ¹⁴ Hiridus gwanz ge̱e̱ innan ri'ra Yeeso rel yas ar. Uri Íi do̱o̱ Yohana zə ruuto robamro, sə bo'oro neta mǝsəm ret, ¹⁵ uri Í'i do̱o̱ gee Iliya, uri gebən Íi do̱o̱ saarizzi, sariya doii re te'. ¹⁶ Hiridus do̱o̱ ge̱e̱ "Yohana a̱ n ngebsu zur azzi ruuto zok ya.? ¹⁷ Nok Hiridus ɓaaw nok Hiridiya kiza gwande ze̱e̱zzez Filibus, Hiridus kamu kiim ¹⁸ Yohana do̱o̱su ge̱e̱ tòò ara ka kamn kizza ze̱e̱zzak pa, ¹⁹ Hiridus kam Yohana timle haa Ìi igɓɓu, ama kine bila pa. ²⁰ Nok Hiridus serum sen Yohana ur maza Íi se'suzzi, sə Íi gɓaaku, na ge̱e̱ Yohana napu kubruskinde baar sugu ben Íi in geeku ²¹ Bəl zaa ara Hirirdiya tiisikkin gwanta ɓaara ullol ak, Hiridus bo'sə gwani naa so̱o̱zai naa do̱o̱niya Galilii nasa i dingnuz. ²² Waikiza Hiridiyarez zaa naw wa̱a̱g, zok yag Hiridus naa mariya uloi gwanzi dosə wazzi ge̱e̱ "O̱orume ina a̱ iin yas n gbo'sika." ²³ "Gɓa'tumsu ge̱e̱ kala ina inn miiren n eska ko reta gwanta miit" ²⁴ wazzi ke̱e̱ re̱e̱ oks maiya ulloz" doosu "N, O̱oruk anya"? mai do̱o̱su ge̱e̱ zura Yohana bo'ro batisma", ²⁵ géé naa gɓaku gwanze" O̱oru na "etubo zura Yohana bo'ro batisma tengroro" ²⁶ Gwanz, zok tapsu ama Ìi gɓaska dokkaa bo'suk pa. ²⁷ Gwanz tom soza nare kamte zura Yohana rəl senzzi re gəpte zur, Ara Ì ɓaanuk rə, ²⁸ kamtə zura rol təngre sə wazzi esə maiya ulloz, ²⁹ kubrubaiya Yohana rei de' Íi ge̱e̱, iza pe' we'sika ro̱o̱k i iis. ³⁰ Tombaiya roi Íi dakkin Yesso ro Íi doosu ina i bo'ton naa i kubrutin nan. ³¹ Doosə gee zan ess a̱ engis topa, mari gengga ipu zakro ipu ri'gigre, bel pii rekarekre pa. ³² Í́i tor ɓark Íi ri'ge gwani muyo ara maz pin pakre. ³³ Mari genga Íi ogi ri'gitte Íi me̱e̱gisi Íi nog naa dent diga delmiro sə Íi arti rekskare, ³⁴ de' Yesso tiite o̱o̱g bansa mari, oksi yirkuro, ipu ni maya neebazz piipayak, sə ma' kubriskini net gengga ³⁵ de' ar wii kurubaiya ulloi Íi zaa ullo Íi doosu ge̱e̱, ara ak mari Íi piipa ubla wiisapu, ³⁶ faksimi ina ri'ge delmeya gɓiikiyay naa a̱ to'pa to̱'o̱ro ina yipso zu'te'ya gwanirei rekka Íi rekak. ³⁷ Yeeso Íi sə ge̱e̱, "mo̱o̱i esni ina Íi rekkan me, Íi doosu ge̱e̱"Ena re yipte burodi rigaya? ³⁸ do̱o̱sə ge̱e̱ Íi ge̱e̱ ipu naa burodi rigaya? ren Íi gwenti, de' Íi gwente, Íi do̱o̱ ge̱e̱, burodi gɓenare" naa dukt ittire". ³⁹ Do̱o̱so bansa mariyyi ina gaudii, wo'sa yiisasse paa, ⁴⁰ Íi gau dii rise ri', riseya zu' gɓennroi naa riseya zu' ittei naa komna ko'oi ⁴¹ pe̱e̱ burodiya gɓenaro ay naa dukta ittere etti, tég no', Billə paa se'es burodi ina esə bansa mari. Ge̱e̱ pe' dukta ittere eti masi yas, ⁴² Gwani yas Íi rege, baar dag ⁴³ i Íi inde buridiya se̱e̱z naa dukta se̱e̱t ɓeni komna naa ittəkei. ⁴⁴ Mariya Íi rege rek kei mu' gɓenaaro ⁴⁵ Lo' pa tos kubrubaiya ulloi ɓarkroroo ina ase mu', rekaero Basaida, gwan faksik bansa mari zangga, ⁴⁶ de' faksi, sei deg yiigro nok we̱e̱rək ⁴⁷ naa zur nimz ɓarki pu ɓenaro te' Yesso pu ɓaksille paa. ⁴⁸ De' ogi ipu yaalo nok zaka anni pu gɓam, wees nasse, rigetto gɓenaro paa bo'ro ni arkik, ⁴⁹ De' Íi ogu ri'gitto gɓenaro paa, mee bonge dengs Íi wo̱o̱ su', ⁵⁰ de Íi ogu sər kami pangni kai serum pa minzi ⁵¹ Sei tor ɓarkiro roo sə zaka eki de'es sei zok məsi. ⁵² Nok Íi me̱e̱gisin paka burodizirek pa̱a̱ temteya Íi i mo'sapu. ⁵³ De' Íi ga'gis go'ri Íi zaa buta zanisarata, Íi dogs ɓarki ga'sa womarə. ⁵⁴ De Íi ke̱e̱te ɓarki ro lo'pa sei mari Íi meegis Yeeso zi. ⁵⁵ Íi do'os ata naa nom sə Íi tegde kuna gɓette̱ sə Íi kamti ullo kala ara Íi ge̱e̱n pu rekəndek. ⁵⁶ Kala ara torunnak delmiya gɓikiya naa ye'kiyay Íi gɓage kuni billitte paa, Íi O̱oru na daa kunni ina pa'su yaluwa ullow, mariya Íi pa'awai Íi go'os