¹ Ngichewe yiba mu ur chewe ku chiri Kristi, mu do mu lo'olilimsa sah, ka nchimam yi mu rengkunam i chiri puhu mpilar. ² Ne mi pinanchimu bwana ka i su'uru nchimu ma malai sah ku nchimam. ³ Ka ɓene a pa'a yam kunnu ne a gawam i Kristi ku ta'a wu swana, wu mu'uram ma yiram. ⁴ Yani wu isra'ilawa, a kuma tahpuru, a kuma kahkah, ka kur buhu, ka i pah ma rengchewe, ka i sohnzah pih Ɓaku, ka wu kurlo'o. ⁵ Wu tarru mbwang maya bana ɓah Kristi pura yo ma yira-yi ɓah ningya Ɓaku ku mur wu bapina mbwang-leme ning mi ma hueng, inna. ⁶ Kpa ma do ningya ne kur lo'o Ɓaku shiwa sah do wu ɓa Israila mbwang ya ningya ya isra'ilawa ma ngichewe sah. ⁷ Inna kpah na, do wu ɓa njilu ma Ibrahim mbwang ya ningya wu muni sah. kpa ma "ku ta'a Ishaku yiba a tu'ulu wu njilu mo" ⁸ Wu mun ma ngyam I shila do ya muna Ɓaku sah. Wu mun ma kurɓuhu ya ningya ɓene wu mun ma njilu. ⁹ Mani yi ɓeh lo'o ma kurɓuhu "I ban mani mo yo ka a ho pah mun yi saratu." ¹⁰ Do mani nah sah, kpa ma, i nzum bah Rifkatu na twala bum yo ba milmi, tarsu Ishaku. ¹¹ Wu mun mani ɓah a wo shima ma bilya, ka a wo do shi pa'a gima ma shimai ke biwai sah beh tara Ɓaku pa'ana wa do bi'ina i gir ɓah a pa'a ke tumu sah, chew yi ɓah i tu'ula. ¹² A wo chew yi ne, "majeh ko pa'a tumkorom yi maba mun" ¹³ I ɓene ɓah a ngwo'ala: "Yakubu yiɓah njilai, Isuwa yibɓa ɓi'inai." ¹⁴ Mani bah so chewe? girbiwa ho bah Ɓaku? wii, do na sah ¹⁵ Chiwa yi musa ne, "mo sunchiri ɓeh ba mo sunchiri, "ka mo pa'achiri ɓeh ba mu pa'a chiri." ¹⁶ Do chew yi bah i njila, ke do chew yi ba i mur ngyaarngya yiri sah, chew Ɓaku ɓa sunachiri. ¹⁷ Ɓeh mbunjeme chiwa yi firauna ne, "Chew mani yiba jina che'eu yiwa, chew ne mu sa ganmuru mam ku yiro, ne a tu'ulu lu'ulam ha tahramman mani bwang. ¹⁸ I mani Ɓaku sunachiri b i njila sunchiri, ka ba i njila ma'anai ningya ɓa ngyarngya muruh. ¹⁹ Wo chew yam ne, "mani ma'ana i bol su i girbiwa? yani ko ngi sunglo'o i njilei? ²⁰ Suna chele suna, bapina, we yen ɓa wo sunglo'o i Ɓaku? Gir ɓah a ɓa'ana ko ngi chew yi ɓa ɓa'anai ne "Chew man ɓah a pa'anna mi nah? ²¹ Ɓa ɓa'a kwere do ganna mur be che'e, ɓah i che'e mo'on ku ngi ba kwere ma pa'a shima gir ka kwere mo'on ma pa'a ɓiwa gir sah? ²² A chewne Ɓaku ba njila i sa li njimi ne a ma'a ne a she'ele ganmurui, yiba dangya nchimi ɓwana i kwer linchimu ɓah chiha chew ɓiwi wu gir, mani ko pa'a? ²³ Mani ko pa'a, yi na pa'ana mani ne i rum murum ma kahkah yi ku mur kwer sunchiri, ɓah wo chiha chew kahkah? ²⁴ Mani ko pa'a mani wusu, su ba i tu'ula do yo wu ɓa Yahuda gbira sa, yo chiri wu gamur bapina? ²⁵ Ɓen i chiwa ku mpuknshem Yusha'u, mo tu'ulu wu bapinam ɓah a wo do wu bapinam sah, ka wu muna njelei ɓah a wo do wu muna njelei sah. ²⁶ Ko ning ne ku ban ɓah a wo chiwa wa ne 'wu do wu bapina sah' ho banai a ko tu'ulu ya ne ' wu muna Ɓaku bɓa i nchimi" ²⁷ Ishaya tu'ula i mur isra'ila "Mane wu muna Isra'ila ɓwana ɓene nzangshila ku kun bɓa wu gamurya na ɓa a ra'asa ya. ²⁸ Tarsu ko ma'a lo'oi i russu ha ramman mani ko do bol ban sah. ²⁹ Ɓene bah Ishaya luana i ma muni, ne "tarsu ba wu bapina, ka do jingah wusu wu njilu sah, su ningya ɓene wu saduma ka ɓene Gomarata. ³⁰ Mani ɓah su chewe? ne bɓzeh wu gamur wu bapina ba a wo do mur pe'e ngichewe sa, a do kuma rengchewe sah. ³¹ Kpa ma wu Israila, a pira ya ku yo lo'o pahngichewe, a do jina ho sah. ³² Chew man? chew ɓah a do pisai i pahngichewe sah, kpah ma bene ku ta'a tumu. A ngya'aha ngba'a ya ku mur tah ngya ngbu'u: ³³ Ɓene bah a wo ngyo'ala, " Wu sunu mu mur ma'a ku sihiyona tah ma ma'a ngyamgbu'u ka tah ma ma'a girɓiwa. Ɓwara ɓa na pana ngichewe i yi. ko do kum nzoon sah"