¹ Yesu lɛ mukwɔ mimi, a jɔmɔn a sɛ tobra a blɛse. ke deno Jude kiyɛni mɔ Jurdɛn dɛnun ni bese. a jomɔɔ sɛ tobra Yesu blɛse tekal a ke yi kal. ² A farisiɛn b'a du tekal yi k'a kɔn na tiyɛldɛ nana gbɔta, yi k'a du de are yanɛ jɛn k'a lu toa? ³ ke yi mɔli de: Musa ɲɔn tuɔn tɛ yi to? ⁴ Yi k'a mɔli de: Musa r'a lo de fu jɔɔ ke tiyɛl nana tuɔmɔ ɲurte a luu. ⁵ Yesu ka wu yì se de fu re lo jímii ɲalto kɔni nukɔn. ⁶ kɛhin a re manɔ tenɛ a komɔn gbatrse bo yin. ⁷ Duriɔn komɔn gbar se Jɔsɔ re jɛn ni mel brɛ. ⁸ Fu nokwɔn, jɛn b'a t̂ɔ ni a n̂ɔ to kar ra ke ta a luu to yi jir niin bɛ tɛna jir niin kan bo yi ke tɛ jir bien. ⁹ Do bɛ Jɔsɔ'n ta mɔ tiekar bo. ¹¹ Yi dɛ mukuɔn di, an kaln bishiɛɛ k'a sɛ du fu gbɛɛ ta. ¹⁰ K'a wu yi se de: tɔni mun a luu toli ke mel ma gbɔn fu re niyɛnkal, ¹² funi meli mun a dee jelta ke nin jɛn ma gbɔn ke fi sɛɛ niyɛnkal. ¹³ Jimii diɛɛ ke bɛ bishiɛɔ tekaln ke yi tota ke kion nɛn yi mɔ, an kaln bishiɛɛ ke yi ta kuɔn komɔ. ¹⁴ Yesu fu ŋmɔn hin a wo a mɔ nogɔ bo ka wu yi se de : yi wo jel bishiɛɛ ke bɛ mun tɔnimɔ yi bɛ yi to bo, bolɔbo Jɔsb'n faanbii ke yikun kurtee furɔ. ¹⁶ Hlɔta n ni a lo yí se de: tɔni mun bɛ Jɔsɔ'n kiyɛni jaa bishan tiɛri faato bo, bɛ dea a mɔ bo. ¹⁵ Ke yi gbɔn a bɔ mɔ ke kiyon yi mɔ. ¹⁸ Yesu ɲalnta li nɛ in, jɔ dian ke bɛ a kurpe a tɔn k'a du de : ŋmeltɔ ɲɔn, n ni ɲɔmɔn kuo hin tekaln n ke kɔnkarhi ŋmɔn? ¹⁷ Yesu k'a mɔli de : ɲɔn n'a jal a b'a mun fɛn de ŋmeltɔn ɲɔn? Jɔsɔ kuɔse jimi ɲɔn do wo tenɛ bo. ¹⁹ A re Jɔsɔ'n tɔn ɛ shi : bɛ do kuo bo, bɛ niyɛn kel bo, bɛ ɲira kuo bo, bɛ kɛn ɲɛn do flen bo, bɛ do gbɔjɛl kuo do to bo, a t́ɔ ni a n̂ɔ ɲɛn flɛ ɲɛn. ²⁰ Fu jɔɔ ke Yesu mɔli de: n ŋmrltɔ mun n'a ni gbɔɛ toja kɔmɔn n bishan gbare. ²¹ Yesu k"a yi a gbɔ k'a tia tɛn. K'a wu a se de : gbɔ mɔn bien a to dir nɛ, do a kpɛnmɛɛ nɔkur yɛ ke a ke kpali te dakpaln to, a bɛ nofel ŋmɔn na Jɔnɔn ɲɛn. ²² Fu jɔɔ r'a ni gbukali na gbar mun ye k'a ɲamɔ ɲanɛ, a kpɛnmɔ tiyɛsɔɛ nuguɔ. ²⁴ Yesu k'a blɛse yi k'a wu an kaln bishiɛɛ de : Kpaln te dɛɛ bɛ jar tɛn na Jɔnɔ mɔ. ²³ An kaln bishiɛn tuɔ ke mɛle fu gbukali nukuɔn. Yesu k'a sɛ wu yi se de : mun bishiɛn, tee mun a niriyɛn ɲɛn nefel flen, fɛ dɛ bɛ jar tɛna jɔnɔ mɔ. ²⁵ kpalntee dɛɛ jar jɔnɔ mɔ ke jere ɲɔgɔŋmɛ dɛ to misɛn muɔn se. ²⁶ An kaln bishiɛn tuɔ ke mɛle ye, yi b'a lon yi se, gboo la tɛln hin? ²⁷ Yesu ke yì yí ka wu de : fure tokpar dimî se , k'a re togbar Jɔsɔ se bo. Boloɔ bo bolo wo tokpar Jɔsɔ se bo. ²⁸ Piɛr k'a wu a se de : a nɛn, ŋmɛn mɔnkur nɔkur jelta n ke kpe akun ta. ²⁹ Yesu k'a mɔli de : n ni hlɔ lo yi se de : tɔni mun ni an den ni an srɔ jɛn ni mel ni an t̂ɔ ni an n̂ɔ ni an bishiɛ funi an klɔn ɛ jeltaa mun tuɔn narsɔɔ nukuɔn ³⁰ wo b'a kurn karkwel ŋmɔna ɲa yee to dee ni srɔ jɛɛ ni mêl ni t̂ɔɛ ni n̂ɔɛ ni bishiɛɛ funi klɔn ɛ ŋmɔna kiyέn wɔse ɲa ye to fu bjabi mɔ. ³¹ ɲɛtɔn tee tiyɛsɔ bɛ tɛnna besetee funi besete tiyɛsɔ bɛ tɛnna ɲɛtotee. ³² Yi ke Jerusalɛm kɔn ɲaln ja Yesu b'a kɔn yi wɲɛto. An kaln bishiɛɛ ŋmel b'a mɔkalnɛ a yi b'a kpe nɛ a ta yanbi mɔ. Yesu k'an kaln bishiɛɛ gbar sukuar á to ke Jerusalɛm klɛ gbɔɛ ta yɛn yi to. ³³ A nɛ, n kɔkun nɛ Jerusalɛm, jimin die dɛ nɛn na a flɛklɛ klɔtee ni a tuɔmɔn ɲuar tee kpɛŋ, yi k'a nὲ kuo yi k'a nɛn Jɔsɔ hlɔ karn tee kpɛŋ. ³⁴ Fɛ b'a toflɛlia, yi k'a kiyan bur a flen, yi k'a ŋm̂ɛn sabuarɔ yi k'a kuo, fu yefial tiar tɔn lɔ ke ɲilibɛ klomɛ tie. ³⁵ Zebede dereɛ Yakuba ni Jan a sukuar Yesu to, yi k'a wu a se de : ŋmeltɔn, n n'a shi a ke n nial gbɔɔ kuo n se. ³⁶ Ke yi mɔli de yikun a shi n ke ɲomɔn gbɔ kuo yikun se? yi k'a mɔli e de : ³⁷ a jel ŋmɛn mɔ jir bien ke ɲinɛn a kedirn se ma ke ɲinɛn a kemɛln se a ni gbar mu ye dɛ an faanbii mɔ. ³⁸ Yesu ke yi mɔli de : yikun yin ɲɛnmɔn shi bo. Yikun mûn lamɔn ni gbɛ kar hin a? Dâ yi re mun batɛmu ni kur kuo hin a? Yi k'a mɔli de n ne a kpɛ hin. ³⁹ Yesu ke yi mɔli de : Yi ni tala mun lsmɔni gbɛ hin yi ba mun bstɛmu ni kuo hin, mû ke mún ke mún kedir se ni n kemɛl se ɲinɛn gbɔɔ, a re lɛ mun mɔ bo, ⁴⁰ kɛ tɔni mun yanɛ k'a ŋmɔn, a bɛ tea fu tɔn to. ⁴¹ A jir fuu re fu gbɔɔ na gbare mun ye, yi ke kuɔn kɔmɔ Yakuba ni jan flen. ⁴² Yesu ke yi fɛn k'a wu yi se de : Yi re jimî mun lɛŋ duriɔn jimî ŋmelteɔ re yi flenfarn a jimî sɔɛ b'a ŋrakpɛnɛ. ⁴⁴ A la tenɛ manɔ yikun tie bo. Tɔni mun n'a shi ke tɛn yikun ŋmeltɔn yanɛ ke tɛn yikûn seklɛ tɔn. ⁴³ Tɔni mun n'a shi ke tɛn yikun mɔ fel fu tɔn ke tɛn yi nɔkurn fuɔ. ⁴⁵ Boloɔ bo Jimî die jɛn biɛ tekaln jimî ke a se kuo bo kɛ ke jimî tɔnkuo, k'a shii te ke tɛn jir tiɛsɔ tosɔn. ⁴⁸ Yi bɛ lo Jeriko. Yesu re lɛ mimi gbar mu ye ân kaln bishiɛɛ funi jomɔ dekaln wɔse, Bartime die jɔɔ Time, niyal klɛtɔn, ɲinɛ nɛ ɲaln blɛse. ⁴⁷ A r'a na de Nazarɛti lɛ Yesu jirɛ in, k'a mial klɛ kɔmɔn; Dsuda die, n mudur ja! ⁴⁶ Jimi tiɛsɔ b'a ta kuɔn tekaln k'a kɔn kpɛ. ke sɛɛ a miali ta mabur ye. Dauda die, n mudur ja! ⁵⁰ Yesu ke lie k'a wu de : Yi a fɛn bɛ. Yi k'a kiar jɔɔ fɛn yi b'a lon a se : a tokpar ja, dugu a r'a fɛn. ⁴⁹ A kiar jɔɔ k'an tonɛwa sɔɔ li feeta ke luŋ dugu ke bɛ Yesu shar. ⁵¹ Yesu k'a du de : A r'a shi n ke womɔn kuo a se? A kiarjɔrɔ de Rabuni, n ke ŋmɔn kuo. ⁵² Yesu k'a wu a se de : an hlɔjabi re a tɛln. Fu fɔn bien ni mɔ ke ŋmɔn klɛ kɔmɔn, ke ɲaln ja Yesu wɔse.