¹ Yesu lɛ fu tikalimɔn ke deno a kuɔn diɛɛ mɔ an ksl bishiɛɛ wɔse. ² Ye kimɔmiɛn yefieli loo, ke jimi kaln klɛ lɔɔ mɔ, jimi tiɛsɔ k'a kaln ni na yi se ke kɔn ne yi b'a lon de : fu gbɔ hlɔ gbɛɛ fɛn lɛ akún se? A kûn gbanɔ fu shɔgbɛ klɛ a kɛŋ nɔ? ³ A nan kua jɔɔ mun nɔ bea, Mariamu diee mo nɔ bea, Simɔn, zaki, zose, zude ni Simɔn n̂ɔbin ni ɔ bea? A tomeliɛ ŋmɛn wɔse bea? Fu gbɔɛ ke ten nii toŋmɛn fɔn. ⁴ Kɛ Yesu k'a wu yi se de : tɔntɔn do ɲɛflɛ wo ɲɛn tekel kuɔn diɛ bo. ⁵ A wo shɔgbɔ bolo kuo hin tɛn mini a wo lantee wan flen kpɛŋ ɲɛn nɔ bo ke yi kpaltɛn. ⁶ Yesu se ke kɔn ne yi hlɔja karni to. Yesu tablɛse diɛ ɲikaree mɔ kaln in a b'a yi kaln. ⁷ Fu mɔ hin ke yi jir funiin ni fɛn ke lo te yi to, ke yi burno jir niin niin nɔ, de yi kuel toli jimi mɔ. ⁸ Ka wu tokparja yi se de yi bɛ bolo gbɔn a kali to bo kanl kuɔse, de yi bɛ wonmial ni bishîɛn funi kpaln bolo gbɔ yi fusan mɔ bo. ⁹ Denyi ke san nɛn de yi bɛ wa mɔ saln gbɔ bo ¹⁰ K'a sɛ wu yi se de : yi ni dɛ diɛ mun mɔ, yi ke tɛn mini fure yi sɛkɔ loɔ. ¹¹ Yi ni dɛ diɛ mun mɔ, fu diɛ jimi wo yi ŋmel hlu bo funi yi wo yin gbokali tona bo yi wo li mimi yi ka nito kukuan tokuɔn, bɛ tɛna yi se nishibi. ¹² Yi lɛ minin mɔ yi ke deno jimi kaln ke de a jimi wo an klɛ gbɔjɛlii lɛ shu, hlɔ ma ke hin yi k'a bese sɛ. ¹³ Yi kwel tiɛsɛ toli jimi mɔ fu yi ke lante tiɛsɔ tokin niyal lɔ funi yi ke kpaln tɛn ne. ¹⁴ Fajɔ Herɔdi Yesu gbɔna gbare mun se, Yesu yin ni lɛ mun nɔ benkur nɔkur se in. Herɔdi k'a wu de Jan Batise re kuɲinɛbɛ klimɛŋ tiemɔ fu mu n'a jal a ba shɔgbɛ klɛ. ¹⁵ Jimi mɛ k'a lo kɔmɔ d Eliɔ mɛɔ de Jɔsɔ'n tɔtɔn nɔ a tɔtɔn bure faato. ¹⁶ Kɛ, Herɔdi k'a wu d'akûn Jan mun ŋmel tɔ de fu mu n'a sɛ kuɲinɛ bɛ. ¹⁷ Herɔdi mu ne Jan jamɔkpɛ Heeodiasi gbɔ yɛn mɔ fumun k'a nɔbin jɔɔ Filipe luɔ in. A re fu mu shɛ a nɔbin ni kpɛŋ. ¹⁸ Jan b'a lon de a wo yanɛ a k'a ɲikar jɔɔ luu sɛ a kpɛn bo. ¹⁹ Herodiadi b'a nerfun nɛ jan tɔn, a b'a krɔ fa ɲɛn. A wo lo bo, ²⁰ Bololɔ ɔ bo Erɔdi re Jan yanbi hlon in, a b'a shi de Jan ke, jimi ɲɔn ni fenɛ ɔ in, a b'â taniyan. ŋmil gbar kur nekal sima nernar funi a se b'a kɔnne a ne Jan gbokal tona kɔn ne. ²¹ Fu wun to ye ɲɔn ke fɛ, lɔ mun to Erɔdi kuɔn nɔtɔn mli kiɛ wɔnwɔn mɔtitiɛn a surashi ŋmel ni a Galile jimi sɔsɔɛ se in. ²² Erodiasi die meli ke bɛ de a wɔnwɔn lɔɔ mɔ ke sɛŋ fu sɛŋ ni ke Erɔdi ni a jɔmɔɔ mɔ nokuo. Fu wuno hin Erodi k'a wu a die meli se de mɔn kur mu nekal re a tiya n bɛ fu tea á to. ²³ K'a muɔn k'a wu d'ani mɔnkur mu nekal niyal ani ta la mun kiyɛn ni jɛn bien kuo. ²⁴ A biini ke li mimi ke deno a ǹɔ̀ɔ du ke de ; n ke ɲɔmɔ niyal ? A nɔɔn rɔ de : Jan Batisi ŋmeliɛ. ²⁵ Ke sesa de a lɔ mɔ ke Jan Batisi ŋmeli niyal a tɔɔ se de n ni Jan Batisi ŋmili bese mɔkual mɔ. ²⁶ A fanjɔ k'a ɲamɔ ɲane, kɛ a.muɔn ni funi a jomɔn tobra mɔni ŋmɔn nɔn a wo a ka hin a die meli niyal mɔn ni se bo. ²⁷ Fu muɔ ni mɔ Erɔdi k'an fenɛn klɛtɔn mɔn bien tɔn e d'a wo do kiyan mɔ Jan Batise ŋmeli tɔ kun bɛ a lɔjɛli mɔ. ²⁸ Ke deno Jan Batise ŋmeli tɔ kun bɛ mɔnkwal mɔ k'a te a die biini to, fu k'a sɛ te à yɔ to. ²⁹ Jan Batisi'n kaln bishiɛ fu na gbar mu ye, yi ke deno a nikiɛn gbɔ no tokpɛ ke. ³⁰ Yesu'n tɔnte gbarmu ye a tobra Yesu blɛse, yi kaln ni gbɔɛ mun nɔkur klɛ, yi fu ta yɛn a to. ³¹ Yesu k'a wu yi se de : yi bɛ blɛse kpar dal se, tekal yi k'a fiyέn bur kiyan ne. Bolo ɔ bo yi tenɛ bene mun se in blate ni kɔnte tiɛn mimi in fure lii lî gbar wo ŋmɔn yi se bo. ³² Fu wono yi ke kurn gbɔ deno ben ma se dɔkar mɔ. ³³ Jimi tiyɛsɔ ke yi kɔn kun ŋmɔn, yi ke li a diɛɛ nɔkur mɔ a nita funi tuu no yi ɲɛto yi kɔn fɔn ni mɔ. ³⁴ Yi kiyal a kur ni mɔ gbar mun se Yesu ke jɔmɔ tiyɛsɔ ŋmɔ a ɲɛto, fu jɔmɔ munur k'a ja faan sɔ. Gbɔɔ mun se a re yi ŋmɔn are bɛbɛ mun tenɛ miyɛn tɔ wo yi to bo. Fu muɔn ni mɔ ke yi kaln yɛn ja gbɔ tiyɛ sɔ rɔ. ³⁵ Wo kae gbar mu se a kaln bishiɛ k'a sukur a to, yi wu a se de : a ni tiali ke kpar dɛl sɔ rɔ funi won kaŋ monɔ, ³⁶ yi sɛ bur no tekal yi ke don a blɛblɛ se diɛ ɲikari mɔ li sɔŋ kun di. ³⁸ Yesu ke yin gbokali mɔli de : yi kun nɔkur ni wo li te yi to yi k'a di. N bɛ dona wonmial kpalkrɔ fu sɔŋ kun na n k'a te yi to liɔ ya? ³⁷ K'a wu yi se de : wonmial mɔ gba fɔn yi se? Yi deno a yi ke, yi k'a wu de mɔkwal funi yiɛn mɔ nii. ⁴² Yi nɔkur ke lii di yi ke yuar. ⁴³ A wonmiali mɔnkwanli n'a yiɛn mɔni ni kun bur ke tɛ kaa funi lo mɔn. ⁴⁴ Te mun fu wonmialii ni a yiɛn nii kun fu lɔ mɔn ke yan jɛn blikwanl to. ⁴⁵ Fu muɔni mɔ, Yesu k'a kaln bishiɛ se a wu tokparja de yi wo a sɛ de a krokotoni mɔ, yi ke bas no Betsaida jɛn maa se. Gbare mun se Yesu nɔkurn ne tɛlta bese k'a jomɔɔ kwɔnsɛ. ⁴⁶ A re yi kwɔnsɛ kɔne gbare mun se, ke kɛl sɔ flen deno toniyal kwo ke ⁴⁷ Nukur jo gbare mun se, s krokotoni tɛnɛ a dɛ nun ni tiemɔ in, fu gbare se Yesu re tɛnɛ a bien ɲanta in. ⁴⁸ Yesu ke b'a ŋmɔn de a kaln bishiɛ bɔ b'a gbɛlnɛ a dɛnu ni flen kɔn fɔn, fu bolɔɔ bo sɔŋ ɲɛjir ben yi mɔ kakanɛ in. Gbɔtal mɔ, Yesu ke dugu ke kelkɔn komɔ a dɛnu ni flen a b'a yi sɛ tojirɛ bese. ⁴⁹ Yi r'a ŋmɔn gbare mun to a b'a kelkɔn a dɛnu ni flen, yi k'a kesɛ de yanyikɔ mɔn nɔ, yi ke dugu yi k'a mial klɛ komɔn; ⁵⁰ bolɔɔ bo yi nɔkurn ɲa a to in funi yi tal k'a mɔkal le. ⁵¹ Gbɔbien se Yesu k'a wu yi de : yi wo a shu de mun nɔ, yi bɛ yan tu bo! ke du yi wɔse a krokotoni mɔ, fu muɔn ni mɔ a sɔŋ ni k'a se gbare. Yi nɔkurn se ke kɔn ne. ⁵² Bolo ɔ bo yi wo a wonmial shɔgbɔ mɔ faa hlɔ yi neriyɛn tokpar re se bo. ⁵³ Yi gbar mun se a dɛnu ni mɔkar de, yi ke deno jenezarɛti diɛ mɔ, fu mɔ jomɔɔ k'a sukur yi to. ⁵⁴ Yi re li kɔn ne gbare mun se a krokotoni mɔ, a jimi ke Yesu lɛ shu, ⁵⁵ yi ke kiya ɔ dugu yi k'a klɔŋɲɛɛ ni a tablɛse diɛ ɲikare se de yi k'a lantee gbɔn bɛ yi'n shin kparee flen.