¹ Ru' topa de Yeeso gǝtǝ diga Kafarnaahum, mariya arkirǝi i gee ge pu gwa. ² Mari gǝnnga i tookǝn gwaagirǝ haa ar yi'is sugognarǝ. Yeeso kubrusǝni paka Billǝk. >>>>>>> refs/heads/new ³ Mari uri narko i gumtǝ maza naa zok bo'sǝnkaz sǝ i kamtu Yeeso rǝ. ⁴ De i kin rektukunu ullǝ pa nọk bansa mariyi, sei i gbe'rǝ rora pin roo eli naa paak sǝ i tiitǝ maza naa zok bo'sǝnk ezi. ⁵ Yeeso og eska timra iil, sei dooso maza naa zok bo'sǝnk ezi, "Waz, i ra'sǝssapu hakkeiya mọọi." ⁶ Ama lamiya Muusarǝ rọ'ọknairǝi uri a ipu gamnarǝ rooi i doo gwanirǝ timterǝ, ⁷ "Nok an sǝ maza az doo rii ya? Doosapu sǝǝra pak Billǝ! Nẹẹ ka le' ra'sǝska hakkeiya? Sei Bil kotto!" ⁸ De Yeeso mẹẹgǝs ina ipu sumdukrǝ gwanirǝ temterǝn, sei doosi gee, "Nọk an sǝ i sundo ina gọ'panya? ⁹ Anni gom dooska maza naa zok bo'sǝnkaz, 'I ra'sǝssapu hakkeiya mọọi yi gom baar ya koo dooka 'pe'em gbettǝra mọọl a ri'gǝ ya?' ¹⁰ Ama nọk sǝ i mẹẹ Waa Maz punaa gbi'kǝma ra'sǝska hakkeirǝm dǝllǝ." Sei doosǝ maza naa zok bo'sǝnk ezi, ¹¹ "Ruum, pe'em gbettǝra mọọl a ri'gǝ gwa." ¹² Ni umkpa norak mazzi ruu sǝ pe' gbettǝra ullǝl sǝ ar gwanirǝ pourǝ sǝ kee gwaagirǝ. Ii yas inni mǝsi, i nọọs Bil sǝ i doo gee, E meeɗǝ oka una ri'ari pa." ¹³ Kee gǝbǝn sǝ ree pou gbonarǝ, bansa mari yas i zaa ullǝ sǝ kubrusǝni. ¹⁴ De ipu arkrǝ, og Laawi waza Alfarǝz gamnarǝ ar kweeka sookrǝ, sei doosu gee, "Duutume" ruu sǝ duwu. ¹⁵ De Yeesp pu reg rekrǝ Laawirǝ gwa, kweeba sookei gǝnnga naa mariya naa hakkeiyai i reg rek naa Yeesona kubrubaiya ullǝi nọk gǝnnga i duwu. ¹⁶ de Biibaiya rọ'ọknaiya Muusarǝi iya gǝbǝn Farisaawaiyii i og Yeeso reg rekrǝ naa mariya naa hakkeiyai naa kweeba sookei, i des kubrubaiya ullǝi gee, "Nọk an sǝ reg rek naa kweeba sookei na mariya naa hakkeiyai ya?" ¹⁷ Yeesu gẹẹ ina i doon sei doosi gee, "Mariya ipu kasaka'i i ii rumbaaz pa; sei kuni. N zaa nọk derka iya wessai pa, ama mariya naa hakkeiyai." ¹⁸ kubrubaiya Yohana rǝi naa Farisaawai rǝi i pe'pen riiwa reka rekǝu. I zaa Yeeso rǝ sǝ i dẹsu gee, "Nọk an sǝ kubrubaiya Yohana rǝi naa a Farissawai rǝi i pe'pen riiwa reka rekrǝu sǝ a mọọi i pe' pa ya?" ¹⁹ Yeeso doosi gee, Iya i gau naa maza kam kiiz pǝzzaz i riirin rek ina pu ɓaiya? Ina pu ɓai i rii pa. ²⁰ Ama dǝn pu zakrǝ ina pe'sapu ura ya'zaz i riik reka rek. ²¹ Maza boro yaluwa dọọwau naa pouwaz pii pa, nọk ar bonaaki ka bag taaska a dọọkak, taaska rook ka arǝn gbam. ²² Maza tọ' maama inaabiya pǝmmam ɓunuta dọọtattǝz pii pa, na bọ'rǝ rii maama inaabiya pǝmma emi pu'sǝk ɓunuta root sǝ laa, goptǝra rii, i tọ' maama inaabiya pǝmmam ɓunuta pǝttattǝ." ²³ Ubla ǝngǝskaa Yahudaawai rǝk uka Yeeso pu arkrǝ baasǝm uma rǝ, kubrubaiya ullǝi boo i ma' wo'rǝka renteya rooi sǝ i tǝwi. ²⁴ Sei Farisaawai i doosu gee, "Gwenum, nọk an sǝ i bọ'ro ina rọ'ọknai i rọ'ọn ubla ǝngǝskaa Yahudaawai rǝk rǝya?" ²⁵ Sei doosi gee, "I mẹẹɗa zangǝka ina Dauda bọ'rǝ de busum gọmu ur naa mariya ipu ɓaiyai pa ya? ²⁶ Ni ren Gwaaga Billǝkrǝ sǝ pe'en buroodiya i rọ'nurọn mariz sai toriya Billǝi kotto sǝ regu sǝ esnu iya ipu ɓaiyak . ²⁷ Yeeso doosi gee, "I bọ'rǝ ubla ǝngǝskaa Yahudaawai rǝk nọk maz. ²⁸ Rii gǝ Waa Maz uzi dangwanz ubla ǝngǝskaa Yahudaawai rǝkrǝ paa."