¹ Yesu ke fú kuɔn yí sé kɛl kun mɔ tὲlmɔ. Jɔ dian ni á ɲὲέkun klɔ tiyɛln. ki a klɔ́ɔn nɔkun to kaka mɔn fin ɔ, ke ɲὲέkun nuún tiɲɛn muɔn tiŋ, ke ɲὲέkun tiὲn tan lɔ tiyɔn. Fú bise ki a klɔ́ɔn teta warŋ ta, ke deno klɔ́ kélke. ² Á timɔni sɛn kar gbar lo, ki jíir burbɛ á fú nin fɔn kpɛli sὲ a klɔn gbɔn jɔ́ɔ se. ³ Fu ke a tiyɔn lo tɔni jáa, ki a ŋwɛn, ki a toburé a kpɛn kuὲl ɔ. ⁴ Ki jíirma burno, yí ke fú kuèl á ŋwel mɔn, yí ki á mɔn buɔn nὲŋn. ⁵ Ki jíir tyáartɔn burno. Yi ke fú kuoé. Ki a sɛ tɔ́ɔnté tyὲɛsɔ burno, yíi ki fɛ nɔkun kuoé. ⁶ Dié jɛn mɔn byén ni mɔ á se ki fu burno, di a klɔn gbɔn tée be fú ɲɛ flɛ ɲɛnna. ⁷ A loó yíi ka wu yi se di: "à ni ki a kiɲɛn gbɔn tɔn ni ɔ. Yi wo bɛ n ka á kuo nɔkɔŋl a klɔ́ɔn ki tɔn ŋmέɛn fu." ⁸ Yíi ki á jàa, yí ki á kuo yí ki á gbàr fée à klɔ́ɔn bise. ⁹ A klɔtɔn jɔ́ɔ be ɲɔmɔn kuobɛ kiyamɔn? Á be bla, ki a klɔn gbɔn tée nɔkun kuo, ki a klɔ́ɔn sɛ te jir mὲɛ sɛ to. ¹⁰ Yíi kun wo ani gbɔ ɲuar mɔni kɛlŋ ni laboba? di: " a lɔ tyɔn tée kakrɔ mɔn féé, furi á sɛ tɛnŋ à ĺɔ̀ɔ fintɔn ɲɛn kakrɔ ɲɔn ni ɛ." ¹¹ Fu nɔkun ke Jɔnɔsɔ fú lòo yɛn ɔ ń nɔkurn ɲiŋɲra. Yíi Yesu jáa biseiŋ, kɛ yíi be à jɔmɔ́ɔn ɲɛhlo. ¹² Yíi a hlɔ di Yesu á ni tὲɛl gbukalii kɛl ni ɲɛn yikùn flé. Yi ke à sukurli a blɛse, yíi ke deno. ¹³ Yíi ke a sɛ yi ke fariziɛn ni Erodi ɲin mɛɛ burbɛ Yesu se nɔkɔŋl yi ke a jàa á kɔn gbukali rɔ. ¹⁴ funi yi ke bɛ a wu á se: ŋwelɔn, n ni shi di a kun hlɔ ta, á wo do ɲan hlo bo, fu bolo ɔ bo, á wo do ɲaa sɔ be lɛɛ bo, á be sɛɛ Jɔnɔsɔ n'ɲɛl fáa lo hlɔta. ń kanɛ n' ke Sezar mutari tur daa n' ke a jelé? ¹⁵ ń ke a tur daa n'ke á jelé? gbɔ mɔn nɔkuɔn Yesu yíin dɔbli bíi shi man, ki yi mɔli de: Yikun la mun burlɛ ɲɔnnɔ; yi wo mun kɛn kpɛlŋ byen ɔ n'ka yiiŋ ¹⁶ Yi ke be mɔn byén te á to. Yesu ke yi du: gbo ɲiŋn ni à niniŋ fɔn á flé? yi ki à mɔli di Sezar ɔ. ¹⁷ fu se kwo ki a wu yi se: Yíi wo Sezar fú nin fɔnni te Sezar to yi ki Jɔnɔsɔ fu nin fɔni te Jɔnɔsɔ to. Yi nɔkun wun ki kɔné. ¹⁸ A Sadiki ɲiŋni mɔ a lo di klo wo ɲɛnɛn bo fɛ ke à sukurbɛ Yesu to, yi ke ani duun kwo: ¹⁹ ŋmeltɔn, Musa mun wuta fu mun ɛ. Mun ɲikar ni klo ke á luu jelta, á wo dié ŋɔnbo, á srɔ j́ɔɔ a sɔnɔgbɔn, ki bishɛn kuɔn á se. ²⁰ Taki nɔbin mɔn kíinŋ tɛnɛiŋ, a tutjɛli tyɛl dɛ, fu ki kué á wo dié wɔnbo. ²¹ A nintɔni ke a sɔnɔgbɔnŋ, fu ki kué fu wo dié wɔnbo. A tiyar tɔni fùú kisɛn manan tɛŋn. ²² yi jíir kiíŋ ni do wo dié wɔnbo. Yí nɔnkun man ɔ kué à meli ki sɛ kué. ²³ A klofὲɛ ɲɛnnɛn lɔmɔn, a meli be tena yí mɔ gbo lu? bolo ɔ bo yí jir kiinŋ ni nɔnɔkun luɔ. ²⁴ Yesu ke yí mɔli di: Yíi kun jelnɛ boba? Mun ni a ŋɔn di yi wo gbɔ ɲuarmɛ shi bo, yi wo Jɔnɔsɔ n'fáan shi bo. ²⁵ Fu ki bolo ɔ bo à klofɛέ ɲɛnɛn lɔmɔn, jɛn do bɛ mel gbɔnna bo, à méeli do be jɛn gbɔnna sɛɛ bo, ke yi be tena ari mɛlɛkɛ a jɛnjɛnni mɔn. ²⁶ Mun ki a klo ɲɛnɛn gbɔ́ɔrɔ, yi wo a kɛln musa ń sɛbɛn mɔn Jɔnɔsɔ mun lo á se a mɔn tuu mɔ klɛ gbɔrɔ: Mun ki Ibraima n'Jɔnɔsɔ rɔ, Isaka n'Jɔnɔsɔ ɛ, funi Yakuba n'Jɔnɔsɔ ɛ. ²⁷ Jɔnɔsɔ ke á klomɔn tée fu Jɔnɔsɔ́ɔ bo, ke a jir lɛɛ fu ɔ.yi kun a tɛtɛ jelnɛ. ²⁸ A tuɔ mɔn ɲuartéè madyan yí tenaiŋ, fu ke a ŋmɔn de Yesu ani duklɛὲ mɔ lɛ fáa hlɔ, ke a sukurbɛ, ke a du: fɛnon ke à tuɔn ni nɔkun mɔn tukyɛln ɔ? ²⁹ Yesu ke a mɔli: a tyɔn kyɛli ɛ: tena kuo Israɛl, ŋmɛn totɔn Jɔnɔsɔ byén mun tenɛn. ³⁰ Á Totɔn Jɔnɔsɔ gbɔ ke a mɔ noko, funi á níinŋ nɔkun, funi á kisɛ nɔkun mɔ, funi á Fàan nɔkun. ³¹ A níiŋ tɔni ɛ: A krɔma jimin gbɔ ke á tya tɛn ari akun nɔkun ni ɛ. Gbɔ wuuta fu ma wo sɔ kan ani to bo. ³² A tuɔ mɔ ɲuar jɔ́ɔ ke a wu a se, fu ɲɔkɔ ŋmelton, lo di Jɔnɔsɔ ke mɔn byén ɔ, di ma wo mii ka akun kuɔse bo. ³³ De á gbɔ ke á nurmɔ noko fu ke a dɔ́ɔ bo, ke á ŋmel nyaa nɔkun, á niin nɔkun funi á fáan nɔkun funi á krɔma gbɔ ke a tiyatɛn á byén fato, fu tɔn ni sɔ flὲ kur nɔkun to. ³⁴ Yesu à wɔn di akun ani duklɛὲ mɔlɛ jen hlɔbimɔn ke a wu di: A fɔn wo bɛl Jɔnɔsɔ to bo. Do wo sɔn kan ke Yesu du gbukɛlma ɔ kan bo. ³⁵ Yesu a lo yii kɛln fɔn yin Jɔnɔsɔ tonyɛl lɔsɔ́ɔ mɔn di: A tuɔ mɔn ɲuar tée ki gbanɔn a wu di krista ke Dawuda diɔ? ³⁶ Jɔnɔsɔ n'nin toféné mɔni dawuda brɛ á loomɔn di: Totɔn ni a loo mun Totɔn se: ɲɛnɛn mun kedirsé foro mun mɔlɔ akun kɛlshité ɔ akun níi ɲɛnmɔn jir. ³⁷ Dawuda nɔkun sɔrɔ á fɛn di n'totɔn; à gbanɔ tɛnɲe fu dié? Jɔmɔ́ɔ tena klɛ á se yii be â gbɔmɔnarɔ. ³⁸ Ari à loo á kɛlnimɔn di: Yii wo á byén tɛlɛn á tuɔmɔn ɲuar tée to, tunuwa sɔ mɔn kelmii fɛ mun tiya. Yi be a shi de jɔmɔn ke yikun fúu gbar gbarn. ³⁹ A ɲɛto ɲɛnɛn gbɔ́ɔ fɛ mun tiya Jɔnɔsɔ n' lɔ́ɔ ni jɔmɔn ɲɛto ɲɛnɛn fɔn. ⁴⁰ Sɔnɔ gbɔn gbɔ ba yi tiya, yiba kὲɛnta dɔ karn sárn sar. Yikun fu ɲɛli ta gbɔjɛl kɔn karn be á yàa yi to bo. ⁴¹ Yesu la ɲɛnɛnné a mɔn nandirn ni flé gbar mun ye kela a jimii ń kpɛὲli gbɛ fáa yii. A lootée kpɛl tiɲɛsɔ gbɛὲ, ⁴² ke dakpɛl méel dée klomɔn ma ke bɛ kpɛl bur. ⁴³ Yesu ke a wu á kɛnl bishὲɛn se di: hlɔta hlɔta mun ni a loo yikun se de, dóon tɛ fu wo ani meli fuù se loonɛ bo. ⁴⁴ Fu bolo ɔ bo, yi nɔnɔ kun a ŋɔn tɔni brɛ ke ani bíi á kpɛn kpɛli nɔkun tée.