¹ Geben mă, kubruskuna popsa ɠɓenaro, bansa mari i ko'su te' sǝ tor ɓarkroroo sə su' ma' ɠɓena bans sa mariyi dọọs mama ɠɓena rem re te' ² sǝ kubrusini net naa re'sa pak, gee ³ ke'en to' baabaz uza, ree ta'ak dokto ⁴ uta kase bilare paa, sǝ noi i dobdus, ⁵ uta kas we'rero paa, wa but pii wesssa pa, na dag kos ⁶ nok puna yiise omipa, ⁷ uta kase kepte te', ƙepti zakusu doƙtkti puus omi pa ubla na ma'te wọƙs sǝ kos nok yiise i tor dii pa. ⁸ Dokt uta kase buta omitte, sǝ ɓu'us okapa, uta zur naa komnat, uta zu' ⁹ tarrei, uta zu' ɠɓenaro, ni' ta'an zokak . Doo gee, maza puna to' a geekaz na gee. ¹⁰ De' Yeeso keegis gwan muzo, sə kubrubai naa mariya ii see ullo puwroi ii desu re'sa paka dook ro. ¹¹ Dosǝ gee, ni ii ak ge, ii esin pu megiskǝna gwanta Billot indo natte. ¹² Ama uri sei naa re'sa pak nik ii gwene gwen, ama ii og pa i gegen ama i gegis pa nok bọta sə i pu' na' sə ra'sisə hakeiya ii. ¹³ Do gee, ina meegis re'sa paka ak pa i bo'ok riga sə i megis re'sa paka mu'uk ya? ¹⁴ babaazi, ta' paka Billək, ¹⁵ dokta kase bilaro paat, uti iya i gee paka Billk, ama Setan ɠɓake kwerikare ¹⁶ dokta kase werere paa uti iya ii gee paka Billək sə ii kwee naa yaksa zok ai. ¹⁷ De' yissi ii pisi omipa, ii ɓes baar toppa, de' ɓerka barr zaa, naa geka boone, i lo'o kaskare pa ¹⁸ a kase kepte, uti ii iya i ge pakkii nok iika, ¹⁹ nok ika neta dellet naa ika zaudi zaa tor iire timle sə kwere pakki sǝ i gau na baka pa. ²⁰ A kase bitta ommitte uti iya ii geei pakkii, sə kwee sə esə riibai. Uri zur naa komnai, uri zu' ɠɓenare ni i ta'annak ²¹ Yeeso dosi gee, ii kamtik kan fitila sə ii ku'su ɓenzo dii ya? ko ii ɓiis ku tebille dii ya? mona totnu a de'suku ɠɓerpa, ²² ina sums zok, sǝ ɠɓeren pan pii pa, apu ɠɓo'raren, se kette ossan ron pan pii pa. ²³ Ura punaa to' a geekarei na ge ²⁴ dosə gee, ke'en to' ina ii geen de, too na kera i riisunuk az, uzi ii riisukunu, lege ar ma ura pisuz, ²⁵ i kwerik wa a pisun yam ²⁶ Yeeso doo gee , gwanta Billot puna maza ta' dokta ullot buttozak, ²⁷ ruus wee tuks naa ubla, haa dokt button, ama mee ni bo'tenak pa. ²⁸ But kees reka naa gwan, măa naa ɠɓems, sǝ bo'rum, sǝ rente i ɠɓete ²⁹ net naa oos i kwas gansiz. Nok git osapu ³⁰ doo gee, naa an sə a ringgiska gwanta Billot ya? naa re' sapaka pakki sə a po'giskin ya? ³¹ puni dokta yaɠɓero kak, waa to dokta tette pattat' te ³² na; ɓu'to ar an tetta set dakaro. Me ɠɓetat, noi ii bo'ro pumso roo. ³³ Naa re'sa pag'rəma mim sə doosə pak, sə ina geegis doosə pak pa sei ³⁴ naa re'sa pa, ina le'gus gwani muyo sə pugusən kub'rbaiya ulloi pakki. ³⁵ Ublaikiro nimzizm, doose gee, aree ar ukaroo. ³⁶ I date bans kubrbaiya ulooi ii pe' Yeeso, i ri'gunu, de' ipu yam ɓarkre roo. Ipu naa ɓarum uma ³⁷ sə zaka wi'ka rutto, mam ruuto gongɓunnogo sə ka' ɓark re roo, ni' ɗumsəkik. ³⁸ Yeeso pu rumro ɓarkiroroo ɓapsaro, ii weesu gee lamz, à mẹẹ monge á werk dera paya? ³⁹ wẹẹ pa, sei bi' se zaka. sə dooso ɓona de'səm. sə zaka de'es, sə arki de'es tan. ⁴⁰ Doosə gee, nok an sə i serim ya? ii ese timr paya? ⁴¹ ser kami go'ma go', sei ii deskən gwaniro tẹẹ, ur nee sə zaka naa ɓona gee su pakri az ya?.