¹ Yi lo gbare Jerusalem de yɛn se, betfage ni Betani blɛse, oliwie fin nii kwnkar se, Yesu k'an kaln bishan mɔ nii ma tɔn e ² k'a wu yi se de : Yí wo don yi ɲɛ to diɛ mɔ, yí dɛ kun ma yí bɛ sumarn bin tiŋ kun ŋmɔ na, do wo du kɛŋ fu mun flen bo. yi k'a jɛlbɛ n kɛŋ. ³ Jir ne yi du de : yí re ɲɔn gbɔ klɛ? yí a mɔli de : a togbɔ Totɔn se. Fu fɔnbien ni mɔ yi b'a jela ke bɛ. ⁴ À kaln bishiɛ de deno a sumarn bin ni ŋmɔn ke a b'a tiŋ nɛ wo yen dian ŋmrɔ, yi k'a jɛl. ⁵ Tee mun tɛnɛ mimi in fɛ mɔ mɛ k'a wu de : Yikun ɲɔn klɛ? ɲɔ a jɛl yi b'a sumarn bin ni jɛl? ⁶ Yi ke yi mɔli Yesu'n lo faa to, yi k'a jel yi k'a jɛl. ⁷ Yì ke bɛ a sumarn bin ni ɔ Yesu kɛŋ ke. Yì k'an wa ɛ bur a flen Yesu ke du ɲinɛn a flen. ⁹ Jimi tiɛn sɔ k'an waɛ bur a ɲali ta, mɛ ke mɔ bɔ ɛ kputur bur. ⁸ Yesu ɲɛto brɛ tee n'a bese brɛ ter tiɛn sɔ a mial klɛ in de : Ozana! Kioŋ ke nɛn Totɔn yin ta bla tɔn mɔ. ¹⁰ Kioŋ ke nɛn faan bii mun bla Totɔn yin ta. ŋmɛn tɔ Dauda yin ta bla fasn biiɛ! Ozana Jɔnɔkpar mɔ. ¹¹ Yesu ke de Jerusalɛm Jɔsɔ toniyal lɔ sɔɔ mɔ. A r'a blɛse nɔkur yi kɔn, nukur jo mun kuɔ a re lɛ ke deno Betani an kaln bishiɛɛ wɔse. ¹² Fu wontali mɔ, yi lɛ mun kuɔ Betani, klɔ ke Yesu ja. ¹³ A re bwal fiŋ ŋmɔ dɔ se won ɛ b'a mun gbɛto, ke deno tekal k'a yi d'a ni bɛ li fu ŋmɔ na a flen. A re gbar mu ye a sukuar a to, a wo wɔn kuɔse bolo ŋmɔn bo. Boloɔ bo a gnar lo kɛŋ bo in. ¹⁴ Ke kal a bwal fini se de : do b'akun sɛŋ ŋmɔn di kan bo. A kaln bishiɛɛ b'a tona. ¹⁵ yi re dɛ a Jɔsɔ tonial lɔɔ mɔ, Yesu ke Jɔsɔ toniyal lɔɔ mɔ yɛklɛ ni sɔnklɛ jimi toli. Ke a kpaln sɛŋ tee'n tabalii ni a kuon yɛ tee ɲinɛŋ ŋmɛɛn jirmalie. ¹⁶ A wo a jal do wo boloɔ lɛ a Jɔsɔ toniyal lɔɔ mɔ bo. ¹⁷ Yesu b'a jimi kaln de: a re ɲur nɛ de : mûn toniyal klɛ lɔɔ be fɛn na de jimî'n toniyal klɛ lɔ. Kɛ yikun k'a nɔ ɲira ɛ dɛ kuɔ jire. ¹⁸ A flɛklɛ te ŋmeltee ni a tuɔ mɔ ɲuarte ke fu na, yi k'a krɔ fa ɲɛn kɔmɔ, yi b'a yan hlon bolo ɔ bo a jomɔɔ an kaln ni to kobɔ in. ¹⁹ Yesu ke li a diɛɛ mɔ nukur jo mun kuɔ. ²⁰ Fu won tali mɔ, yi jirɛ kun a kaln bishiɛɛ k'a bwal fiŋ ni ŋmɔn. a b'a kuo lo nɛ a dir to. ²¹ Yi k'a tal ɲɛ klɛ fuu mɔ, Piɛr k'a wu de : ŋmeltɔn, a yi in, a re bwal fiŋ ni mu dɔngɔ kwo kun nɛ. ²² Yesu ke yi mɔli de : yi wo Jɔsɔ hlɔbi ja, ²³ n ne a lo yi se hlɔta de : jir n'a lo a ni kɛl li se d'a sukur li a fɔni mɔ a ke don a fe ke dɛ nun mɔ. a tɔn wu wo a tiyan bo a ni a hlɔja d'an lo fuu bɛ kwoa, a b'a klɛ kun ŋmɔn na. ²⁴ Fu r'a jal mun a lo yi se de : yi ni mɔni mu nakal niyal toniyal klɛ mɔ, yi wo hlɔja de yimr'a ŋmɔn fu bɛ koa yi se. ²⁵ Yi ni mɔnɔn deli toniyal klɛɔ, gbɔ ni tenɛ yi ni jir tie mɔ, yi wo a tɛjel fu tɔ n se, funi klɛ yi tɔ Jɔsɔ sɛɛ b'a tɛlje la yi'n gbɔjɛlii se. ²⁶ Kɛ yi ni tɛjel klɛ bo, yi jɔnɔ mɔ tɔɔ sɛŋ b'a tɛjel la bo. ²⁷ Yesu n'a kaln bishiɛ r'a sɛno Jerusalɛm, ke Yesu jel a Jɔsɔ toniyal klɛ lɔ sɔ mɔ kal fɔn, a flɛklɛ tee ŋmeltee ni a twɔ mɔ ɲuartee funi a klɔtee k'a sukur a to. ²⁸ Yi k'a du de : A r'a ni gbɔ ɛ klɛ gbo lo mɔ? Gbo re a klɛɛ lo tɛ a to? ²⁹ Yesu ke yi mɔ li de : mun sɛɛ bɛ yi du bɛ yi ke n mɔli funi klɛ mun sɛɛ bɛa wua yi se tɔni mun loo mɔ mun a ni gbɔɛ klɛ, ³⁰ Jan batɛmu ni lɛ Jɔsɔ se daa a re lɛ jimi se? yi n duklɛɛ mɔli. ³¹ Yi ke yi tokal de a: n n'a lo d'a lɛ jɔnɔ ɲɛn, a b'a wua de ɲɔn n'a jal yi wo hlɔjabi bo? ³² N n'a lo de a jimî se, yi b'a jomɔɔ ɲɛhlo, boloɔ bo jimi nɔkur re Jan nɔ tɔntɔn klɛ in. ³³ Fu ta yi ke Yesu mɔli de : ŋmɛn a shi bo. Yesu k'a wu yi se de : mu sɛ bɛ a gbɛ klɛ loo lɛ fɔn wua yi se bo.