² Yi r'a ŋmɔn de an kaln bishiɛɛ ba liliŋ a kpɛŋ tonukuaɔ. ³ yikun se fu ke shiɛn gbɔɔ, ⁴ yikun se jir ta ne lɛ jɔmɔn tiekal mɔ fure fu k'a gbɛ to fɛnɛ tɛn wa. yi se shiɛngbɔ tiɛsɔ mɛɛ tenɛ ye ke deno mɛɛ mɔ lo jɛni se. ⁶ Yesu re yi mɔlɛ de : Wun niin te ani jimi re mun sɔjan a yɛn to yi niryɛn b'a bal to. De tɔtɔn Esai manɔ a lo in. ⁷ Yi r'a bien kiɛn de yi re mun sɔja yi ba jimi'n lo tuɔn lo fu ba jimi lo gbɔ. ⁹ Yi re jɔsɔ ɲal bure yi ba jimi lo fu to kpɛŋ ja. ⁸ K'a sɛ wu yi se de yi re Jɔsɔ'n tuɔn ɲɛn duan kɔ, yi ke yin gbɔ klɔɛ tokpɛn ja. ¹⁰ Kɛ Musa r'a lo de bishiɛn ke yi kuɔ ŋmɛ ɲɛ flɛ ɲɛn, de n'a t̂ɔ n'a n̂ɔ dɔngɔ fure yanɛ ke kuo. ¹¹ Yikun nɔ de bishiɛ ni mɔn tɛ yi kuɔn ŋmɛ to de fu ke flɛ klɛɔ, ¹² fu bishan tɔn se klɛgbɔ ma womtenɛ kan a die se bo. ¹³ Fu se yi re Jɔsɔ'n gbukali tojir yi'n dalmɔ ybɔɛ nukuɔn. ¹⁴ Yesu a sɛ k'a jomɔ fɛn sukur a to, ka wu yi se de yi wo tona kuo tekal yi k'á mɔ tuɔ shu. ¹⁵ Mɔni mun dɛ jimi wuno fu mɔntɔn wo nukua hin bo a tɔnm wuno lɛ fuu kuo kɛ. ¹⁶ De tashiɛn ni tɔni mun se fu ke tona kuo. ¹⁷ Yesu monɔ dɛ di yi fɔn ba bal a jomɔɔ to a'n kaln bishiɛɛ k'a du fun tali tɔn nɔ, ¹⁸ ke yi du de tal ɲɔn wo yikun se be a? yi wo a bur nɛ a ŋmel mɔ de wolɛ mɔ bolo wo jimi jɔngi hin be a? ¹⁹ Kɛ mɔni mun dɛ jimi wuno fure kɔn a wuno k'a te jir mimi ke fenɛ tɛn, kɛ a wo kɔn a neryɛn mɔ bo. ²⁰ K'a sɛ a wu de jimi wuno lɛ fuu r'a jɔngi, ²¹ kɛ a gbɔjɛlii re lɛ wuno jimi neryɛn mɔ, kesɛ jɛl, jimi krɔ gbɛ, flɛja kar gbɛ, niyɛn kal gbɛ, ²² ɲira klɛ, ɲato jɛl gbɛ, kpaln gbɔtia gbɛ, jarbi gbɛ, yin nana gbɛ, dɔbli gbɛ, wun jɛn sɔ bi telkar bi, fuɔ bi, ²³ fu gbɔjɛli nɔkur lɛ jimi wuno k'a jɔngi. ²⁴ Tir ni Didon diɛ mɔ Yesu re deno de ke lɔ dian mɔ ya mɔ, jimi k'a biɛ mɔ shu. ²⁵ bii dian dia mu die mɔ kuel tenɛ monɔ a gbɔ na a re tu b'a kur ɲigi a tɔ, ²⁶ Fu ke grɛki ɔ in, r'a tonyal d'a wo a kueli toli á di meli mɔ, ²⁷ Yesu k'a wu a se d'a wo a jel a bishiɛ ke yuar wa, kɛ bishiɛ'n wonmial yanɛ ke gbɔnfe buon biin se bo. ²⁸ A biirɔ de fu ke hlɔ rɔ de kɛ a tabali tɔn a buon bii r'a bishiɛ di bur li. ²⁹ Yesu k'a sɛ wu a se d'a wo don kɛ de a die meli kpal tɛn a bii'n lo gbokal li nukuɔn. ³⁰ ke sebɛɔ deno a die kpaln ja mɔ tutuon ke. ³¹ Yesu monɔ lɛ fu diɛ mɔ, a b'a kɔn Galile dɛnu ni ben se, Dekapɔl diɛ mɔ karfɔn, ³² yi ke tashiɛn tutɔn ja bɛ a tɔni mɔ. ³³ Yesu k'a kpɛŋbin mɔ niin ni nɛn a tashiɛɛ mɔ, k'a sɛ ka kiyan bur a tɔni dɛɛ ta. ³⁴ Fu kuɔn Yesu k'a ŋmeltɔn kur jɔnɔ ɲɛn ke yiɛn faan sɔ k'a wu an jɛni mɔ de wo mɔfli. ³⁵ A tɔni tashiɛn ke mɔflie a b'a sɛ kaln fu muɔni mɔ. ³⁶ Yesu r'a lo k'a tokpar ja de do bɛ fu gbɛɛ dedɛn bo. Kɛ fu gbokali ke lo benkur nŋkur se. ³⁷ Yi nɔkur se ke kɔne, yi tekal ba dedɛn d'a re gbɔ nɔkur klɛ lobi mɔ, d'a ba tashiɛn tutee tashiɛn mɔ flin, buboe b'a kal.