¹ Geben Yeeso ruu ri'ge rora Billǝlle, maz ura naa na'bo'sink az pu ro. ² I dee i gwenu ko rungbu ku run ya ubla eng'giskaa yahudawarek i ii boka gwene ko bọ'o tuk bon ina hakeiren ya. ³ Yeeso dosə maza naa na'a bụ,osink ezə, ruutum a de'e marire te'e ang. ⁴ Des mari bonge go'ogon, gọ'oka go'onum ubla engəskaa yahudaawairek ya? koo go'opaya"? Naa kwee zengs ya ko na ips zok ya? ama ii rees. ⁵ Yer no'o gweni naa suksa baaraa timte a i wengsing pui, sei doso mazzi leesim na.a mọoi. Lees na,a ulloi sə Yeeso rungɓu, ⁶ sei Farisaawai ii kee ire daks sũ naa Hirudawai sə ii dog ni ii igɓɓunuk. ⁷ Sei Yeeso ruu ri'ge naa kubr'baiya ulloi Ɓoonaro. Bans sa mari gengga ii keete diga Galili naa Yahudiya, ⁸ diga Urusalima , Iddo'omiya naa haa Urdun dõ mũũk keer naa Tayak naa Sidon. Bansa ɠɓi'sa esə ii gee ina pũ go'ok ron, yas sǝ ii zaa ullo. ⁹ Doo sǝ kubr'baiya ulloi ina kinte ɓark nok bansa mariya,eyi ii daga pu, nok bóta ii rée ru. ¹⁰ Rungɓo uri gengga, uri bo gengga, iya naa kunt tai i ii boka pogu. ¹¹ Mariya naa zamn zokroi koo benaya ina ogu i kade ullo mũu, sə i woggo sut. Doo gee "moo" waza Billəzzi. ¹² Doosə bonge kă ina dọorubo pa ¹³ ruu deg gẽere, sə der iya ur ii yay, sə i zaa ulloiu. ¹⁴ Teege mari komna nna ittikei (iya deri kubr'baiyay). Sə noka i gakɓɓin yammak naa sə tongɓi nok dooka paka Billək. ¹⁵ Sǝ ina kine ɓama i keesəkən mai-yam, ¹⁶ tee gi komna naa ittəkei. Ese Simam ri'ir Biturus ¹⁷ Yakubu waza, Zabadi rez, naa Yohana zeeza Yakubu rez,(ura esu ri'ir Buwarzis waa too yanggiya pipsəzzei) ¹⁸ naa gẽ Andarawus, Filimon, Batalomus, Matta, Toma, Yakubu waza Alfa rez, Tadaawos naa Siman ura naa keeris saz gwande buttos, ¹⁹ naa Yahuda Iskaroti ura ying'gu kuz ²⁰ dée ree gwă, sei bansa mari geben i tookən, haa i kine bella i rekǝn rekal pa. ²¹ Dée zeewa ulloi i og ri' eri, ii reebo nok ii mee bonge pu' gwande hakkilloropa. ²² Biibai ya i zaa diga Urusalima i dọọ gee puna Ba'alzabuba naa ɠɓikəma gwanza mairezzem, nok umi sə kesən zamn. ²³ Yeeso deri sə rée sə pak gee, Setan ka lẽe-len kesəka Setan ya? ²⁴ gwant na markən, gwanta rọọ ka gau pa. ²⁵ Gwaag na makrən, gwaga rọọk ka kəne səka gau pa . ²⁶ Setan na gwaa zura gwandel ka lée səka déepa. Gwanta ullot ka zaa ɓanmnare, ²⁷ ama maza ka lée torka maza naa ɓammazze gwa səka ruuruto neta ullo gwa'at piipa. Sei naka doks maza naa 'ɓam ezi zangga səka kin pée ka neta ullo gwa'at. ²⁸ Zemazi n pu doosəkənde,i ra'səske ran yang mari hakkeiya naa seera pakai, ²⁹ ama ura doo seera pak rumsa Billəse paas, ra'asəsku pa nok bóosapu hakkeiya ɓamka piipai, ³⁰ Yeeso doo ri'i nok i doo ge, "puna zam". ³¹ Maiya ulloz naa zeewi a ulloi i zaa i dée goka . I tom sũ ullo sə ina dẹetu. Pu ³² gamnare bansa marire téé, sei i doosu gee " maiya mooz naa zeewi a , moi ipu góoka, i ii oka. ³³ Iisi gee, " Neezi maiya bọọz na zeewiya bọọi ya?" ³⁴ Yer nọ' sə gwenə iya i gau sə i kọ'su eiyi sə doo bonge ,"Gwennin, iya aiyi mai naa zeewiya miiy, ³⁵ maza bo'oro ina Bill iin uzi mai naa zewwiya miiy.