¹ Esibhose ghati yenyu mneoka bhaloshi, bhamnduetu, mtwarije iti ytuneuhia ibigho ibaha mno. ² Amu bhose twabigha msadara hena bhindu bhingi. Mundun asa bigha msadara hena bhiteto bhyake, uo ni mundu wa kididi,na ena luidimo lwa kuurinda mwiri wake wose . ³ Tukagera zighi hena momo wa iziro nakuijuta itusikija, na tuidima kuigharusha mwiri wose. ⁴ Twarijeni iti meli , hena kuoka iti ni mbaha na itikwa ni ngungu mbaha, kake ilotijwa zia ni sukano ndongo handu hohose mretika akunda kuitika. ⁵ naKeeri walumi ni kindu kidongo hena mwiri, nalwo lukufuta bhindu bhingi bhibaha. Yoweni bhundu sese ya moto ishota kitito kibaha! ⁶ Lumi nalwo ni moto, isanga la ng'oki lwabhikwa ghati ya marungo ma mwiri, nalwo luuketa mwiri wose uwae, na kufuta moto hena zia ya lukio, nalwo lufutiwa moto wa ndarasi. ⁷ Amu kila mbare ya nyamao, na ndeghe, na bhila bhibulutika, na bhya ndeni ya ipe bhishumika nabhyo bhishumiwa ni bhandu ; ⁸ kake hesina mundu emeoke na luidimo lwa kurinda lumi; ni bhubhibhi bhusina ngere, luna bhusungu bhukoma. ⁹ Hena lumi tumwisisa Apa mzuri, nahena lwo tubhaing'oku bhandu, bhala bhena fwana yakwe Izubha Apa. ¹⁰ Momo ufunya itasi na uinng'oku. Bhamnduetu, kisiinare bhindu ibhi kuoka hubho. ¹¹ Iki ndibha hena ijso imwe iidima kufunya mbombe inona na mbombe ibhabha? ¹² Bhamnduetu, mtini uiodima kugera zaituni,kana mzabibu kugera tini? Isidimika kufunya mbombe ya munyu na mbombe inona. ¹³ Niani ghati yenyu etambaruke na etisibhe? Shigha uo mundu abhonyanye ndima jakwe hena miikare yedi . ¹⁴ kake uche una lung'wara na ibhoo na lubhabho lwa ngoro , msikubhone na musitete maungo wanga ya kididi. ¹⁵ Ili esilo icha lisea kufuma wanga, kake niya masangeni,ya miikare ya kibhandu na mkeleki. ¹⁶ Amu handu hena luso na ndambi ,hena kurunganyikiwa na kila kindu cha soni. ¹⁷ Kake icha la kufuma wanga lizerie, lina lubhoro na kuhoia, isikija bhiteto bhya bhandu, iizue lusario na maduda medi, isichunganyia kana helele. ¹⁸ Na iduda la kididi lihandwa na lubhoro ha bhala bhena lubhoro.